TITUS
Johannes Fischart, Geschichtsklitterung
Part No. 507
Previous part

Paragraph: 11      Man hieng132 bißweiln vnserm Durstgurgeler zu oberst eins Thurns, ein groß Kamelseyl an, das Page: 355   biß vff die Erd reichet, an demselben haspelt er mit beiden Händen hinauff, darnach fuhr er widerumb so gewaltig vnnd gewiß Page of re-edition: 275  herab, daß einem das Gesicht darob vergieng. Man richtet jm einen grossen Gabelgalgen auff zwischen zwen Bäum gesperret, an demselbigen hieng er sich mit den Händen an, vnnd fuhr daran herumb vnnd herwider, wie ein anderer mürber braten am Spiß herumb, daß er mit dem Fuß gar nichts berühret, so starck war er inn den Armen : Er kondt auch auff eim Arm auff ein Stock sich steuren, daß der Leib wie ein Kauffmännische Bilantz inn der Wag stund. Auch auff daß er das gebrüst vnnd gelüng exercieret, schrye er wie tausendt Teuffel, wie die Schifleut vber Rein, als ob er im Heckelberg seß. Ich hab jhn einmal gehört, daß er seim spießjungen Wolbeiart133 von Sanct Victorsporten biß zu Montmartre ruffet, vnnd inn der schlacht wider die Hutzelbutzen, auff dem Lechfeld hort man jhn schreyen biß gehn Langweit, etwas neher als das Geschütz vor Metz, welchs man vber Rein Teutsch Laureto oder Lor gehört hat. Der berümbt Stentor hett lang kein solche stimm inn der schlacht vor Troi, noch Demosthenes, der stein inn mund nam vnnd am Mörvfer in den Wind ruffet, als ob jhm der Halß ab wer, damit er das R außsprechen lehre. Auch seine Glider vnnd Adern mehe zusteiffen vnd inn seiner stärcke zuerhalten, worden jhm gemacht zwo grosse Bleiene Kugeln, grösser als die Margraff Albrecht inn Franckfort geschossen134, ein jede acht tausent, siben hundert Quintalpfund wigend, welche er Alteratzen vnd Zuckander nennet. Dieselbe nam er von der Erden inn jede Hand, hub sie inn die höhe vber den Kopff, vnd hielt135 sie also vnverwendet drey viertheil Stund, vnnd wol noch Page: 356   mehr, welchs ein vnnachzuthunige stärck ist. Spielt mit den Glingstangen136, Sperrbäumen, Handspacken vnd Sperrlingen : riß mit den aller stärckesten. Vnnd wann es zu dem fall kam, stund er so fest auff den füssen, daß er sich eim jeden Waghals außbot, wa er jhn von der stett ziehe137, wie vorzeiten faustbeheb Milo that : Nach dessen Exempel pflegt er ein Granatapffel inn die Hand zunemmen, vnnd schanckt jn dem, der jhn jhm auß der Hand kondt bringen. Mit diser weiß gewöhnet er sich, daß er nicht alleine stärcker ward, sondern mit der stärcke auch jünger : wie König Masinissa, der durch gleiche weiß sich erjunget wie ein Adler, daß er auch neuntzigjärig einen Son erzielet : vnd kont 14 tag Postlauffen.

Page of re-edition: 276 
Next part


This text is part of the TITUS edition of Johannes Fischart, Geschichtsklitterung.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.