TITUS
Corpus of Published Udi Texts
Part No. 58
Previous part

Source: Jeiranishvili_1971_Texts  
Jeiranishvili 1971


Evg. Ǯeiranišvili,
Udiuri ena,
Tbilisi 1971,
pp. 169-191




Part: 1_Queen_and_Lazybone  
1_Queen_and_Lazybone


Page: 169 
Sentence: 6     sa pasč̣aġun čubuġoy q̇a sa tämbälun naġəl
   სა ფაშჭაღუნ ჩუბუღოჲ ყა სა თა̈მბა̈ლუნ ნაღჷლ

Sentence: 8     baneksa sa pasč̣aġḳena adamar, banekoy te lap pasč̣aġal bakaney, iš c̣iax malin maa teq̇oabay.
   ბანექსა სა ფაშჭაღ-კენა ადამარ, ბანექოჲ თე ლაფ ფაშჭაღალ ბაქანეჲ, იშ წიახ მალინ მა-ა-თე-ყო-აბა-ჲ.

Sentence: 10     me pasč̣aġḳena adamari baksane sa čubux, ičal be͑ġnuxo barabar...
   მე ფაშჭაღ-კენა ადამარი ბაქსანე სა ჩუბუხ, იჩალ ბე∂ღნუხო ბარაბარ...


Sentence: 13     sa ġi me išen exne, te: "ḳoǯ išeyne, čöl čubuġoy."
   სა ღი მე იშენ ეხნე, თე: "კოჯ იშეჲნე, ჩო̈ლ ჩუბუღოჲ."

Sentence: 14     čubuġon exne: "etära bako? -- čöl išeyne, ḳoǯ -- čubuġoy!"
   ჩუბუღონ ეხნე: "ეთა̈რ-ა-ბაქო? -- ჩო̈ლ იშეჲ-ნე, კოჯ -- ჩუბუღოჲ!"


Sentence: 17     šeṭinal exne, te "etära bako, zähmät-zaṗḳal išu čöli bakane."
   შეტინალ ეხნე, თე "ეთა̈რ-ა-ბაქო, ზა̈ჰმა̈თ-ზაპკალ იშუ ჩო̈ლი ბაქანე."

Sentence: 18     čubuġon ičiṭunebsa, išen gena ičiṭu, axri sa vädä höǯätiq̇un bafṭesa monor.
   ჩუბუღონ იჩიტუ-ნე-ბსა, იშენ გენა იჩიტუ, ახრი სა ვა̈და̈ ჰო̈ჯა̈თი-ყუნ-ბაჶტესა მონორ.


Sentence: 21     išen aǯuġ biq̇eci bürmišnebsa: "tašanan čubuġo, besṗanan, bosanan, ič partala, guraṭa, läiluġa ṗina capa ečanan!"
   იშენ-აჯუღ-ბიყეცი ბუ̈რმიშ-ნე-ბსა: "თაშანან ჩუბუღო, ბესპანან, ბოსანან, იჩ ფართალა, გურატა, ლა̈ილუღა პინა ცაფა-ეჩანან!"


Sentence: 25     vezir-näzirġon moṭu taššaq̇un besṗesan, ama häyfq̇unbesa, besṗesa teq̇un.
   ვეზირ-ნა̈ზირღონ მოტუ თაშშა-ყუნ ბესპესან, ამა ჰა̈ჲჶ-ყუნ-ბესა, ბესპესა-თე-ყუნ.

Sentence: 27     čubuxal gölö šel-uḳla adamarrey.
   ჩუბუხალ გო̈ლო̈ შელ-უკლა ადამარრეჲ.

Sentence: 27     moṭġon šoṭu barq̇unexa, exq̇un:
   მოტღონ შოტუ ბარ-ყუნ-ეხა, ეხყუნ:

Page: 170 
Sentence: 1     "ma buvaq̇sa, take, aćesba vax melan, täksa pasč̣aġun pel ma aḳeke!..."
   "მა ბუ-ვა-ყსა, თაქე, აჩეს-ბა ვახ მელან, თა̈ქსა ფაშჭაღუნ ფელ მა აკექე!..."


