TITUS
Minor Old Lower Franconian Monuments
Part No. 12
Previous part

Chapter: 60  
Psalm LX.


Line: 29    2. Gehôri, got, gebet mîn
Line: 30    thenke te gebede mînin.

Line: 31    3. Fan einde erthen te thi
Line: 32    riep, sô sorgôda herte mîn. An
Line: 33    steine irhôdistu mi;

Page: He17  
Verse: 4  
Line: 1       thu leidôs mi, uuanda gedân
Line: 2    bist tô-hopa mîn, turn sterke
Line: 3    fan antsceine fîundis.

Verse: 5  
Line: 4       Uuonôn sal ic an selethon
Line: 5    thînro an uueroldî, bescirmôt an
Line: 6    getheke fethecanô thînrô.

Verse: 6  
Line: 7       Uuanda thu, got mîn, ge\hôrdôs
Line: 8    gebet mîn, gâvi thu ervi
Line: 9    forhtindon namon thînin.

Verse: 7  
Line: 10       Dag ovir dag cuningis saltu
Line: 11    gefuogan, iâr sîna untes an dag
Line: 12    cunnis inde cunnis.

Verse: 8  
Line: 13       Fol-uuonôt an êuuon an
Line: 14    geginuuirdî godis; ginâthî inde
Line: 15    uuârheide sina uue sal thia suo\can?

Verse: 9  
Line: 16       Sô sal ic lof quithan namin
Line: 17    thînin an uuerolt uuerldis, that
Line: 18    ik geve geheitâ mîna fan dage
Line: 19    an dage.



Next part


This text is part of the TITUS edition of Minor Old Lower Franconian Monuments.

Copyright TITUS Project, Frankfurt a/M, 27.11.2013. No parts of this document may be republished in any form without prior permission by the copyright holder.