| Ms. line: 30 | Hierusalem, Hierusalem, | Hierusalem, Hierusalem, |
| Ms. line: 31 | quae occidis prophetas | thu dar slehis uuizzagon |
| Ms. line: 1 | et lapidas eos | inti steinos thie |
| Ms. line: 2 | qui mittuntur ad te! | thiede gisentite sint zi dir. |
| Ms. line: 3 | Quotiens volui congregare | Vvuo ofto ih uuolta gisamanon |
| Ms. line: 4 | filios tuos quemadmodum | thinu kind zi themo mezze |
| Ms. line: 5 | gallina congregat | the samanot henin |
| Ms. line: 6 | pullos suos sub alis suis, | ira huoniclin untar ira federacha, |
| Ms. line: 7 | et noluisti. | inti thu ni uuoltos. |
| Ms. line: 8 | Ecce relinquitur vobis | Senu nu uuirdit îu forlazan |
| Ms. line: 9 | domus vestra deserta. | îuuuer hús vvuosti. |
| Ms. line: 10 | Dico enim vobis: | Ih quidu îu: |
| Ms. line: 11 | non me videbitis a modo | ni gisehet ir mih fon nu, |
| Ms. line: 12 | donec dicatis: | ér thanne ir quædet: |
| Ms. line: 13 | benedictus qui venit | gisegenot si thie dar cumit |
| Ms. line: 14 | in nomine domini! | in trohtines namon! |