Sentence: 4     meṭinal burim sa yärävgä q̇əzəlle aq̇sa; me yärävginä aq̇i tanesa.
   მეტინალ ბურიმ სა ჲა̈რა̈ვგა̈ ყჷზჷლ-ლე-აყსა; მე ჲა̈რა̈ვგინა̈ აყი თანესა.

Sentence: 6     gölöne taysa, ḳic̣ine taysa, taci sa äyzi baneṗsa.
   გო̈ლო̈-ნე-თაჲსა, კიწი-ნე-თაჲსა, თაცი სა ა̈ჲზი ბანეპსა.

Sentence: 8     me äyzi sa karvanu q̇a ičial sa tämbäl ġarre baksa.
   მე ა̈ჲზი სა ქარვანუ ყა იჩიალ სა თა̈მბა̈ლ ღარ-რე-ბაქსა.


Sentence: 10     mono ari düz moṭġo ḳu̯ane esa.
   მონო არი დუ̈ზ მოტღო კუ̂ა-ნე-ესა.

Sentence: 11     karvanax exne: "ay, nana, zax me byasun q̇onaġba!"
   ქარვანახ ეხნე: "აჲ, ნანა, ზახ მე ბჲასუნ ყონაღ-ბა!"

Sentence: 12     me karvanen exne: "bezi sa tämbäl ġarbez bu, ḳu̯al eḳaal tebez bu, vax etär q̇onaġbaz?..."
   მე ქარვანენ ეხნე: "ბეზი სა თა̈მბა̈ლ ღარ-ბეზ-ბუ, კუ̂ალ ეკაალ თე-ბეზ-ბუ, ვახ ეთა̈რ ყონაღ-ბა-ზ?..."


Sentence: 15     doġridan, ṭe ġaren sa iš kex boxosṭa tene, te sa ḳaṭ xe u͑ġa͑ne.
   დოღრიდან, ტე ღარენ სა იშ ქეხ ბოხოსტა-თე-ნე, თე სა კატ ხე უ∂ღა∂ნე.


Sentence: 17     me čubġox axri q̇onaġq̇unbesa.
   მე ჩუბღოხ ახრი ყონაღ-ყუნ-ბესა.

Sentence: 18     mono mya sa xeylax mannesṭa.
   მონო მჲა სა ხეჲლახ მანნესტა.


Sentence: 19     sa ġi me čubġon sa u͑q e͑š aq̇i ḳoǯin biṗćo u͑q gala ṭaḳnexa.
   სა ღი მე ჩუბღონ სა უ∂ჴ ე∂შ აყი კოჯინ ბიპჩო უ∂ჴ გალა ტაკნეხა.

Sentence: 20     sa e͑śnux ṭošne laxsa, te me e͑śnu be͑ġi ṭe ġar ṭoš č̣eġane.
   სა ე∂შნუხ ტოშ-ნე-ლახსა, თე მე ე∂შნუ ბე∂ღი ტე ღარ ტოშ-ჭეღანე.

Sentence: 22     e͑śna sooṭu lanexsa ṭesa gala, sayal a͑xi͑l, te me ġar say a͑xi͑l č̣eġane, axri merṭer, sooṭu ṭya, sooṭu mya, ṭaġa-maġa lanexsa.
   ე∂შნა სოოტუ ლანეხსა ტე-სა-გალა, საჲალ ა∂ხილ, თე მე ღარ საჲ ა∂ხი∂ლ ჭეღანე, ახრი მერ-ტერ, სოოტუ ტჲა, სოოტუ მჲა, ტაღა-მაღა ლანეხსა.

Sentence: 26     sa äyten, ṭesunṭu ṭaġa, mesunṭu maġa...
   სა ა̈ჲთენ, ტესუნტუ ტაღა, მესუნტუ მაღა...


