TITUS
Johannes Fischart, Geschichtsklitterung
Part No. 646
Previous part

Paragraph: 6      Der Mönch, als der diß theil, da er hielt, gantz bloß vnnd sorgloß von Wechtern vermarckte, bestig ers kecklich mit seim Volck, ohn die zwey hundert Kürisser ließ er zum Wagbestand draussen : so bald er nun hinein kam, schri er vnd sein gantz volck auß dermassen grewlich, schlugen gleich die Wacht Page: 521   desselben Thors tod, thaten demnach den Kürissern auff, vnnd eilten inn aller vngestüm schnell zu dem Thor gegen auffgang, da der gröst ernst vnnd lärma war, schlugen hinden alles nider, also, daß da sie sich von allen enden von den Gargantuisten vbergewältiget sahen, ergaben sie sich an den Mönch, der gab eim jeden ein stecken vnd ließ sie in die Kirchen sperren, doch nam er vor alle Kreutzstangen herauß, vnnd bestellt Wachten vnter die Thor, die nieman außliessen. Demnach ließ er die27 Port gegen Ost öffenen, vnd zog hinauß dem Gurgelstrozza28 zu hilff. König Picrochol aber meint, daß jhm hülff auß der Statt zustünde, vnd ward deßhalben noch hochmütiger, biß er den Gorgollantua29 höret ruffen : Mein Freund Bruder Jan willkommen, glück zu mein Bruder Jan, da trefft jhr recht die Mettenzeit : Da gedacht Bittergroll30, hie wird man dir vnd dem31 Volck das Requiem vnd Complet singen, vnsers bleibens ist nicht mehr hie32, verzagten derhalben, vnnd floh ein jeder, wa er hinauß kommen mocht. Strotzegurgel33 jagt jhnen nach biß gehn Vaugaudrich, vnd legt sie auff der Straß nach einander, als wann man die Eyer zum Wettlauffen legt : darnach ließ er wider zum alten hauffen blasen, 'à la Retreck' zum Profey.

Next part


This text is part of the TITUS edition of Johannes Fischart, Geschichtsklitterung.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.