TITUS
Alexanderroman (Johann Hartlieb)
Part No. 66
Previous part

Chapter: 79  
Paragraph: 66  
Alexanders Rede an seine Krieger

Line: 1784   Wie Allexander die seinen aber tet trösten. LXVI


Line: 1785     Alexander der weys begundt die seinen also trosten, aber er warff diee prugck
Line: 1786     darumb ab, ob kain czaghaitt in ettleich koͮmen wär, daz sy doch westen, daz
Line: 1787     sy mitt herttem streytt muesten gesygen oder aber schanttleichen nyder ligen,
Line: 1788     wann alle fluchtt wardt in versperrett mitt abwerffen der prugcken. Er sprach
Line: 1789     mer: 'Wer woltt von vns fliechen, wann wais mänigcleich wol, daz der fliechendt
Line: 1790     nymmer ere noch wierdt erlangt. Wer aber nach iaggt, der hatt syge
Line: 1791     vnd hoche ere. Nun seyen wier auss komen, ere vnd syge zuerwerben. Darumb
Line: 1792     sol kain man gedencken an die fluchtt'. Also machett Alexander die
Line: 1793     seinen gar starck vnd vast hocher mannhaitt vnd veriagt von in alle czaghaitt.
Line: 1794     Also sprach Alexander mer: 'Ir strengen ritter, ir kchriechen, sey ynndertt aines
Line: 1795     hercz beschwartt, der geren wider hyme wär, der sag es, den wil ich geren
Line: 1796     reytten laßen vnd reichen soldt von goldt vnd gestain geben, aber die ere des
Line: 1797     syges sol im nichtt geben werden, wann er flewcht von vns'. Nun was die
Line: 1798     prugck abgeworffen, darumbe getorst kainer, sich zu dem wider keren
Line: 1799     gebenn, wann er hiett nichtt durch gemochtt. Daz ersachen die kriechen all vnd
Line: 1800     sprachen mitt ainer stymme: 'Herr Alexander, czewch, war du wildt, so volgen
Line: 1801     wier dier als die deinen getrewen dienner'. Da schwuer Alexander bey
Line: 1802     seinenn gottern, daz er nichtt wider keren woltt, er hett dann aller barbarey
Line: 1803     lanndt geczwungen vnd im gehorsam gemachtt vnd darnach so woltt er erst
Line: 1804     haym mitt frewden vnd großenn sigleichen eeren cziechen.'Darum, liebenn
Line: 1805     ritter, nembtt an ewch mandleich gemuett vnd wenn ir streytten weltt, so
Line: 1806     gedenckt, ir wellett spilen mitt schonen weyben vnd rennett die veindt froleichen
Line: 1807     an, so werdentt sy all fluchttig vnd ewr ellendthaffte hanndt wierdt zu
Line: 1808     aller czeitt gesygen'.




Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.