Sentence: 28     axri hämetarluġen ṭe ġarax me čubġon ṭošne čišč̣a -- e͑śna örindä.
   ახრი ჰა̈მეთარლუღენ ტე ღარახ მე ჩუბღონ ტოშ-ნე-ჩიშჭა -- ე∂შნა ო̈რინდა̈.


Sentence: 30     sa ġi me čubġon exne me ġara: "venkena č̣äynaxuṗ boxalzu, täksa sa šäy eča!"
   სა ღი მე ჩუბღონ ეხნე მე ღარა: "ვენქენა ჭა̈ჲნახუპ ბოხალზუ, თა̈ქსა სა შა̈ჲ ეჩა!"

Sentence: 32     tämbälen exne: "sa šäynal za šina ašbesṭo?"
   თა̈მბა̈ლენ ეხნე: "სა შა̈ჲნალ ზა შინ-ა-აშბესტო?"


Sentence: 34     šeṭin exne: "upa mer: sa šäynal ašbesṭal, sa šäynal ašbesṭal!
   შეტინ ეხნე: "უფა მერ: სა შა̈ჲნალ აშბესტალ, სა შა̈ჲნალ აშბესტალ!

Sentence: 35     hamer pesin take ṭaġa-maġa, take boxo yaq̇.
   ჰამერ ფესინ თაქე ტაღა-მაღა, თაქე ბოხო ჲაყ.

Sentence: 37     vax sa gala te sa gala ašbesṭalq̇un..."
   ვახ სა გალა-თე-საგალა აშბესტალყუნ"...


Sentence: 38     tanesa me ġaral hamer haraybesin -- harsa ašla besane čubġon uḳaloḳena.
   თანესა მე ღარალ ჰამერ ჰარაჲ-ბესინ, -- ჰარსა აშლა ბესანე ჩუბღონ უკალოკენა.


Page: 171 
Sentence: 1     meṭu, ma upa burim, ašbesq̇undesa.
   მეტუ, მა უფა ბურიმ, აშბესყუნდესა.

Sentence: 2     moṭu tängäälq̇un tasṭa, gölö tängä.
   მოტუ თა̈ნგა̈ა̈ლყუნ-თასტა, გო̈ლო̈ თა̈ნგა̈.

Sentence: 3     meṭin šäynuxo abuz aq̇sa tene.
   მეტინ შა̈ჲნუხო აბუზ აყსა-თე-ნე.

Sentence: 4     ečeri tanesṭa čubġo.
   ეჩერი თანესტა ჩუბღო.


Sentence: 5     me čubġon me tämbäla ošun ġenal ṗa͑ šäyenḳne yaq̇absa, hamal exne:
   მე ჩუბღონ მე თა̈მბა̈ლა ოშუნ ღენალ პა∂ შა̈ჲენკ-ნე-ჲაყაბსა, ჰამალ ეხნე:

Sentence: 7     "ṗuran va č̣äynaxuṗ tadalzu, sayal abuz!"
   "პურან ვა ჭა̈ჲნახუპ თადალზუ, საჲალ აბუზ!"


Sentence: 9     tanesa, tämbälen besane čubuġon uḳalokena.
   თანესა, თა̈მბა̈ლენ ბესანე ჩუბუღონ უკალო-ქენა.

Sentence: 10     taq̇undesa ṗa͑ šäy.
   თაყუნდესა პა∂ შა̈ჲ.

Sentence: 11     aq̇i enesa ḳu̯a.
   აყი ენესა კუ̂ა.

Sentence: 12     čubuġon xuṗa tanesṭa.
   ჩუბუღონ ხუპა თანესტა.


Sentence: 13     axraxal sa abazinalle ašbesa.
   ახრახალ სა აბაზინალ-ლე-აშბესა.

Sentence: 14     me ġaren abazina ečesxolan, meṭu čubġon ečeri č̣äyna xuṗa sa šel ukesnesṭa.
   მე ღარენ აბაზინა ეჩესხოლან, მეტუ ჩუბღონ ეჩერი ჭა̈ჲნახუპა სა შელ უქესნესტა.


