| Ms. line: 15 | Ante autem diem festum | Fora themo itmalen tage |
| Ms. line: 16 | paschæ sciens Ihesus | ostrunu tho uuesta ther heilant |
| Ms. line: 17 | quia venit hora | thaz quam zít |
| Ms. line: 18 | ut transeat ex hoc mundo | thaz her fuori fon therru uueralti |
| Ms. line: 19 | ad patrem, | zi themo fater: |
| Ms. line: 20 | cum dilexisset suos | mit diu her minnota sine |
| Ms. line: 21 | qui erant in mundo, | thie dar uuarun in mittilgarte, |
| Ms. line: 22 | in finem dilexit eos. | in ente minnota sie. |
| Ms. line: 23 | Surgit a cena | Erstuont tho fon themo muose |
| Ms. line: 24 | et ponit vestimenta sua, | inti legita sin giuuati; |
| Ms. line: 25 | et cum accepisset linteum | mit diu her intfieng sabun |
| Ms. line: 26 | precinxit se. | bigurta sih. |
| Ms. line: 27 | Deinde mittit aquam in pelvem | Thanan tho santa uuazzar in labal |
| Ms. line: 28 | et coepit lavare pedes | inti bigonda thuuahan fuozzi |
| Ms. line: 29 | discipulorum | sinero iungirono |
| Ms. line: 30 | et extergere linteo | inti suuerban mit themo sabane |
| Ms. line: 31 | quo erat precinctus. | themo her uuas bigurtit. |
| Ms. line: 1 | Venit ergo ad Simonem Petrum, | Quam her tho zi Simone Petre, |
| Ms. line: 2 | et dicit ei Petrus: | inti quad imo Petrus: |
| Ms. line: 3 | domine, tu mihi lavas pedes? | trohtin, uuesgistu mir nu fuozzi? |
| Ms. line: 4 | Respondit Ihesus | Tho antlingita ther heilant |
| Ms. line: 5 | et dicit ei: quod ego facio | inti quad imo: thaz ih tuon |
| Ms. line: 6 | tu nescis modo, | thaz ni uueistu nu: |
| Ms. line: 7 | scies autem postea. | thu uueist iz after thisiu. |
| Ms. line: 8 | Dicit ei Petrus: | Tho quad imo Petrus: |
| Ms. line: 9 | non lavabis mihi pedes | ni uuesgistu mir fuozzi |
| Ms. line: 10 | in aeternum. | zi euuidu. |
| Ms. line: 11 | Respondit ei Ihesus: | Tho antlingita imo ther heilant: |
| Ms. line: 12 | si non lavero te, | obih thih ni uuasgu, |
| Ms. line: 13 | non habebis partem mecum. | thanne ni habes teil mit mir. |
| Ms. line: 14 | Dicit ei Simon Petrus: | Tho quad imo Simon Petrus: |
| Ms. line: 15 | domine, non tantum pedes meos, | trohtin, nalles eccrodo mine fuozzi, |
| Ms. line: 16 | sed et manus et caput. | oh henti inti houbit. |
| Ms. line: 17 | Dicit ei Ihesus: | Tho quad imo ther heilant: |
| Ms. line: 18 | qui lotus est non indiget | thiede subri ist ni bitharf |
| Ms. line: 19 | nisi ut pedes lavet, | ni sí thaz her fuozzi uuasge, |
| Ms. line: 20 | sed est mundus totus. | oh ist al subri. |
| Ms. line: 21 | Et vos mundi estis, | Inti ir birut subre, |
| Ms. line: 22 | sed non omnes. | nalles alle. |
| Ms. line: 23 | Sciebat enim quisnam esset | Her uuesta uuer daz uúas |
| Ms. line: 24 | qui traderet eum, | thie inan salta, |
| Ms. line: 25 | propterea dixit: | bithiu quad her: |
| Ms. line: 26 | non estis mundi omnes. | ni birut alle subre. |
