| Ms. line: 8 | Mit thiu [!] ther heilant giboran uuard |
| Ms. line: 9 | in Bethleem Iudeno burgi, in tagun |
| Ms. line: 10 | Herodes thes cuninges, senu thô magi |
| Ms. line: 11 | óstana quamun zi Hierusalem |
| Ms. line: 12 | sus quedante: |
| Ms. line: 13 | uuar ist ther thie giboran ist |
| Ms. line: 14 | Iudeno cuning? uuir gisahumes |
| Ms. line: 15 | sínan sterron in ostarlante |
| Ms. line: 16 | inti quamumes inan zi betonne. |
| Ms. line: 17 | Thô thaz gihorta Herodes ther cuning, |
| Ms. line: 18 | uuard gitruobit inti al Hierusalem |
| Ms. line: 19 | mit imo, inti gisamanota |
| Ms. line: 20 | then hêrduom thero biscofo |
| Ms. line: 21 | in thie gilêrtun thes folkes, |
| Ms. line: 22 | eisgota fon in, uuar Christ |
| Ms. line: 23 | gibôran uuari. Sentence: 3 Sie thô quadun imo: |
| Ms. line: 24 | in Bethleem Iudeno burgi. |
| Ms. line: 25 | Sô ist giscriban thuruh then uuîzzagon: |
| Ms. line: 26 | thu Bethleem Iudeno erda, |
| Ms. line: 27 | nio in altere bist thu minnista |
| Ms. line: 28 | in then heriston Iudeno, |
| Ms. line: 29 | uuanta fon thir quimit tuomo, |
| Ms. line: 30 | thie rihtit mîn folc Israhel. |
| Ms. line: 31 | Thô Herodes tougolo gihaloten magin |
| Ms. line: 32 | gernlicho lerneta fon in |
| Ms. line: 1 | thie zît thes sterren thie sih in araugta, |
| Ms. line: 2 | in santa sie in Bethleem sus quedanti: |
| Ms. line: 3 | faret inti fraget gernilicho |
| Ms. line: 4 | fon themo kinde; thanne ir iz findet, |
| Ms. line: 5 | thanne cundet iz mir, |
| Ms. line: 6 | thaz ih thara queme inti beto inan. |
| Ms. line: 7 | Thô sie gihortun then cuning, |
| Ms. line: 8 | fuorun; senu thô sterro |
| Ms. line: 9 | then sie gisahun in óstarlante |
| Ms. line: 10 | forafuor sie, unz her quementi |
| Ms. line: 11 | stuont oba thar thie kneht uuas. |
| Ms. line: 12 | Sie thô gisehente then sterron |
| Ms. line: 13 | gifahun mihhilemo gifehen thrato, |
| Ms. line: 14 | inti ingangante in hûs fundun then kneht |
| Ms. line: 15 | mit Mariun sinero muoter, |
| Ms. line: 16 | inti nidarfallente betotun inan. |
| Ms. line: 17 | Inti gioffonoten iro tresofazzon |
| Ms. line: 18 | brahtun imo geba, |
| Ms. line: 19 | gold inti uuihrouh inti myrrun. |
| Ms. line: 20 | Inti inphanganemo antvvurte in troume, |
| Ms. line: 21 | thaz sie ni vvurbin zi Herode, |
| Ms. line: 22 | thuruh anderan uueg vvurbun |
| Ms. line: 23 | zi iro lantscheffi. |