Sentence: 16     say ośa me čubġon tämbäla ṗuran yaq̇anebsa, hamal pesnesṭa:
   საჲ ოშა მე ჩუბღონ თა̈მბა̈ლა̈ პურან ჲაყა-ნე-ბსა, ჰამალ ფეს-ნე-სტა:

Sentence: 17     "sa usen ašbesṭal!
   "სა უსენ აშბესტალ!

Sentence: 18     sa usen ašbesṭal!...
   სა უსენ აშბესტალ!...

Sentence: 19     take, ašba sa usen, ośa eke, vax be͑ġa͑ eǯürä dövlät kafṭala!"
   თაქე, აშბა სა უსენ, ოშა ექე, ვახ ბე∂ღა∂ ეჯუ̈რა̈ დო̈ვლა̈თ ქაჶტალა!"


Sentence: 21     ġar tanesa, hašoral exne ṭya-mya.
   ღარ თანესა, ჰაშორალ ეხნე ტჲა-მჲა.

Sentence: 22     sa karvanen bineq̇sa miṭu gädäluġa.
   სა ქარვანენ ბინეყსა მიტუ გა̈და̈ლუღა.

Sentence: 23     mya me ġaren ella gavalġo tägroġox dürüs-dürüs alanebsa.
   მჲა მე ღარენ ელლა გავალღო თა̈გროღოხ დუ̈რუ̈ს-დუ̈რუ̈ს ალა-ნე-ბსა.

Sentence: 24     me tämbälun ašbesunun yon bütünṭai kefillesa.
   მე თა̈მბა̈ლუნ აშბესუნუნ ჲონ ბუ̈თუ̈ნტაი ქეჶილ-ლე-სა.

Sentence: 26     melan ayzeri yaq̇alq̇un č̣esa bušruġon.
   მელან აჲზერი ჲაყალ-ყუნ-ჭესა ბუშრუღონ.

Sentence: 27     yaq̇al bušrux xenezaq̇un baksa, ama xe tasṭan leḳer ičxoy tene baksa...
   ჲაყალ ბუშრუხ ხენეზა-ყუნ-ბაქსა, ამა ხე თასტან ლეკერ იჩხოჲ თე-ნე-ბაქსა...

Sentence: 29     me ġar taysa be͑ġsane, te sa q̇uš xodal purpi laynesa binesta, laynesa binesta...
   მე ღარ თაჲსა-ბე∂ღსა-ნე, თე სა ყუშ ხოდალ ფურფი ლაჲნესა-ბინესთა, ლაჲნესა-ბინესთა...


Sentence: 32     "ay dalay, ay dalay, bixaʒ́ux, va šükür, bixaʒ́ux, va šükür!"
   "აჲ დალაჲ, აჲ დალაჲ, ბიხაჯუხ, ვა შუ̈ქუ̈რ, ბიხაჯუხ, ვა შუ̈ქუ̈რ!"

Sentence: 33     hamer pesin ġar tanesa ṭaġa, enesa maġa, te xene leḳera bo͑ġa͑bane...
   ჰამერ ფესინ ღარ თანესა ტაღა, ენესა მაღა, თე ხენე ლეკერა ბუ∂ღა∂-ბანე...


Sentence: 35     "bixaʒ́ux, va šükür! mya xe bakalle, bayġa-be͑ġaz..."
   "ბიხაჯუხ, ვა შუ̈ქუ̈რ! მჲა ხე ბაქალლე, ბაჲღა ბე∂ღაზ..."

Sentence: 36     me ġaren mya be͑ġsane, te sa ṗa͑ devne bu.
   მე ღარენ მჲა ბე∂ღსანე, თე სა-პა∂ დევ-ნე-ბუ.

Sentence: 37     burim mya devroġo pasč̣aġluġne.
   ბურიმ მჲა დევროღო ფაშჭაღლუღ-ნე.

