| Ms. line: 25 | Gihorta ther heilant thaz sie in úzvvurpfun; |
| Ms. line: 26 | mit diu er in uant, quad imo: |
| Ms. line: 27 | thu giloubis in den gotes sun? |
| Ms. line: 28 | Tho antlingita er inti quad: |
| Ms. line: 29 | uuer ist iz, trohtin, inti ih giloubu in inan? |
| Ms. line: 30 | Tho quad imo ther heilant: thu gisahi inan, |
| Ms. line: 31 | inti ther mit dír sprihhit, ér ist iz. |
| Ms. line: 1 | Tho quad er imo: giloubu, trohtin, |
| Ms. line: 2 | inti nidarfallenti betota inan. |
| Ms. line: 3 | Tho quad imo ther heilant: |
| Ms. line: 4 | in duom quam ih in thesa uueralt, |
| Ms. line: 5 | thaz thie dar ni gisehent gisehen |
| Ms. line: 6 | in thie dar gisehent, daz sie sin blinte. |
| Ms. line: 7 | Inti gihortun fon then Fariseis |
| Ms. line: 8 | thie mit imo uuarun, inti quadun imo: |
| Ms. line: 9 | eno nu birun uúir blinte? |
| Ms. line: 10 | Tho quad in ther heilant: |
| Ms. line: 11 | ob ir blinte uúarit, thanne ni habetit ír sunta; |
| Ms. line: 12 | nu quedet ir: uuir gisehemes: |
| Ms. line: 13 | iúuuer sunta uuonet. |
| Ms. line: 14 | Uúar uúar quidih iú, |
| Ms. line: 15 | thie thar in ni gét thurah duri |
| Ms. line: 16 | in then euuist thero scapho, |
| Ms. line: 17 | oh gistigit allesuuanan, ther ist thíob |
| Ms. line: 18 | inti scaheri: thie dar inget thurah thio duri, |
| Ms. line: 19 | ther ist hirti scafo. |
| Ms. line: 20 | Themo induot ther duriuuart, |
| Ms. line: 21 | inti scaf sina stemma gihorent, |
| Ms. line: 22 | inti eiganu scaf nemnit namahafto |
| Ms. line: 23 | inti leitit sie úz. |
| Ms. line: 24 | Inti mit diu er thiu eiganun scaf úzsentit, |
| Ms. line: 25 | thanne uerit ér in uora; inti scaf |
| Ms. line: 26 | folgent imo, uuanta siu uuizzun |
| Ms. line: 27 | sina stemma. Fremiden |
| Ms. line: 28 | ni folgent, oh fliohent fon imo, |
| Ms. line: 29 | uuanta sie ni uuestun stemma |
| Ms. line: 30 | fremidero. Sentence: 8 Thaz bivvurti |
| Ms. line: 31 | quad in ther heilant; |
| Ms. line: 1 | sie tho ni uorstuontun |
| Ms. line: 2 | uuaz er in zuosprah. |
| Ms. line: 3 | Tho quad in abur ther heilant: |
| Ms. line: 4 | uuár uuár quidih íu, |
| Ms. line: 5 | bithiu uuanta ih bim duri scafo. |
| Ms. line: 6 | Alle so manage so quamun |
| Ms. line: 7 | thioba sint inti scachera: |
| Ms. line: 8 | ni hortun sie thiu scáf. |
| Ms. line: 9 | Ih bim duri. Thurah mih |
| Ms. line: 10 | oba uuer ingengit, ther ist giheilit, |
| Ms. line: 11 | inti inget inti úzget |
| Ms. line: 12 | inti findit fuotrunga. Thiob ni cumit, |
| Ms. line: 13 | nibi thaz er stele inti erslahe |
| Ms. line: 14 | inti fliose: ih quam daz |
| Ms. line: 15 | sie lib haben inti ginuhtsamon haben. |
| Ms. line: 16 | Ih bin guot hirti. Guot hirti |
| Ms. line: 17 | tuot sina sela furi siniu scaph; |
| Ms. line: 18 | ásni inti ther nist hirti, |
| Ms. line: 19 | thes thiu scáf eiganiu ni sint, |
| Ms. line: 20 | gisihit then uuolf comentan |
| Ms. line: 21 | inti uorlazzit thiu scáf inti fliuhit; |
| Ms. line: 22 | ther uuolf slizzit inti uuirpfit scáf. |
| Ms. line: 23 | Ther ásni uúarliho fliuhit, |
| Ms. line: 24 | uuanta her ásni ist |
| Ms. line: 25 | inti ni gengit zi imo fon then scafon. |
| Ms. line: 26 | Ih bin guot hirti |
| Ms. line: 27 | inti incnahu minu, |
| Ms. line: 28 | inti incnahent mih minu. |
| Ms. line: 29 | Soso mih min fater uueiz, so intcna ih |
| Ms. line: 30 | minan fater, |
| Ms. line: 31 | inti min ferah sezziu furi minu scáf. |
| Ms. line: 1 | Inti anderiu scáf haben, |
| Ms. line: 2 | thiu ni sint fon thesemo euuiste: |
| Ms. line: 3 | thiu gilimphent mir zi halonne, |
| Ms. line: 4 | inti mina stemma horent, |
| Ms. line: 5 | inti ist thanne ein euuist inti ein hirti. |
| Ms. line: 6 | Bithiu minnot mih mín fater, |
| Ms. line: 7 | uuanta ih sezziu mina sela |
| Ms. line: 8 | inti abur nimu sia. |
| Ms. line: 9 | Nioman nimit sia fon mir, |
| Ms. line: 10 | uz ih sezzu sia fon mir selbemo. |
| Ms. line: 11 | Ih haben giuualt zi sezzenne sia |
| Ms. line: 12 | inti giuualt haben abur |
| Ms. line: 13 | sia zi nemanne: tház bibot |
| Ms. line: 14 | intfieng fon minemo fater. |
| Ms. line: 15 | Abur uúas thár ungizunft gitan |
| Ms. line: 16 | untar then Iudæon thurah disiu uuort. |
| Ms. line: 17 | Thó quadun manage fon in: |
| Ms. line: 18 | er habet diuual inti vvuotit. |
| Ms. line: 19 | Ziu horet ir inan? Andere quadun: |
| Ms. line: 20 | thisiu uuort ni sint diuual |
| Ms. line: 21 | habentes: eno nu diuual |
| Ms. line: 22 | mac blintero ougun intuon? |
