TITUS
Tatian, Gospel Harmony
Part No. 16
Previous part

Chapter: 15 
Sentence: 1    Link to gotnt
   Tunc Ihesus ductus est in deserto a spiritu, ut temptaretur a diabulo.
   Thô ther heilant uuas gileitit in vvuostinna fon themo geiste, thaz her vvurdi gicostot fon themo diuuale.
Sentence: 2    Link to gotnt
   Et cum ieiunasset quadraginta diebus et XL noctibus, postea esuriit.
   Inti mit thiu her thô fasteta fiorzug tago inti fiorzug nahto, after thiu hungirita inan.
Sentence: 3    Link to gotnt
   Et accedens temptator dixit ei: si filius dei es, dic ut lapides isti panes fiant. Link to gotnt Qui respondens dixit: scriptum est: (50) non in solo pane vivit homo, sed in omni verbo quod procedit de ore dei.
   Gieng thô zuo thie costari inti quad imo: oba thu gotes sun sis, quid thaz these steina zi bróte uuerden. Her antlingota thô inti quad: iz ist giscriban, (50) thaz in themo einen bróte ni lebet thie man, uzouh fon iogiuuelihemo uuorte thaz thar framquimit fon gotes munde.
Sentence: 4    Link to gotnt
   Tunc assumit eum diabolus in sanctam civitatem et statuit eum supra pinnaculum templi Link to gotnt et dixit ei: si filius dei es, mitte te deorsum; scriptum est enim, quia angelis suis mandavit de te, et in manibus tollent te, ne forte offendas ad lapidem pedem tuum. Link to gotnt Ait illi Ihesus: rursum scriptum est: non temptabis dominum deum tuum.
   Thô nam inan ther diuual in thie heilagun burg inti gisazta inan ubar óbanentiga thekki thes tempales inti quad imo: oba thu gotes sun sis, senti thih thanne hera nidar; iz ist giscriban, thaz her sinen engilun gibiote fon thir, thaz sie mit iro hantun thih nemen, zi thiu thaz thu ni bispurnes in steine thinan fuoz. Thô quad imo ther heilant: ouh ist giscriban, thaz thû ni costos truhtin got thinan.
Sentence: 5    Link to gotnt
   Iterum assumit eum diabolus in montem excelsum valde et ostendit ei omnia regna mundi et gloriam eorum Link to gotnt et dixit illi: haec tibi omnia dabo, si cadens adoraveris me. Link to gotnt Tunc dicit ei Ihesus: vade Satanas! scriptum est: dominum deum tuum adorabis et illi soli servies.
   Abur nam inan ther diuual thô in hohan berg thrato inti araugta imo allu thisu erdrichu inti iro diurida inti quad imo: thisu allu gibu ih thir, oba thu nidarfallenti bétos mih. Thô quad imo ther heilant: far Satanas! iz ist giscriban, thaz thû truhtin got thinan betos inti imo einemo thionos.
Sentence: 6    Link to gotnt
   Et consummata omni temptatione Link to gotnt tunc reliquit eum diabolus Link to gotnt usque ad tempus; Link to gotnt eratque cum bestiis, Link to gotnt et ecce angeli accesserunt et ministrabant ei.
   Inti gientotero allero theru costungu thô furliez in ther diuual zi sihuueliheru zîti; uuas her thô mit uuildirun, giengun thô zuo gotes engila inti ambahtitun imo.

Next part


This text is part of the TITUS edition of Tatian, Gospel Harmony.

Copyright TITUS Project, Frankfurt a/M, 15.10.2021. No parts of this document may be republished in any form without prior permission by the copyright holder.