TITUS
Alexanderroman (Johann Hartlieb)
Part No. 62
Previous part

Chapter: 75a  
Paragraph: 62  
Alexander erkrankt im Fluß
Page: 148 

Line: 1648   Wie Allexander kranck ward vnd in sein arczt wider gesund machet. LXII


Line: 1649     Alexander gedachtt da, daz wazzer war vnschedelich vnd begerett sich darynne
Line: 1650     zuerwaschen vnd paden. Als er nun in daz wazzer kam, da hett es vnmäzzige
Line: 1651     kcheltten, die widerschlueg die hicze in Alexandrum, daz er begundt fiebern
Line: 1652     vnd sein hawbtt wardt im vast siechenn vnd aller sein leib wardt vast kranck.
Line: 1653     Da daz vernamen die weyßen kchriechen, sy verpargen ires herren siechtung
Line: 1654     mitt aller haymleichkaitt vnd gedachttenn wol: Soltt der kunig Darius des
Line: 1655     ynnen vnd geware werden, er wuerdt sy vberfallen vnd all ir machtt
Line: 1656     vertiligen, wann sy nyemandt hetten, der in so trewleich mochtt vor sein als
Line: 1657     Alexander mit sterck, manhaitt vnd kraftt. Darumb waren die hoͮchsten
Line: 1658     kchriechen vast betruebt vnd laydig vnd auch sunderleichen sy hetten iren
Line: 1659     herren gar von herczen vnd krefftenn lieb, als dann ain yegleich volck seinem
Line: 1660     rechtten herren schuldig zuthuen ist. Wann sy hetten vor wol gesechenn, wann
Line: 1661     Alexander gesundt was, daz alles volck in dem heere vast froleich wardt.
Line: 1662     Alexander hett mitt im außgefuertt ain iungen, wolgelertten man, der hyes
Line: 1663     Phylippus vnd was ain arczatt. In hett auch Alexander vast lieb, wann er vandt
Line: 1664     in alczeitt getrewe vnd warhafft. Der kam zu Alexandro vnd sprach da: 'Herr,
Line: 1665     ich wil dier beraitten ain tranck, wann du daz getrinckest, so wierdest du
Line: 1666     gesundt'. Der kunig Alexander patt den arczatt gar trewleichen, daz er dar
Line: 1667     ynne alen fleyss thatt, als er dann ain gancz getrawen zu im hett.



Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.