TITUS
Otfrid von Weissenburg, Evangelienbuch
Part No. 95
Previous part

Chapter: 10  
p. 125r    

X. DESIDERIO DESIDERAVI HOC PASCHA.


Verse: 1     Bigán tho druhtin rédinon   \   then sélben zuelif théganon,
Verse: 2     then thár umbi ínan sazun,   \   mit imo sáman azun.
Verse: 3     "Thes múases gérota ih bi thíu   \   thaz ih iz ázi mit íu,
Verse: 4     er ih thaz wízi thulti   \   joh bi iuih dót wurti.
Verse: 5     Ni drínku ih rehto in wára   \   thes rébekunnes méra,
Verse: 6     fon themo wáhsmen fúrdir,   \   thaz gilóubet ir mir,
Verse: 7     Er íh iz so bithénku,   \   mit iu sáman avur drínku


p. 125v    


Manuscript page: 125v 
Verse: 8     níuwaz, thaz iu iz líche,   \   in mines fáter riche."
Verse: 9     Nam er tho sélbo thaz brót,   \   bót in iz giségenot,
Verse: 10     gibót thaz sies ázin,   \   ál so sie thar sázin.
Verse: 11     "Ir ezet", quád er, "ana wán   \   líchamon mínan;
Verse: 12     allen zéllu ih iu tház,   \   thaz éigit ir giwíssaz.
Verse: 13     Nemet then kélih ouh nu zi iu,   \   thaz drinkan déilet untar iu;
Verse: 14     thar drínket ir thaz minaz blúat,   \   thaz íu in ewon wóla duat.
Verse: 15     Iz héilit liuto wúnta   \   joh mánagero súnta;
Verse: 16     iz ist mánagfaltaz thíng,   \   yrlósit thesan wóroltring!


Next part


This text is part of the TITUS edition of Otfrid von Weissenburg, Evangelienbuch.

Copyright TITUS Project, Frankfurt a/M, 15.10.2021. No parts of this document may be republished in any form without prior permission by the copyright holder.