TITUS Texts: Johannes Fischart, Geschichtsklitterung

TITUS
Johannes Fischart, Geschichtsklitterung
Part No. 450

Paragraph: 7 Derhalben that er, wie der Türckisch Keyser Selim welcher als er aller Nationen kleidung het malen lassen, vnnd an den Teutschen vnd Frantzosen kam, wußt er nit was er denselbigen¹⁹ für ein latz machen solt : derhalben ließ er sie²⁰ nackend malen, vnnd jhnen²¹ ein ballen thuch²² mit elen vnnd spissen außzumessen geben, darauß möchten sie jhnen²³ latz vnnd gsäß machen so wunderfundsam vnnd so offt veränderlich wie sie jhmer wolten :²⁴ Dann der Teuffel mahl oder schreib disen fundschwangern Kleidfuhrierern vnd hosenquartierern Page of re-edition: 236 ein Formularbuch von kleidern für, wie man wol heut den Notarijs fürkauet vnnd fürspeiet : Ja wie die Cantzelärmel der vnformularigen vnd vnconcordirenden Welt heut Gebett Formular vorschreiben. Darumb, weil Gargantzumol diesem Herrlin keinen vberzug zu seim Leyst wußt, gab er jhm Burgundischer elen wolgemessen siben²⁵ weiß thuches, das mocht²⁶ er nach dem model seines leibs verkleiden vnnd färben wie er wolte die stümpff oben ans gesäß, oder vnden an die Schu.

This text is part of the TITUS edition of Johannes Fischart, Geschichtsklitterung.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.