TITUS
Alexanderroman (Johann Hartlieb)
Part No. 60
Previous part

Chapter: 66a  
Paragraph: 61  
Darius' Bruder lobt Alexander

Line: 1588   Wie Darius pruͦder czurnet, das er lobt Allexandrum den künig. LXI


Line: 1589     Da nun hortt der prueder Dary des großenn kunigs, daz Darius Alexandrum
Line: 1590     offt loben began vnd sein hoͮche manhaitt preyßenn, da sprach der selb
Line: 1591     sein prueder, der hyess mitt namen Onatrius: 'Ach wee vnd ach, lieber prueder
Line: 1592     vnd mächttiger kunigk Dary, was bedäwtt daz oder was maynst damitt, daz du
Line: 1593     Alexandrum lobst vnd hoch gäwdenst, der dier dann soleichen großen schaden
Line: 1594     hatt gethann. Wiee woͮl du pist sein czewg, daz er wol thuett, lieber herr vnd
Line: 1595     prueder, du machest dein heere verczagtt vnd foͮrchttig, daz sy in dem streytt
Line: 1596     vntugleich werden. Du soltt die deinen trosten vnd in guett hercz einstoßenn,
Line: 1597     so gewynnen sy manhaitt vnd mugen herttem stuerm widersteen. Aber wildt
Line: 1598     du nichtt anders thuen, so wiss, daz dein volck dier nichtt tugleich wierdt,
Line: 1599     wann wa der hawbtman verczagtt ist, da ist alles volck syglos. Was hatt sich
Line: 1600     dein mayestatt bedachtt? Du thuest geleich sam du im willigcleich vnd geren
Line: 1601     dein kchron aufgeben wellest vnd hast muett, als ob du dich an den kchriechenn
Line: 1602     nymmer rechen wellest. Wa ist dein mändleich hercz hinkomen vnd wo
Line: 1603     ist dein großer troͮst, den du vor czeitten den deinen gabest? Kere wider in
Line: 1604     gemuett vnd piss mändleich. Gedenck, wie Alexander dier so gar vngeleich ist
Line: 1605     an allenn dingen vnd thuett doch mandleich, wiewol nichtcz darhinder ist vnd
Line: 1606     gegen dier so klain ist, daz alles sein lanndt vnd lewtt gegen deiner machtt
Line: 1607     kchawm ain hanndt volle ist'. Da Onatrius, der prueder Dary, des kunigs in
Line: 1608     persya, dißew wortt volsprach, Darius der anttwuertt im vnd sprach: 'Lieber
Line: 1609     prueder, du wayst wol, daz nyemandt in seinen sachen weys ist, noch kain
Line: 1610     arczett in notten seinen geprechen gewennden mag. Darumb hab ich ratt
Line: 1611     gefragtt dich vnd annder hawbttlewtt, wie wier vnnser sach bestellen nach
Line: 1612     dem aller pestenn. Wann was mier geratten wierdt, dem wil ich geren volgen
Line: 1613     vnd wil alle arbaitt vnd ambt selb außrichtten, als dann Alexander thuett vnd
Line: 1614     wil gern volgen den sitten Alexandri. Sagtt mier, wie Alexander sein here vnd
Line: 1615     stattum halttett'. Da stuendt auf ain ander haubttman vnd sprach: 'Allergenadigister
Line: 1616     kunig, ich sag dier, daz Alexander in allen sachen vnuerdroßenn ist. Er
Page: 147  Line: 1617     lätt sich auch kain sach nichtt betrueben noch erschrecken, er thuett alle ding
Line: 1618     mändleich. Er mag auch leyden groͮße arbaitt vnd ist in allen dingen der erst
Line: 1619     vnd der leczst. Wiß auch, mochttiger kunig, daz er vnnder allenn seinenn
Line: 1620     rittern der kchuenest ist vnd der vnuerczagttest vnd thuett dann geleich nach
Line: 1621     leben artt, als er dann vnder dem leben geporen ist. Darumb hatt er leben
Line: 1622     gestaltt, machtt vnd krafft'. Da der Darius die wortt erhortt, er fragt den
Line: 1623     hawbttman, von wannen er west, wiee Alexanders thuen vnd lazzenn, form
Line: 1624     vnd gestaltt wär. Der hawbttman sprach zu kunig Dario: 'Da ich nach deinem
Line: 1625     geschafft vnd hayßen, allermächttigister kunig, zoch in macedoniam, die
Line: 1626     ränntt, zynns vnd tributt zu vodern von Phylippo, deinem vnderthann, der
Line: 1627     sein vatter ist, daselbst hab ich in wolgesechenn vnd vast auf in gemercktt,
Line: 1628     wann was er thett, das thett er vor allen seinen rittern, es wär ringen, springen
Line: 1629     oder den pfall werffen; nyemandt mochtt im geleichen. Darumb, großmachttiger
Line: 1630     kunig, so ist noͮtt, daz du dein sach weyßleichen anuachest.



Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.