TITUS
Notker, Psalter
Part No. 140
Previous part

Chapter: 140  

p. 517    

Line: 4     IN FINEM IPSI DAVID .

Line: 5     DOMINE CLAMAVI AD TE . EXAVDI ME . Truhten .

Line: 6     chit der propheta . ze dir háreta ih . ke-hore mih .

Line: 7     Intende uoci deprecationis meę dum clamauero ad

Line: 8     te . Duô ouh noh uuara mînero dígî . so ih háree

Line: 9     ze dír . So du tâte in pręterito . so dûo in futuro . Gehore mih iêo .

Line: 10     Dirigatur oratio mea sicut incensum in conspectu tuo . Mîn

Line: 11     gebet recche sih ûf . also rouh fore dir . Suozen stang tuôe dir

Line: 12     mîn gebét . Eleuatio manuum mearum sacrificium uesperti\num .

Line: 13     V̂f-héui mînero hando . si dír âbentópher . Mînero guô\ton

Line: 14     uuercho . ruocheîst du ze mînemo énde . Pone domine custo\diam

Line: 15     ori meo . et ostium circumstantię labiis meis . Sézze huô\ta

Line: 16     mînemo munde truhten . unde umbe mîne lefsa stélle

Line: 17     túre . Lêre mih keuuâr uuésen mînero uuórto . Non decli\nes

Line: 18     cor meum in uerba malitię . ad excusandas excusatio\nes

Line: 19     in peccatis . Ne-chêre mîn herza in arguuílligíu uuórt .

Line: 20     ze_antseîdo dero sundon . Lêre mih puram confessionem quę

Line: 21     liberat a morte . Cum hominibus operantibus iniquitatem . et cum

Line: 22     electis eorum ! non communicabo . Sáment únrehten . unde

Line: 23     sáment iro iruueleten ne-hábo ih kemêinsami . Daz sint

Line: 24     die sih selben sundon ferságent . Corripiet me iustus in

Line: 25     misericordia . et increpabit me . oleum autem peccatoris non inpin\guet

Line: 26     caput meum . Der rehto inchán mih . unde irréfset


p. 518    

Page: 518  
Line: 1     mih ke-nadeglîcho . des súndigen ólê . ne-sálbôe min hoûbet .

Line: 2     Sin ólê . daz ist sîn lób . unde sîn slíhten . daz ieo guôtemo man

Line: 3     ze fliêhenne ist . Quoniam adhuc oratio mea in beneplacitis eorum .

Line: 4     s . peccatorum . Vuanda bît noh . in iro gelîcheten ist mîn ge\bét .

Line: 5     Noh uuirt . daz in gelichet ze chedenne . DIMITTE NO\BIS

Line: 6     DEBITA NOSTRA . SICVT ET NOS DIMITTIMVS DEBITO\RIBVS

Line: 7     NOSTRIS . Absorti sunt iuncti petre iudices eorum . Íro rihtâ\ra

Line: 8     sint fertîligot ze CHRISTO gebótene . Platonis unde aristóte\lis

Line: 9     lêra ne-túgen . so man euangelium CHRISTI dara zuô biûtet .

Line: 10     Audient uerba mea quoniam potuerunt . Sie gehôrent mîniu uuort .

Line: 11     uuanda diu gemáhtôn . éniû uuâren chráftelôs . Sicut cras\situdo

Line: 12     terrę eructa est . Fone diû cham also feîzti déro ér\do .

Line: 13     daz pluôt dero martyrum . Dannan iruuûohs der heî\ligo

Line: 14     ézesg . daz uber ál christiani uuúrden . Dissipata sunt ossa

Line: 15     nostra . idest martyres secus infernum . V́nseriû beîn uuúrden

Line: 16     zebólot pî_dero hello . Die unsih stárchton . die uuarf_man sámo

Line: 17     so in_hélla . sie sint aber guôllih in hímele . Quia ad te domine

Line: 18     domine oculi mei . Vuanda ze dir truhten sehent mîniu oûgen .

Line: 19     ze dînen geheîzen . nals ze iro dróuuôn . In te speraui . non

Line: 20     auferas . s . a bonis tuis animam meam . An díh kedingo ih . fone de\mo

Line: 21     dînemo guôte ne-sceîd mîna sêla . Custodi me a laqueo

Line: 22     quem statuerunt mihi . et ab scandalis operantium iniquitatem .

Line: 23     Pehuote mih fore demo stricche . den sie mir gerihtet habent .

Line: 24     unde fore demo írriden dero únrehton . Cadent in retiacu\lo

Line: 25     eius peccatores . Sundige gehaftent in sinemo nézze . Dia\boli

Line: 26     ist daz nezze . sin ist der stríg . Singulariter sum ego do\nec


p. 519    

Page: 519  
Line: 1     transeam . s . ad patrem . Ih pin eîno . chit CHRISTVS . unz ih irstír\bo .

Line: 2     dára nâh manigfálton ih mîne .

Next part


This text is part of the TITUS edition of Notker, Psalter.

Copyright TITUS Project, Frankfurt a/M, 15.10.2021. No parts of this document may be republished in any form without prior permission by the copyright holder.