| Ms. line: 14 | Thó quam hér zi Nazareth, |
| Ms. line: 15 | thar hér uuas gizogan, |
| Ms. line: 16 | inti ingieng after sinero giúuonu |
| Ms. line: 17 | in sambaztág in thie samanunga, |
| Ms. line: 18 | inti árstuont úf zi lesanne, |
| Ms. line: 19 | inti salta mán imo then buoh |
| Ms. line: 20 | thés uuizagen Esaies. |
| Ms. line: 21 | So hér thén buoh inteta, |
| Ms. line: 22 | fant thie stat thár giscriban uúas: |
| Ms. line: 23 | truhtines geist ubar mih, |
| Ms. line: 24 | thuruh thaz salbota mih, |
| Ms. line: 25 | inti zi gótspellonne thurftigen |
| Ms. line: 26 | santa hér mih, zi predigonne háften |
| Ms. line: 27 | fórlaznessi inti blinten gisiht, |
| Ms. line: 28 | zi fórlazenne gibrochanne |
| Ms. line: 29 | in fórlaznessi, zi predigonne |
| Ms. line: 30 | antphengi iár truhtines |
| Ms. line: 31 | inti tág ítlones. |
| Ms. line: 32 | Inti mit thiu hér thén buoh biteta, |
| Ms. line: 1 | gab ín themo ambahte inti sáz, |
| Ms. line: 2 | inti allero ougun in thero samanungu |
| Ms. line: 3 | uuarun scouuonti in ínan. |
| Ms. line: 4 | Bigonda hér tho quedan zi ín: |
| Ms. line: 5 | tház hiutu gifullit ist thiz giscrib |
| Ms. line: 6 | in íuuaren orun. |
| Ms. line: 7 | Fón danan bigonda thér heilant |
| Ms. line: 8 | predigon inti quedan: |
| Ms. line: 9 | uuanta gifullit ist zít, |
| Ms. line: 10 | tuót rivvua inti giloubet |
| Ms. line: 11 | themo euangelio, nahit sih nú |
| Ms. line: 12 | himilo ríhhi. |