Sentence: 38     ičxo, devroġo q̇atial sa šavaṭ, be͑ġḳena xašṭal, be͑ġnuxo barabar, nuṭaḳeci xinarre bu.
   იჩხო, დევროღო ყათიალ სა შავატ, ბე∂ღ-კენა ხაშტალ, ბე∂ღნუხო ბარაბარ, ნუტაკეცი ხინარ-რე-ბუ.

Page: 172 
Sentence: 1     me xinäri pulal binesta me ġari laxo.
   მე ხინა̈რი ფულალ ბინესთა მე ღარი ლახო.


Sentence: 3     xinären ġara ari č̣aṗḳin exne:
   ხინა̈რენ ღარა არი ჭაპკინ ეხნე:

Sentence: 4     "aman, vax besṗalq̇un devroġon, un meno mya man are?"
   "ამან, ვახ ბესპალყუნ დევროღონ, უნ მენო მჲა მა-ნ-არე?"

Sentence: 5     me xinären tanesṭa ġara ṗilinǯa, me ġaren ḳac̣nexa devroġo.
   მე ხინა̈რენ თანესტა ღარა პილინჯა, მე ღარენ კაწნეხა დევროღო.

Sentence: 7     xinär baneksa azad.
   ხინა̈რ ბანექსა აზად.

Sentence: 8     xinären ġara sa a͑la͑mne tasṭa, dünyani nut bakala šey.
   ხინა̈რენ ღარა სა ა∂ლა∂მ-ნე-თასტა, დუ̈ნჲანი ნუთ-ბაქალა შეჲ.


Sentence: 10     me a͑la͑ma ġaren aq̇i ṭe pasč̣aġun čubġonḳne yaq̇absa.
   მე ა∂ლა∂მა ღარენ აყი ტე ფაშჭაღუნ ჩუბღონკ-ნე-ჲაყაბსა.

Sentence: 11     pasč̣aġun čubġon be͑ġi-be͑ġi be͑ġsane, te me a͑la͑m dim birlianṭe.
   ფაშჭაღუნ ჩუბღონ ბე∂ღი-ბე∂ღი ბე∂ღსანე, თე მე ა∂ლა∂მ დიმ ბირლიანტ-ე.

Sentence: 13     meṭin me birlianṭun togen ḳoǯruxne biq̇sa, zerevneḳsa harsa šey-šuyen...
   მეტინ მე ბირლიანტუნ თოგენ კოჯრუხ-ნე-ბიყსა, ზერევნეკსა ჰარსა შეჲ-შუჲენ...

Sentence: 15     hamal tämbäl ġari yaq̇ne be͑ġsa.
   ჰამალ თა̈მბა̈ლ ღარი ჲაყ-ნე-ბე∂ღსა.


Sentence: 16     ġar tene esa ama ṗa͑ a͑la͑mne yaq̇absa ṭe čubġoenḳ šelluġa besuna görä.
   ღარ თე-ნე-ესა ამა პა∂ ა∂ლა∂მ-ნე-ჲაყაბსა ტე ჩუბღოენკ შელლუღა ბესუნა გო̈რაა̈.

Sentence: 18     ič hala ṭe xinäri ṭo͑ġo͑lle mandesa.
   იჩ ჰალა ტე ხინა̈რი ტო∂ღო∂ლ-ლე მანდესა.

Sentence: 19     sa usen ari tamnebaksa.
   სა უსენ არი თამნებაქსა.

Sentence: 20     xinärä ṭya exne: "zax yaq̇abiṭin pene, te sa usenaxo abuz ma čurpa."
   ხინა̈რა̈ ტჲა ეხნე: "ზახ ჲაყა ბიტინ ფენე, თე სა უსენახო აბუზ მა ჩურფა."

Sentence: 21     ġar qaybaki enesa; ari be͑ġsane, te ič ḳoǯmec bu tene;
   ღარ ჴაჲბაქი ენესა; არი ბე∂ღსანე, თე იჩ კოჯმეც ბუ-თე-ნე;

Sentence: 23     furunexa, ama iš dägina bo͑ġa͑bes teṭubaksa.
   ჶურუნეხა, ამა იშ და̈გინა ბუ∂ღა∂ბეს თე-ტუ-ბაქსა.

