| Ms. line: 6 | After thiu thô argangana uuarun |
| Ms. line: 7 | ahtu taga, thaz thaz kind bisnitan vvurdi, |
| Ms. line: 8 | uuard imo ginemnit namo Heilant: |
| Ms. line: 9 | thie namo uuard ginemnit fon engile, |
| Ms. line: 10 | êr thanne her in reue inphangan vvurdi. |
| Ms. line: 11 | Inti after thiu gifulta uuarun taga |
| Ms. line: 12 | sinero subarnessi after Moyseses euuu, |
| Ms. line: 13 | brahtun sie inan thô in Hierusalem, |
| Ms. line: 14 | thaz si inan gote giantvvurtitin, |
| Ms. line: 15 | sô iz giscriban ist in gotes euuu: |
| Ms. line: 16 | bithiu uuanta íogiuuelih gommanbarn, |
| Ms. line: 17 | thaz uuamba êrist intuot, |
| Ms. line: 18 | heilag gote ginemnit. |
| Ms. line: 19 | Inti thaz sie gabin obphar |
| Ms. line: 20 | after thiu giquetan ist in euuu |
| Ms. line: 21 | truhtines, zua gimachun turtilitubun |
| Ms. line: 22 | edo zuei tubiclin. |
| Ms. line: 23 | Seno nu tho uuas man in Hierusalem, |
| Ms. line: 24 | thes namo uuas gihezzan Simeon, |
| Ms. line: 25 | inti ther man uuas reht inti gotforht, |
| Ms. line: 26 | beitonti Israhelo fluobra, |
| Ms. line: 27 | inti heilag geist uuas in imo; |
| Ms. line: 28 | inphieng thô antvvurti fon themo heilagen geiste, |
| Ms. line: 29 | thaz her ni arsturbi, |
| Ms. line: 30 | êr thanne her gisahi Christ truhtin. |
| Ms. line: 31 | Quam thô in geiste in thaz gotes hûs, |
| Ms. line: 32 | inti thô sie ingileittun thaz kind Heilant |
| Ms. line: 1 | sine eldiron, thaz sie tatin after |
| Ms. line: 2 | giuuonu euuu furi inan, |
| Ms. line: 3 | her thô inphieng inan in sine arma |
| Ms. line: 4 | inti lobota got inti quad: |
| Ms. line: 5 | Nu forlaz thu, truhtin, thinan scalc |
| Ms. line: 6 | after thinen uuortun in sibba, |
| Ms. line: 7 | bithiu uuanta gisahun minu ougun |
| Ms. line: 8 | thinan heilant, then thu giantvvurtitus |
| Ms. line: 9 | fora annuze allero folco, |
| Ms. line: 10 | lioht zi inrigannesse thiotono |
| Ms. line: 11 | inti zi diuridu thines folkes Israhelo. |
| Ms. line: 12 | Uuas thô sîn fater inti muoter vvuntoronti |
| Ms. line: 13 | ubar thiu thiu đar giquetanu uuarun |
| Ms. line: 14 | fon imo, inti uuihita in thô Simeon |
| Ms. line: 15 | inti quad zi Mariun sinero muoter: |
| Ms. line: 16 | Seno nu these ist gisezit in fal |
| Ms. line: 17 | inti in urresti managero in Israhel |
| Ms. line: 18 | inti in zeichan themo man uuidarquidit, |
| Ms. line: 19 | inti thîn selbes ferah thuruhferit |
| Ms. line: 20 | suert, thaz uuerden intrigane |
| Ms. line: 21 | fon managen herzun githanca. |
| Ms. line: 22 | Uuas thô thâr Anna uuizzaga, |
| Ms. line: 23 | dohter Fanueles fon cunne Aseres, |
| Ms. line: 24 | thiu gigienc fram in managa taga |
| Ms. line: 25 | inti lebeta mit ira gommanne |
| Ms. line: 26 | sibun iâr fon ira magadheiti, |
| Ms. line: 27 | inti thiu uuas uuituua |
| Ms. line: 28 | unzan fioru inti ahtuzug iaro, |
| Ms. line: 29 | thiu nirfuor nio fon themo temple, |
| Ms. line: 30 | uzouh mit fastun inti mit gibetu |
| Ms. line: 31 | thionota tages inti nahtes. |
| Ms. line: 32 | Thiu thô in thero selbun ziti |
| Ms. line: 1 | quementi lobota truhtin |
| Ms. line: 2 | inti sprah fon imo allem |
| Ms. line: 3 | them thie thar beitotun arlósnessi |
| Ms. line: 4 | Hierusalem. Sentence: 11 Inti thô sie gifremitun |
| Ms. line: 5 | allu after truhtines euuu, |
| Ms. line: 6 | vvurbun thô zi Galileu in ira burg |
| Ms. line: 7 | Nazareth. |
