TITUS
Johannes Fischart, Geschichtsklitterung
Part No. 645
Previous part

Paragraph: 5      Die in der Statt schützten sich zum besten, als sie mochten : Aber jhr17 Geschütz war inn der eil viel zu hoch gericht, vnnd hielt die daraussen alle18 schadloß. Etliche der außgefallenen Bände, die dem geschütz entgangen waren, setzten dapffer inn vnser Volck, aber richteten wenig auß, dann man sie redlich mit dem kopff voran nidersetzt : also, daß da sie es fületen, nicht lenger fuß halten wolten, sonder Page: 520   sich widerumb hindersich begaben. Aber der Mönch het sither jnen denselben19 Ranck abgeloffen, derhalben begaben sie sich ohn alle Ordnung in die flucht : etlich der Strotzegurgler wolten jnen den Rucken fegen vnnd nachjagen, aber der Mönch erhielt sie, besorgend, wa sie den Flüchtigen zu girig nachtruckten, sie auß jhren Stellen vnd Ordnungen kemen, vnd also leichter, wa man20 auß der Statt füle21, zutrennen weren. Hielt derhalben also ein gute weil in der Ordnung, vnnd als er niemand feindlich kommen sahe : schicket er den Hauptman Phrontistem Mutrich22 zum Feldobersten Gurgellang23, jhn zuverständigen, daß er kein müh noch fleiß spare, die seit zur lincken einzunemmen, dem König Grollenkoderer24 die außflucht zur selbigen Porten auß zuverschlagen : welchem Gargantua sehr fleißig nachkam, vnnd schickt vier Regiment, so zu Page of re-edition: 402  Sebaste gemustert worden, dahin : So bald mochten sie daselbs nit die höh eingenommen haben, sihe da, so traffen sie den Bittergroll26 mit seim Volck hin vnnd wider zerstrewet an : den strichen sie nun zimmlich die Flöh ab : gleichwol gieng es jhnen auch nicht ohn schaden ab, dann die von der Mauren sie heßlich mit Geschütz schädigten : So bald solchs Gurgellantua26 war genommen, entschüttet er sie mit aller seiner Macht, vnd ließ alles das Geschütz vnd die Maurbrecher so ernstlich vnd streng auff dasselb theil der Mauren abgehn, daß alle Macht der Statt zur rettung dahin gelocket ward.

Next part


This text is part of the TITUS edition of Johannes Fischart, Geschichtsklitterung.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.