Sentence: 24     iš gala sa minäriux čurpine.
   იშ გალა სა მინა̈რიუხ ჩურფინე.

Sentence: 25     aq̇nesa.
   აყნესა.

Sentence: 26     pasč̣aġun čubġon iču aḳeci exne:
   ფაშჭაღუნ ჩუბღონ იჩუ აკეცი ეხნე:

Sentence: 27     "take, eča ṭe devna xunčex, arcesṭa mya venḳena bin!"
   "თაქე, ეჩა ტე დევნა ხუნჩეხ, არცესტა მჲა ვენკენა ბინ!"

Sentence: 28     ġaren taci enešča xinärax, aneq̇sa šoṭu ičenḳ binluġa.
   ღარენ თაცი ენეშჭა ხინა̈რა̈ხ, ანეყსა შოტუ იჩენკ ბინლუღა.

Sentence: 29     mya sa šel laśḳone baksa.
   მჲა სა შელ ლაშკო-ნე-ბაქსა.


Sentence: 30     isa mannedi pasč̣aġ...
   ისა მანნედი ფაშჭაღ...


Sentence: 31     ičġo č̣eri č̣aṗḳin ṭiṭeri ari čubġon, mya te me älämätġo besane, ośa taci pasč̣aġa q̇eiriṭa źomon xabarbi, q̇onaġne ḳalexa.
   იჩღო ჭერი ჭაპკინ ტიტერი არი ჩუბღონ, მჲა თე მე ა̈ლა̈მა̈თღო ბესანე, ოშა თაცი ფასჭაღა ყეირიტა ჟ∂ომონ ხაბარბი, ყონაღ-ნე-კალეხა.

Sentence: 34     išual enesa, be͑ġsane, te me fulan čubġo karxal ga iš pasč̣aġluġaxo abuzne ič mal dövläten.
   იშუალ ენესა, ბე∂ღსანე, თე მე ჶულან ჩუბღო ქარხალ გა იშ ფასჭაღლუღახო აბუზ-ნე იჩ მალ-დო̈ვლა̈თენ.

Sentence: 36     išen hala teṭu aba, meno ši gamxoxa, ši dövläta.
   იშენ ჰალა თე-ტუ-აბა, მენო ში გამხოხ-ა, ში დო̈ვლა̈თ-ა.

Sentence: 37     pasč̣aġen väzirġox exne:
   ფასჭაღენ ვა̈ზირღოხ ეხნე:

Sentence: 38     "moṭu hazirbio šua, ariq̇an sa!"
   "მოტუ ჰაზირბიო შუ-ა, არიყან სა!"


Page: 173 
Sentence: 1     čubux zereci lapeci, q̇əzələn babočalġox ič ḳašimġo lavḳi, imoġo suruḳbalġo ič imġo suruḳbi, ič bel q̇əzələn q̇a gümüšun ḳaṭara laxi, ič laxoal ǯinǯiḳa buṭḳi, maxṗurun turin leḳerax lapi, ič keal sa sininax aq̇i, ič laxoal sa a͑la͑max laxi č̣enesa, aḳnesa me iše va͑ exne:
   ჩუბუხ ზერეცი-ლაფეცი, ყჷზჷლჷნ ბაბოჩალღოხ იჩ კაშიმღო ლავკი, იმოღო-სურუკბალღო იჩ იმღო სურუკბი, იჩ ბელ ყჷზჷლჷნ ყა გუ̈მუ̈შუნ კატარა ლახი, იჩ ლახოალ ჯინჯიკა ბუტკი, მახპურუნ თურინლეკერახ ლაფი, იჩ ქეალ სა სინინახ აყი, იჩ ლახოალ სა ა∂ლა∂მახ ლახი ჭენესა, აკნესა მე იშე ვა∂ ეხნე:

Sentence: 8     "me gamxo ḳonʒ́ux zuzu!"
   "მე გამხო კონჯუხ ზუ-ზუ!"

