TITUS
Alexanderroman (Johann Hartlieb)
Part No. 64
Previous part

Chapter: 76  
Paragraph: 64  
Alexander zieht in Media ein
Page: 150 

Line: 1713   Wie Allexander zoch in mediam. LXIIII


Line: 1714     Darnach zoch Alexander in mediam in armeniam die grozzen vnd zwang sy
Line: 1715     payde. Darnach zoch er ettleich vil tag vnd kam in ain große wueest, da vandt
Line: 1716     man weder wazzer noch kainerlayee, daz vyech oder lewtt zu speyss oder
Line: 1717     tranck genyeßenn mochtten. Er fuer so lang, piss er kam zu ainem lanndt, daz
Line: 1718     hayst addria, da vandt er ain gross wazzer, daz hayst ewfrattes vnd ist der vyer
Line: 1719     wazzer aines, daz auss dem paradeis rindt vnd flewßett vnd darynne enttspringett.
Line: 1720     Er legtt sich zu dem wazzer vnd hett guette rwe vnd thett pringen gar vil
Line: 1721     holcz vnd liess machen ain prugk vber daz wazzer. Die prugck wardt gar
Line: 1722     schnell beraytt, wann ain tayl der prugck die hiengen sy an eyßnein kchettenn,
Line: 1723     daz ander tayl sacztten sy auf scheffer vnd machtten ain soleich paw, daz
Line: 1724     mänigcleich darab wundern wardt. Wann daz volck was alles aines vnd was in
Line: 1725     allen der obrist sagtt, daz thett yegleicher getrewleich als er mochtt. Wann wie
Line: 1726     grozz die pawme waren, so man sye legen woltt, so grayff yegleicher kchriech
Line: 1727     in soleicher mass daran, als soltt er es allain gethan haben. Mitt soleichem
Line: 1728     ainigem willen wardt volprachtt in funff tagenn ain arbaitt, ain gancz kunigkreich
Line: 1729     hiett daran funff iar wol zu pawen gehabtt. Da nun die prugck beraytt
Line: 1730     wardt, da gepoͮtt Alexander ettleichen ritternn, vor zu reytten vber die prugk,
Line: 1731     daz sy an allen ortternn, pirge, holcze, teller vnd haimleichkaitt beschluegenn,
Line: 1732     ob kain haltt oder samelung der veindt darynne waren, wann Alexander der
Line: 1733     thett so großen fleyss vmb sein volck, daz nyee hertter seiner schoff pass
Line: 1734     gehuett, dann er selber war nam seines heres. Zu der nachtt, so manigcleich
Line: 1735     schlieff, so vmbraytt er sein heere vnd bewartt sy vor schaden, als ain getrewer
Line: 1736     haubttman thuen sol. Er raytt vnd gienng auch in kcheller vnd zerkchamern
Line: 1737     zubesechen, ob kainerlay mangel oder geprechen da wär an speyss oder an
Line: 1738     ander notduerfft. Er besorgt auch manigem ritter sein pfartt vnd harnasch, daz
Line: 1739     er nichtt verdurbe, wann er gedachtt alweg: Wann die meinenn geprechen
Line: 1740     haben, so pin ich der, der ir mangeln vnnd enperen muess. Wann dann ich
Line: 1741     nichtt guett lewtt hab, was wil ich allain begynnen. Mitt soleichen angsten
Line: 1742     vertrayb Alexander, der getrew, tag vnd nachtt vnd hett mer sorg vnd angst
Line: 1743     vmb die seinen, dann vmb sich selber. Darumb woltt er auch vor sendten vnd
Line: 1744     die seinen bewaren. Als nun die vorreytter komen ann diee prugck, da
Line: 1745     bedäwchtt wol Alexandrum, wie der prugken zu so schwaren gewappenttem
Line: 1746     heere zu kchlain vnnd zu kranck wär vnd woltt die ritter nichtt vor wagen,
Page: 151  Line: 1747     sunder er lies daruber treiben vil vieches, daz im vnd seinem heere zuegehorett.
Line: 1748     Daz viech gienng wol sicher vber diee prugck, wann sy was mitt groͮzzer
Line: 1749     vernunfft der maister in der kchunst geometria gemachtt. Darnach liess er vber
Line: 1750     die prugck fueren alle speyss vnd allen zewge, der zu seinem streytt gehorendt
Line: 1751     was. Die prugck bestuendt, wie schwär sy geladen was. Darnach beruefft
Line: 1752     Alexander seiner ritterschafft vnd hyss sy vber die prugck cziechenn. Da die
Line: 1753     ritter vnd fuersten ersachenn, daz die prugk so an der kchetten schwanckeltt,
Line: 1754     da besorgtten sy, die kchettenn wuerden prechen vor dem schwaren last der
Line: 1755     pfärdt vnd des harnasch. Da daz ersach Alexander, er was der erst, der an die
Line: 1756     prugck sprange. Da daz sachen die getrewenn kchriechen, daz ir herr Alexander
Line: 1757     vor raytt, da wardt ain soleich gedreng auf der prugken, wann yeder woltt
Line: 1758     nuer der erst sein, daz wunder was, daz die prugckenn nichtt einfiel vnd vil
Line: 1759     stuck zerprach.




Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.