TITUS
Otfrid von Weissenburg, Evangelienbuch
Part No. 10
Previous part

Chapter: 6  
p. 19v    

VI. EXURGENS AUTEM MARIA ABIIT IN MONTANA.


Verse: 1     Fúar tho sancta Mária,   \   thíarna thiu mára,
Verse: 2     mit ílu joh mit mínnu   \   zi ther iru máginnu.
Verse: 3     So sị in ira hús giang,   \   thiu wirtun sịạ érlicho intfiang,
Verse: 4     joh spílota in therụ múater   \   ther ira sún gúater.
Verse: 5     Spráh thiu sin múater:   \   "heil wih dóhter,
Verse: 6     wóla ward thih lébenti   \   joh gilóubenti!
Verse: 7     Giwíhit bistu in wíbon   \   joh untar wóroltmagadon;
Verse: 8     ist fúrist alles wíhes   \   wáhsmo réves thínes.
Verse: 9     Wio wárd ih io so wírdig   \   fora drúhtine,
Verse: 10     thaz selba múater sín   \   gíangị innan hús min?
Verse: 11     So slíumo sọ ih gihórta   \   thia stímmun thína:
Verse: 12     so blídta sih ingégin thir   \   thaz min kínd innan mír.
Verse: 13     Állo wihi in wórolti,   \   thir gótes boto sageti,
Verse: 14     sie quément so giméinit   \   ubar thín houbit!"
Verse: 15     Nu síngemes álle   \   mánnolih bi bárne:


p. 20r    


Manuscript page: 20r 
Verse: 16     wola kínd diuri,   \   fórasago mári!
Verse: 17     Wola kínd diuri,   \   fórasago mári!
Verse: 18     ja kúndt er uns thia héili,   \   er er gibóran wari.


Next part


This text is part of the TITUS edition of Otfrid von Weissenburg, Evangelienbuch.

Copyright TITUS Project, Frankfurt a/M, 15.10.2021. No parts of this document may be republished in any form without prior permission by the copyright holder.