Sentence: 9     ič ćoexo ǯinǯiḳax alabi aḳesnesṭa ičux.
   იჩ ჩოეხო ჯინჯიკახ ალაბი აკესნესტა იჩუხ.

Sentence: 10     pasč̣aġ aq̇esane ṭu͑q̇e͑sa, hametär źomox a͑m, aq̇eci gölö vaxṭ pex ci͑ġa͑ramdi ič galaxo galpes teṭubaksa.
   ფაშჭაღ აყესა-ნე-ტუ∂ყე∂სა, ჰამეთა̈რ ჟ∂ომოხ ა∂მ, აყეცი გო̈ლო̈ ვახტ ფეხ ცი∂ღა∂რამდი იჩ გალახო გალფეს თე-ტუ-ბაქსა.

Sentence: 13     čubġon ṗuranal exne:
   ჩუბღონ პურანალ ეხნე:

Sentence: 14     "hame ġar ṭe tämbäl ġarre, be͑ġa͑ mano galaz baṗesṗe!
   "ჰამე ღარ ტე თა̈მბა̈ლ ღარ-რე, ბე∂ღა∂ მანო გალა-ზ-ბაპესპე!

Sentence: 15     isa va͑baksan, te čöl išeyne, ḳoǯ gena čubġoy!"
   ისა ვა∂ბაქსან, თე ჩო̈ლ იშეჲ-ნე, კოჯ გენა ჩუბღოჲ!"

Sentence: 17     čubġon sinin laxo be͑ġi exne:
   ჩუბღონ სინინ ლახო ბე∂ღი ეხნე:

Sentence: 18     "a͑la͑m, do͑pa͑, pasbaka!"
   "ა∂ლა∂მ, დო∂ფა∂, ფასბაქა!"

Sentence: 19     a͑la͑m do͑pnexa, harsa ǯoḳ sa kaala pasč̣aġluġane č̣uresa.
   ა∂ლა∂მ დო∂ფნეხა, ჰარსა ჯოკ სა ქაალა ფასჭაღლუღა-ნე-ჭურესა.

Sentence: 21     mya ečeri me čubġon bärun tämbäl ġara pasč̣aġne arcesṭesa.
   მჲა ეჩერი მე ჩუბღონ ბა̈რუნ თა̈მბა̈ლ ღარა ფაშჭაღ-ნე-არცესტესა.

Sentence: 23     iš išexal metärluġen oṭbesṭesane, enex exne:
   იშ იშეხალ მეთა̈რლუღენ ოტბესტესანე, ენეხ ეხნე:

Sentence: 24     "eḳḳa baneke, barta baq̇anki, isa taġen yanal be͑ś pasč̣aġluġa, täksä moṭxo ośa abaq̇avabaki:
   "ეკ∂ა ბანექე, ბართა ბაყანქი, ისა თაღენ ჲანალ ბე∂შ ფაშჭაღლუღა, თა̈ქსა მოტხო ოშა აბა-ყა-ვა-ბაქი:

Sentence: 26     čöl išeyne, ḳoǯ gena čubġoy!"
   ჩო̈ლ იშეჲ-ნე, კოჯ გენა ჩუბღოჲ!"

Sentence: 27     pasč̣aġen be͑ġi-be͑ġi čubġo turelda čokṭi, exne:
   ფაშჭაღენ ბე∂ღი-ბე∂ღი, ჩუბღო თურელდა ჩოქტი, ეხნე:

Sentence: 29     "pasč̣aġ unnu, zu gena vi be͑ś bulḳoc̣bi vi yesirzu ġeunaxo ośa!"...
   "ფაშჭაღ უნ-ნუ, ზუ გენა ვი ბე∂შ ბულკოწბი ვი ჲესირ-ზუ ღეუნახო ოშა!"...





Next part


This text is part of the TITUS edition of Corpus of Published Udi Texts.

Copyright TITUS Project, Frankfurt a/M, 17.12.2016. No parts of this document may be republished in any form without prior permission by the copyright holder.