TITUS
Guido de Columnis, Buch von Troja
Part No. 90
Previous part

Paragraph: (90) 
Sentence: 1409       Do widder sprachen der konigk Coas und der herzcoge von Athenen mit etlichen scheltworten.
Sentence: 1410    Gleicherweise der merer teil der Crichen widdersprachen Achilles.
Sentence: 1411    Do von wart Achilles zcornigk und gebot synen Mirmidonischen, das sie widder die von Troye nicht thun sulden.
Sentence: 1412    In dem here gebrach ouch futer und speyse, do von so wart groß hunger dor inne.
Sentence: 1413    1)o von so wart Agamenon mit vil schiffen gesant zu dem konige Thelapho noch futer und speyse.
Sentence: 1414    Die lut der selbe konig reichlich und sante sie in das her.
Sentence: 1415    Als die fride tage abir vor warn, czogen sie von beyden telen aber zcu streyte.
Sentence: 1416    Al do erstach Deiphebus den konigk Creseum.
Sentence: 1417    Das mute aber die Crichen swinde.
Sentence: 1418    Dy Crichen wurden vaste gedrungen zu der flucht.
Sentence: 1419    All do quamen yn zu rette Palamides und Dyomedes mit XX tusenta wepenern und mit yn Aiax und Telamonius.
Sentence: 1420    Do wunte Palamides Deiphebum in den tod und dornoch Serpedonem.
Sentence: 1421    Das mute Paris also swinde, das er Palamidem irschos mit eynem gelupten pheile.
Sentence: 1422    Obir den tod Palamidis schrien die Crichen lanter woffen und wichen von dem felde, do sie yren herczogen vorloren hatten.
Sentence: 1423    Die von Troye volgeten yn biß vor yr gezcelt.
Sentence: 1424    Do karten sich die Crichen umb und werten sich swinde.
Sentence: 1425    Al do trotten die von Troye ab von den pferden und lieffen mit den Crichen in yre gezcelt und namen yn vil silbers gefesses und dor zu vil silbers unde goldes.
Sentence: 1426    Vort lieffen Paris und Troylus mit dreytusent gewopenten an den stat des meres und vorbranten den Crichen vill schiff, das man den rauch und ouch dy flammen des fewers zu Troye uff der maure sach.
Sentence: 1427    Dor zu quomen Telamonius und Ayax und stritten so swinde widder die von Troye, das die schiff geret worden, das yr nymmer wenn funffczen vor-branten.
Sentence: 1428    Achilles was den tag in synem gezcelt und wolde den tag umb der libe wille Pollixene nicht streitten.
Sentence: 1429    Dorumb yn die Crichen swinde beretten, das er syne lantlute vor synen ougen irmorden liesse, den er wol gehelffen mochte.
Sentence: 1430    Dornoch quam Achilles knechte eyner geleuffen in das gezcelt und sprach:
Sentence: 1431    Herre, o wie gar obil hat es unseren Crichen irgangen!
Sentence: 1432    Yr synt all zu vil irslagen, gewundet und gefangen, und sie sint uff beide teil mude von der erbeit.
Sentence: 1433    Were es uch zu synne und werdet streitten, ir schufft, daz man ymmer von uch sagen muste.

Next part


This text is part of the TITUS edition of Guido de Columnis, Buch von Troja.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.