TITUS
Minor Old Lower Franconian Monuments
Part No. 10
Previous part

Chapter: 58  
Psalm LVIII.


Verse: 2  
Line: 24       Gineri mi fan fîundun mî\nun,
Line: 25    got mîn, inde fan an stan\dandon
Line: 26    an mi genere mi.

Verse: 3  
Line: 27       Genere mi fan uuirkindon
Line: 28    unreht, inde fan mannon bluodô
Line: 29    bihalt mi.

Verse: 4  
Line: 30       Uuanda icco fiengon sêla
Line: 31    mîna, analiepon an mi starca.

Page: He14  
Verse: 5  
Line: 1       Noh unreht mîn, noh sun\da
Line: 2    mîn, hêrro, sundir unreht
Line: 3    ran ik inde gerihtit uuarth ik.

Verse: 6  
Line: 4       Up stâ an geginloup mî\nin
Line: 5    inde gesig! inde thu, hêrro,
Line: 6    got creftô, got Israêlis, thenke
Line: 7    te uuîsene alla thiadî; si genâ\thô
Line: 8    thu allon thia uuircunt un\reht.

Verse: 7  
Line: 9       Bekêrda sulun uuerthan te
Line: 10    âvandi, inde hungger tholôn su\lun
Line: 11    alsô hundâ, inde umbi gân
Line: 12    sulun burg.

Verse: 8  
Line: 13       Ecco sprecan sulun an
Line: 14    munde irô, inde suert an lepo\ron
Line: 15    irô; uuanda uue gehôrda?

Verse: 9  
Line: 16       Inde thu, hêrro, behoscôn
Line: 17    salt sia, te nieuuihte leidon saltu
Line: 18    alia thiade.

Verse: 10  
Line: 19       Sterke mîna te thi sal ik
Line: 20    huodan,

Verse: 11  
Line: 21       uuanda got antfengere
Line: 22    mîn. Got mîn, genâtha sîn furi
Line: 23    cuman sal mi.

Verse: 12  
Line: 24       Got ougit mi ovir fîundâ
Line: 25    mîna. Ne rislag thu-sia, that
Line: 26    noh uuanne ne fargetin folk mîn;
Line: 27    tespreida sia an crefte thînro
Line: 28    inde antsette sia, bescirmere
Line: 29    mîn, hêrro,

Verse: 13  
Line: 30       mis-dât mundis irô, uuort
Line: 31    leporô irô, inde befangana uuer\thin
Line: 32    an ovirmuodi irô.

Verse: 14  
Line: 33       Inde fan faruuâtannussi
Line: 34    inde fan lugenon cunda sulun

Page: He15  
Line: 1    uuirthan an thuro - fremingon, an
Line: 2    âbulge thuru - fremingon, inde
Line: 3    ne sulun uuesan; inde uuitton
Line: 4    sulun uuanda got sal uualdan
Line: 5    Jâcob inde endi erthon.

Verse: 15  
Line: 6       Bekêrda sulun uuerthan
Line: 7    te âvandi, inde hunger tholôn
Line: 8    sulun alsô hundâ, inde umbi
Line: 9    gân burg.

Verse: 16  
Line: 10       Sia tiespreida uuerthint
Line: 11    te etoni; of geuuisso ne uuer\thint
Line: 12    sada, inde murmulôn sulun.

Verse: 17  
Line: 13       Ik eft singen sal sterke
Line: 14    thîna inde menden sal an mor\gen
Line: 15    ginâthî thînrô; uuanda thu
Line: 16    gidân bis anfengere mîn inde
Line: 17    fluht mîn an dage arbeithis mînis.

Verse: 18  
Line: 18       Helpere mîn, thi sal ik
Line: 19    lovân, uuanda got antfengere
Line: 20    bistu mîn; got mîn, genâthî
Line: 21    mîn.



Next part


This text is part of the TITUS edition of Minor Old Lower Franconian Monuments.

Copyright TITUS Project, Frankfurt a/M, 27.11.2013. No parts of this document may be republished in any form without prior permission by the copyright holder.