TITUS
Tatian, Gospel Harmony
Part No. 169
Previous part

Chapter: 168 
Sentence: 1    Link to gotnt
   Haec locutus sum vobis, ut gaudium meum impleatur. Link to gotnt Hoc est preceptum meum ut diligatis invicem, sicut dilexi vos.
   Thiz sprah ih íu, thaz min gifeho si gifullit. Thaz ist min bibot thaz ir íuuuih minnot untar zuuisgen so ih íuuuih minnota.
Sentence: 2    Link to gotnt
   Maiorem hanc dilectionem nemo habet quam ut animam suam quis ponat pro amicis suis. Link to gotnt Vos amici mei estis, si feceritis quæ ego præcipio vobis.
   Merun therra minna nioman habet thanne thaz uuer sin ferah seze furi sina friunta. Ir birut mine friunta, ob ir thaz duot thaz ih íu gibiutu.
Sentence: 3    Link to gotnt
   Iam non dico vos servos, quia servus nescit quid faciat dominus eius. Vos autem dixi amicos, quia omnia quęcumque audivi a patre meo nota feci vobis.
   Ih ni quidu íu iu scalca, uuanta scalc ni uueiz uuaz duot sin hérro. Ih quidu iuuuih friunta, uuanta allu thiu ih gihorta fon minemo fater tetih íu cundiu.
Sentence: 4    Link to gotnt
   Non vos me elegistis, sed ego elegi vos, et posui vos ut eatis et fructum afferatis, et fructus vester maneat, ut quodcumque petieritis patrem in nomine meo, det vobis.
   Noh ir mih gicurut, uz ih gicos iuuuih, inti sazta iuuuih thaz ir fuorit, thaz ir fruht brahtit inti iuuuer fruht uuone, thaz so uuaz so ir bitet then fater in minemo namen, gebe íu.

Next part


This text is part of the TITUS edition of Tatian, Gospel Harmony.

Copyright TITUS Project, Frankfurt a/M, 15.10.2021. No parts of this document may be republished in any form without prior permission by the copyright holder.