TITUS
Guido de Columnis, Buch von Troja
Part No. 45
Previous part

Paragraph: (45) 
Sentence: 548       Als diß geschrey ende nam, ging sie zu dem vater, dem konige, und irmante den vater mit heisser treue gissunge so clegelich und so bitterlich, das die by steenden alle das kaume getrogen mochten, und bat in, das er noch abe lisse von dem, das er vorgenomen und begunst hette, wenn sie kunftige obil dor inne irkante.
Sentence: 549    Aber der widerwertige val des glukes eylete wil- liglich zu dem unseligen lauffte.
Sentence: 550    Vor war, vor war, ab die wider rete Jlec- toris, die irmanunge Cassandre, die rete Heleni, die vorlegunge Penthei nuczlich weren gehort worden, das hette ewigen frommen bracht.
Sentence: 551    O edle und grunende Troye!
Sentence: 552    Aber die verfluchten weissagunge des argen nach dem mal, als sie irkanten die kunfftigen unsaldenn, haben beczeichent und vorgegeben die widerwertigen und argen ding der leute gleich, als ab sie gereyth iczunt entpfangen weren.
Sentence: 553    Es was nu die zceit, so die tage lenger syn wen die nechte in dem manden des meyen.
Sentence: 554    Denne bluen die boume und die czelche geberen newe summer latten und geben die gestalt der newen fruchte, do Paris und Deiphebus von Pafere widder quomen und brochten dreytausent gewopen- ter ritter mit yn, die schiff bereytet, der waren czweiundczwenczig, groß und wol geladen mit allen notdorfftigen dingen.
Sentence: 555    Der konigk Priamus gepot Anthenor und Eneas, von den hy vor gesaget ist, und uch Polidamas Anthenors sone, das sie mit Paris mit den here schiffen zcogen.
Sentence: 556    Die selben nomen das gepot uff sich andechtiglich, und der selbe konigk Priamus ließ yn allen zu sammen ruffen, die geschikt waren an den zcog gein Crichen und rette sie also an:
Sentence: 557    Es ist vort meher nicht not, vil rede zu thun obir diß geschaffte, das ir nu uff genommen habet, wann ir volkomelich wol irkenn et, welchs die sachen sint, die myn gemute engisten, do durch ich uch gein Crichen sende, und ab das solde die redelichste sache sein, als das unrecht, das sie wider uch und uns gethan haben, sache zu begeren, doch ist eyn vorwegende sache, das ist, das wir unser swester wider irwerben mochten, die in grossen lasteren und in engestlicher unsalde geschemet wirt, sint wir die widder zu irwerben eyne redeliche sache meynen zu haben mit feede wider die Crichen.
Sentence: 558    Do von irmane ich uch mit fliesse, das ir ernsthafftiglich dor noch steet, das ir uns unser swester wider irwerben moget.
Sentence: 559    So sult ir do entgegen vor war wissen, ab das sache wurde, das ir icht von uns bitten wurdet, das wolle wir uch mildiglich geweren.
Sentence: 560    Obir den zcog und dise ding alle werdet ir haben Paris zu eynem fursten und herczogen und dor noch Deipheben zu ratene gar weise und ouch Anthenor und Eneas, die uch mit uch zihen werden.

Next part


This text is part of the TITUS edition of Guido de Columnis, Buch von Troja.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.