TITUS
Alexanderroman (Johann Hartlieb)
Part No. 58
Previous part

Chapter: 64  
Paragraph: 59  
Alexander im Land Abditta
Page: 145 

Line: 1553   Wie Allexander kam in abditta das land. LVIIII


Line: 1554     Da nun die lewtt in dem lanndt abditta hortten, daz Alexander mitt so kchrefftigem
Line: 1555     heere zu in kam, da verspertten sy all ir thorr, wer vnd chlawßen vnd
Line: 1556     woltten den Alexandrum nichtt ein lazzen. Da daz vernam Alexander, er wardt
Line: 1557     betruebtt mitt zoren vnd ermanett die seinen zu stuermen. Die gewunnenn
Line: 1558     pald die statt vnd verprantten vil an der statt. Sy ruefften vmb fride, der in
Line: 1559     wardt geben. Sy koͮmen fuer Alexandrum vnd sprachen: 'Alexander, wier
Line: 1560     habenn vnser portten nichtt verspartt, darumb daz wier mitt dier streytten
Line: 1561     wellen, sunder darumb, daz kunig Darius nichtt spräch, wier wären dier helffenn
Line: 1562     wider in vnd daz er dann vns gar zerstorett hiett mitt seinem mächttigen
Line: 1563     heer, daz er hatt'. Alexander sprach: 'Thuett paldt auf all ewr poͮrtten vnd
Line: 1564     klawsen, ich wil yecz mitt ewch nichtt streytten. So aber ich beczwing kunig
Line: 1565     Darium, ewren herren, so werdt ir dann hoͮren, was ich ewch gepewtt'. Alexander
Line: 1566     bewegt sein heere vnd kerett eyllendt zu Dario, daz er nichtt gedächtt,
Line: 1567     daz er geflochen wär.




Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.