TITUS
Alexanderroman (Johann Hartlieb)
Part No. 61
Previous part

Chapter: 66b  
Paragraph: 61a  
Darius' Kriegsrat

Line: 1631   Wie Darius volck hertten streit mit Allexandro anzeheben began. LXI


Line: 1632     Umb daz ratt ich dier, als ich dier schuldig pin, daz du besendest all dein
Line: 1633     hawbttlewtt vnd sendett dann in all stett deiner lanndt, die am nachsten
Line: 1634     sein, nichtt in die vast verren, nämleich main ich in persya, perthy, medeiam,
Line: 1635     polipodiam, nectauiam, illiridam etcetera. Darinne ist vnczalpär volck vnd pitt
Line: 1636     vnd schaff mitt in allen, daz sy anrueffen alle gotter, wie vnd in weleicher mass
Line: 1637     wier vertreiben mugen Alexanderum vnd sein gemuet in czaghaitt keren'.
Line: 1638     Darnach stuendt auf ain annder haubttman vnd sprach: 'Dein ratt ist guett, den
Line: 1639     du geben hast vnd ich wil dier deines rattes volgen, doch so sol der kunig
Line: 1640     Darius sameln sein heer vnd große menig des volckes. Wann ist, daz wier
Line: 1641     nichtt guetten ratt haben vnd gancz ainig aller ding werden, so ist sunder
Line: 1642     zweyfel, der weyss ratt der kchryechenn vnd ir ainigkaitt vberwindt alle
Line: 1643     vnnßre menig des volckes. Wann ain starcker hundt der iagt vnd zertrenntt gar
Line: 1644     ain grozze hertt schaff. Den ratt gib ich dier, kunig Dary'. Alexander der hett
Line: 1645     gesameltt alles sein volck vnd was komen in ciliciam an ain groͮss wazzer, daz
Line: 1646     floss von occean. Daz was gar ain hubsches, schonnes wazzer, durchsichttig
Line: 1647     vnd lawtter als ain poliertte christallen.




Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.