| Ms. line: 27 | Postquam ergo lavit | After thiu her vvuosc |
| Ms. line: 28 | pedes eorum | iro fuozzi |
| Ms. line: 29 | et accepit vestimenta sua, | inti intfieng sin giuuati, |
| Ms. line: 30 | cum recubuisset iterum, | mit diu her abur gilineta, |
| Ms. line: 31 | dixit eis: | quad in: |
| Ms. line: 1 | Scitis quid fecerim vobis? | Uuizzut ir uuáz ih íu teta? |
| Ms. line: 2 | Vos vocatis me magistrum | Ir heizzet mih meistar |
| Ms. line: 3 | et dominum, et bene dicitis, | inti hérro, inti uuola quedet: |
| Ms. line: 4 | sum etenim. | ih bin so. |
| Ms. line: 5 | Si ergo ego lavi pedes vestros | Ob ih vvuosc íuuuere fuozzi |
| Ms. line: 6 | dominus et magister, | hérro inti meistar, |
| Ms. line: 7 | et vos debetis alter | inti ir sulut ander |
| Ms. line: 8 | alterius lavare pedes. | anderes fuozzi uuasgan. |
| Ms. line: 9 | Exemplum enim dedi vobis, | Ih gáb íu bilidi, |
| Ms. line: 10 | ut quemadmodum ego | soso ih |
| Ms. line: 11 | feci vobis, | íu teta, |
| Ms. line: 12 | ita et vos faciatis. | thaz ir so tuot. |
| Ms. line: 13 | Amen amen dico vobis, | Uúar uúar quidih íu, |
| Ms. line: 14 | non est servus maior | nist scalc mero |
| Ms. line: 15 | domino suo | thanne sin herro |
| Ms. line: 16 | neque apostolus | noh thie postul |
| Ms. line: 17 | maior eo | nist mero themo |
| Ms. line: 18 | qui misit illum. | ther inan santa. |
| Ms. line: 19 | Si haec scitis, beati eritis, | Ob ir thisu uuizzut, thanne birut ir salige, |
| Ms. line: 20 | si feceritis ea. | ob ir thiu tuot. |
| Ms. line: 21 | Non de omnibus vobis dico: | Ni quad ih fon íu allen: |
| Ms. line: 22 | ego scio quos elegerim, | ih uueiz thie ih gicos, |
| Ms. line: 23 | sed ut impleatur scriptura: | uzoh thaz gifullit uuerde tház giscrib: |
| Ms. line: 24 | qui manducat mecum panem | ther mit mir izzit brót |
| Ms. line: 25 | levabit contra me | ther hefit uuidar mir |
| Ms. line: 26 | calcaneum suum. | sina fersnun. |
| Ms. line: 27 | A modo dico vobis priusquam | Fon nu quidih íu er thannez |
| Ms. line: 28 | fiat, ut credatis, | uuerde, thaz ir giloubet, |
| Ms. line: 29 | cum factum fuerit, | mit diu iz gitan uuirdit, |
| Ms. line: 30 | quia ego sum. | thaz ih bin. |
| Ms. line: 31 | Amen amen dico vobis, | Uúar uúar quidih íu, |
| Ms. line: 1 | qui accipit si quem misero | therde intfahit ob ih uuen sentu |
| Ms. line: 2 | me accipit, | ther intfahit mih: |
| Ms. line: 3 | qui autem me accipit | ther mih intfahit |
| Ms. line: 4 | accipit eum qui me misit. | intfahit thende mih santa. |
