TITUS
Alexanderroman (Johann Hartlieb)
Part No. 65
Previous part

Chapter: 78  
Paragraph: 65  
Alexander zerstört die Euphratbrücken

Line: 1760   Wie Allexander die pruck prechen liess. LXV


Line: 1761     Nun sultt ir wißenn, daz die wazzer ewfrattes vnd tygris rynnen durch daz
Line: 1762     lanndt medeam, mesopotaneam, babiloniam vnd dann so vallen sy in daz gross
Line: 1763     wazzer neylus, daz auch auss dem baradeis rynntt, wann man sagtt vnd list,
Line: 1764     wann die wazzer ober egypptten seindt, so sindt sy groͮss vnd der neylus
Line: 1765     kchlain vnd in egypptten sindt die wazzer alle kchlain vnd vnder egypptten
Line: 1766     werdenn sy wider groͮs. Da nun Alexander vnd alles sein heere komen warenn
Line: 1767     vber daz wazzer ewfrattes, da kcherett Alexander widerumb zu der prugck vnd
Line: 1768     thett die prugck alle abwerffen vnd zerprechen. Da daz erhortten vnd sachenn
Line: 1769     die kchriechenn, sy wuerden vnder inn selber muermeln vnd sprachen:
Line: 1770     'Ob wier nun durch streyttes noͮtt wuerden zu fluchtt gedrungen, so mochtten
Line: 1771     wier yee nichtt gefliechen. Warumb hast du, kunig Alexander, die prugcken
Line: 1772     hayßen prechen vnd abwerffen? Kchumbtt die fluchtt in vns, war sullen wier
Line: 1773     hin fliechen?' Da daz Alexannder erhortt, er sprach: 'O ir werden kchriechen,
Line: 1774     wie vbel habtt ir mich getrost, da ir die fluchtt in ewrem herczen gehabt
Line: 1775     habendt. Ey, wye hiett ich gestrytten, so ir ewch auf die fluchtt gerichtt hett.
Line: 1776     Nun hab ich doch ain getrawenn zu ewch allen, daz ir ee tawßentt mal sturbentt,
Line: 1777     dann daz ir von mier fluchtt, vnd darumb wil ich kainen gelauben
Line: 1778     haben, daz ir auf die fluchtt yee gedachtt hiettendt. Ich ways wol, daz ir von
Line: 1779     mier nichtt fliechett. Ich hab die prugk darumb abgeworffen, daz doch vnnser
Page: 152  Line: 1780     veindt sechen, daz wier nichtt fliechen wellen vnd daz wier mitt in wellen
Line: 1781     vechtten, als die frumen, vnuerczagtten ritter vnd wann dann sy sehen, daz
Line: 1782     wier allain fuer vns denckenn vnd nichtt hindersich, so ergebendt sich allew
Line: 1783     lanndt an vns'.




Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.