TITUS
Alexanderroman (Johann Hartlieb)
Part No. 63
Previous part

Chapter: 75  
Paragraph: 63  
Intrige gegen den Arzt Phylippus

Line: 1668   Wie ain fürst den arczt verlog, dar vmb tet in tötten Alexander. LXIII


Line: 1669     Nun was zu der selben czeitt ain fuerst, genantt Permenia, der was dem arczatt
Line: 1670     vast veindt, darumb daz im der kunig holdt was. Der schraib Alexandero ain
Line: 1671     brief also lawttendt: 'O kunig Alexander, huett dich vor dem arczatt Phylippen
Line: 1672     vnd trinck in kain weys sein erczney. Daz ratt ich dier, wann ich sag dier, daz
Line: 1673     im der kunig Darius gelobtt hatt sein schwester zu der ee zugeben vnd in
Line: 1674     machen ainen erben zu allen kunigkreichen, so er hatt, daz er dich ertott.' Vmb
Line: 1675     soleich gross verratterey west der getrew nichtt. Als er nun sein erczney
Line: 1676     wol beraitt hett, er kam mitt der erczney fuer denn kunig Alexanderum. Nun
Line: 1677     was die zedel des verratters erst komen, ee der kunig getruncken hett. Der
Line: 1678     weys Alexander las den brief, ee er die erczney tranck. Er liess sich die episteln
Line: 1679     des fuersten nichtt betruebenn, wann er hett gar gross getrawen zu dem arczett
Page: 149  Line: 1680     Phylippo. Alexander nam den brief in ain hanndt vnd nam in die andern
Line: 1681     hanndt die erczney, daz tranck von Phylippo dem arczett vnd plickt im vnder
Line: 1682     sein augen. Da sprach Phylippus der arczett: 'Allmächttigister kchayßer, du
Line: 1683     soltt daz tranck nichtt furchtten, du soltt es froleich trincken'. Alexander sach
Line: 1684     wol, daz sich die gestaltt Phylippi, seines arczett, nichtt verkerett noch verwandeltt.
Line: 1685     Darumb sach er woͮl daz hercz Phylippi, seines arczett, guett vnd gerechtt
Line: 1686     gegen im was. Wann er hett wol gelesen in der haimleichen weyßhaitt Aristotiles,
Line: 1687     seines maisters, in dem puech, daz man nennet Phisonomia Aristotilis, wer
Line: 1688     ain poßhaitt, vntrew oder vbel thuott oder thuen wil, auch gethan hatt, daz sich
Line: 1689     des selben varb vnd anttlucz von stundt verkerett vnd daz der selb kain mensch
Line: 1690     mag froleichen angesechenn. Daz alles hett wol gemerckt kunig Alexander,
Line: 1691     darumb nam er die erczney aus der hanndt des getrewen arczett vnd tranck die
Line: 1692     alle auss. Darnach von stundt stuendt er auf vnd gieng gegen dem arczet vnd
Line: 1693     gab im den brief des verratters in sein hanndt. Da nun der arczett die epistel
Line: 1694     verlas, er sprach zu Alexandro: 'Mich betruebtt nichtt dißew geschrifft, wann
Line: 1695     ich pin alles vbels an dier vnschuldig'. Darnach in drein stunden wardt gesundt
Line: 1696     Alexander vnd sein hafftiges fieber hett in verlaßenn. Der kunig besantt Phylippen,
Line: 1697     seinen arczett, vnd vmbfieng in mitt den armen vnd sprach: 'Phylippe,
Line: 1698     wie lieb ich dich hab vnd wie groͮs getrawen ich hab zu dier, daz ich vber
Line: 1699     soleich geschrifft dein erczney genoßen vnd getruncken, wann ich hab
Line: 1700     dein getranck genozzen vnd getruncken vnd mich nicht kcheret an die epistel'.
Line: 1701     Phylippus sprach: 'Großmächttiger kunig, hayss komen den mann, der mich
Line: 1702     czeichtt, daz ich dier soleiches gethan woltt haben vnd der dier dißen brief
Line: 1703     gesanndt hatt'. Darnach paldt besandt Alexannder Permeniam den fuersten
Line: 1704     vnd hyess in pald fuer sich komen. Permenias der fuerst kam mitt grozzer
Line: 1705     seiner ritterschafft, der er hawbttman was vnd sprach: 'Großmachttiger kunig,
Line: 1706     was gepewtt dein mayestatt'. Alexander sprach: 'Ich wil ganczleich wißen, wer
Line: 1707     dier gesagtt hatt, daz mier Phylippus woltt vergeben haben'. Da machtt der
Line: 1708     fuerst Permenias nichtt fuerpringenn kayn warhaitt vnd bekanntt, daz er es
Line: 1709     dem arczett zu layd gethann hett. Darumb thett Alexander den fuerstenn Permeniam
Line: 1710     gar schnodigcleich zu dem tode verurtaylen vnd thett im sein hawbtt
Line: 1711     abschlachen vnd sprach: 'Soleich vngetrew verratter sol nyemandt leyden,
Line: 1712     wann sy machen vngeaintt volck vnd gemayn willen vntrachtig'.



Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.