TITUS
Tatian, Gospel Harmony
Part No. 18
Previous part

Chapter: 17 
Sentence: 1    Link to gotnt
   In crastino voluit exire in Galileam; et invenit Philippum et dicit ei: sequere me. Link to gotnt Erat autem Philippus a Bethsaida, civitate (52) Andreae et Petri.
   In morgan uuolta her gân in Galileam; thô fand her Philippum inti quad imo: folge mir. Uuas ther Philippus fon Bethsaidu thero burgi (52) Andreasés inti Petrusés.
Sentence: 2    Link to gotnt
   Invenit Philippus Nathanahel et dicit ei: quem scripsit Moyses in lege et prophetae, invenimus, Ihesum filium Ioseph a Nazareth.
   Inti fand Philippus Nathanahelen inti quad imo: then Moyses screib in thero evvu inti in uuizagun, uuir fundumes, Heilant Iosebes sun fon Nazaret.
Sentence: 3    Link to gotnt
   Et dixit ei Nathanahel: a Nazareth potest aliquid boni esse? Dicit ei Philippus: veni et vide.
   Thó quad imo Nathanahel: fón Nazareth mág sihuuaz guotes uuesan? Thó quad imo Philippus: quim inti gisih.
Sentence: 4    Link to gotnt
   Vidit Ihesus Nathanahel venientem ad se et dicit de eo: ecce vere Israhelita, in quo dolus non est.
   Gisah thie heilant Nathanahelan quementan zi imo inti quad fón imo: thiz ist thie uuaro Israhelita, in themo balo nist.
Sentence: 5    Link to gotnt
   Dicit ei Nathanahel: unde me nosti? Respondit Ihesus et dixit ei: priusquam te Philippus vocaret, cum esses sub ficu, vidi te.
   Thó quad imo Nathanahel: uuanan uueistú mih? Antlingota ther heilant inti quad imo: ér thanne dih Philippus gruozti mit thiu thú uuari untar themo fígboume, gisah thih.
Sentence: 6    Link to gotnt
   Respondit ei Nathanahel et ait: rabbi, tu es filius dei, tu es rex Israhel. Link to gotnt Respondit Ihesus et dixit ei: quia dixi tibi: (53) vidi te sub ficu, credis: maius his videbis.
   Thó antuurtita imo Nathanahel inti quad imo: meistar, thú bist gotes sún, thú bist Israhelo cuning. Thó antlingota imo ther heilant inti quad imo: bithiu uuanta ih thir quad: (53) gisah thih untar themo figboume, giloubis: thesen mêr gisihist thu.
Sentence: 7    Link to gotnt
   Et dicit ei: amen amen dico vobis, videbitis cælum apertum et angelos dei ascendentes et descendentes supra filium hominis.
   Inti quad imo: uuar sagen ih iu, ír gisehet himil offanan inti gotes engila úfstigante inti nidarstigante ubar then mannes sún.
Sentence: 8    Link to gotnt
   Et regressus est Ihesus in virtute spiritus in Galileam, et fama exiit per universam regionem de illo, Link to gotnt et ipse docebat in sinagogis eorum et magnificabatur ab omnibus.
   Inti uuidarfuor tho ther heilant in themo megine geistes in Galileam, inti liumunt úzgieng thurah alle thie lantscáf fon imo, inti hér lérta in iro samanungu inti uuás gilobot fon allen.

Next part


This text is part of the TITUS edition of Tatian, Gospel Harmony.

Copyright TITUS Project, Frankfurt a/M, 15.10.2021. No parts of this document may be republished in any form without prior permission by the copyright holder.