| Ms. line: 29 | Uuarun thô hirta in thero lantskeffi |
| Ms. line: 30 | uuahhante inti bihaltante nahtuuahta |
| Ms. line: 31 | ubar ero euuit. |
| Ms. line: 32 | Quam thara gotes engil inti gistuont nâh in, |
| Ms. line: 1 | inti gotes berahtnessi bischein sie; |
| Ms. line: 2 | giforhtun sie im thô in mihhilero forhtu. |
| Ms. line: 3 | Inti quad im thie engil: ni curet îu forhten, |
| Ms. line: 4 | ih sagen îu mihhilan gifehon, |
| Ms. line: 5 | ther ist allemo folke, |
| Ms. line: 6 | bithiu uuanta giboran ist îu hiutu Heilant, |
| Ms. line: 7 | ther ist Christ truhtin in Dauides burgi. |
| Ms. line: 8 | Thaz sî îu zi zeichane, thaz ir findet |
| Ms. line: 9 | kind mit tuochum bivvuntanaz |
| Ms. line: 10 | inti gilegitaz in crippa. |
| Ms. line: 11 | Thô sliumo uuard thar mit themo engile |
| Ms. line: 12 | menigi himilisches heres |
| Ms. line: 13 | got lobontiu inti quedentiu: |
| Ms. line: 14 | tiurida sí in then hohistôm gote, |
| Ms. line: 15 | inti in erdu sí sibba mannun |
| Ms. line: 16 | guotes uuillen. |
| Ms. line: 17 | Uuard thô thaz arfuorun fon in |
| Ms. line: 18 | thie engila in himil; |
| Ms. line: 19 | thô sprachun thie hirta untar in zuisgen: |
| Ms. line: 20 | farames zi Bethleem inti gisehemes |
| Ms. line: 21 | thaz uuort thaz thar gitân ist, |
| Ms. line: 22 | thaz truhtin uns araugta. |
| Ms. line: 23 | Inti quamun thô ilente |
| Ms. line: 24 | inti fundun Mariun inti Ioseben |
| Ms. line: 25 | inti thaz kind gilegitaz in crippea. |
| Ms. line: 26 | Sie thô gisehente forstuontun |
| Ms. line: 27 | fon đêmo uuorte thaz im giquetan uuas |
| Ms. line: 28 | fon đêmo kinde, inti alle thi thaz |
| Ms. line: 29 | gihortun uuarun thaz vvuntoronte |
| Ms. line: 30 | inti fon đêm thiu giquetanu vvurdun |
| Ms. line: 31 | zi im fon đem hirtin. Sentence: 6 Maria |
| Ms. line: 32 | uuârlihho gihielt allu thisu uuort |
| Ms. line: 1 | ahtonti in ira herzen. |
| Ms. line: 2 | Vvurbun thô thie hirta heimuuartes |
| Ms. line: 3 | diurente inti got lobonte |
| Ms. line: 4 | in allem them thiu sie gihortun |
| Ms. line: 5 | inti gisahun, soso zi im gisprochan uuas. |
