TITUS
Alexanderroman (Johann Hartlieb)
Part No. 57
Previous part

Chapter: 63  
Paragraph: 58  
Olympiades bittet Alexander zu bleiben

Line: 1529   Wie Olympiades pat Allexandrum beleiben. LVIII


Line: 1530     Wie wol nun Alexander sein muetter Olimpiades vast von sele, herczen vnd
Line: 1531     krefften lieb hett, yeedoch woltt er dißer gepett ir nichtt volgen noch gehorsam
Line: 1532     sein vnd sprach: 'Mein allerliebste muetter, erlass mich soleicher gepett, wann
Line: 1533     ich mag dein muetterleiche trew nichtt geweren. Soltt ich also von persya sein,
Line: 1534     so wuerdt erst Darius erhebtt in seinem vbermuott vnd vermainett vnd spräch,
Line: 1535     ich wär von im fluchttigcleichen geflochen. Ey, raynne muetter, was schanndt
Line: 1536     vnd laster hiett ich dann, was ere hettest du dann von deinem sun, der ain czage
Line: 1537     ware. Darumb lass dein pitten vnd gibe mier vrlawb, wann ich wil faren, dier
Line: 1538     ere vnd lobe zu erberwen'. Die fraw Olimpiades sprach: 'Lieber sun, seydt du
Line: 1539     anders nichtt enwildt, so beuilch ich dich vnd dein getrew kchryechen in
Line: 1540     die henndt meiner goͮtter, die ewch vor allem vbel bewaren vnd beschiermen
Line: 1541     sullen. Darumb wil ich in reiche oͮppfer mitt andaͤchttigem petten alletag wiligcleichen
Line: 1542     senndten'. Mitt dem schyed Alexander froleich von seiner lieben
Line: 1543     muetter vnd kerett sein heere in ein lanndt, daz hyess abditta. Nun waren
Line: 1544     ettleich sein kchriechen da haym gewesen vnd hetten so vnsägleichen großen
Line: 1545     schacze von gold, silber vnd gestain mitt in prachtt, daz es nyemandt volsagen
Line: 1546     mochtt. Da daz sachen die vor dahaym belyben waren, sy thetten sich all
Line: 1547     wappenn vnd komen zu Alexandro vnd sprachen: 'Alergenadigister kunig,
Line: 1548     wier sein auch die deinen vnd wellen mitt dier kcherenn, wo du ferest'. Der
Line: 1549     kunig nam sy guettleichen auf. Daraus wuerden erst die pestenn ritter, so sy
Line: 1550     Alexander yee gewann, wann wieuil sy angst vnd nott erlitten, so bedawchtt
Line: 1551     sy alweg, es wär zu klain, darumb, daz sy vor dahaim gelegen waren. Wann
Line: 1552     wer nach eren wirbett, dem ist chain arbaitt zu schwar.



Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.