TITUS
Alexanderroman (Johann Hartlieb)
Part No. 67
Previous part

Chapter: 83  
Paragraph: 67  
Ein persischer Ritter versucht Alexander zu ermorden
Page: 153 

Line: 1809   Wie ain ritter aus persia wolt Allexandrum ermordet haben. LXVII


Line: 1810     Nun lagen auch auf dem wazzer tygris, nichtt verr von Alexandro, funff
Line: 1811     groͮßer hawbtman kunigs Dary, die hetten bey in gar vil guetter vnd starcker
Line: 1812     ritter. Vnder den was ainer, der was fraydig vnd seinem herren, dem kunig
Line: 1813     Dario, gar getrewe. Der wappentt sich mitt kchlaydern vnd harnasch als ain
Line: 1814     kchriech von macedo. Der verparg sich des nachttes vnd raytt vnder Alexanders
Line: 1815     heere. Nyemandt erkanntt in, darumb raytt er, wo er woltt vnd sy all
Line: 1816     westenn nichtt anders, dann daz er ain kchriech wär. Er fueget sich in den
Line: 1817     hawffen Alexanders vnd hett in seinem synne, daz er Alexandrum erschlagen
Line: 1818     woltt haben. Darumb woltt im kunig Darius sein tochtter Roxam geben haben
Line: 1819     vnd czechen kunigkreich darczue. Darumb wagtt er daz leben so herttigcleich.
Line: 1820     Als nun Alexanders heere mitt der groͮzzen machtt Dary bestreytten woltt, die
Line: 1821     hetten funff großer haubtman, die all beraytt zu streytt auf daz heer Alexanders
Line: 1822     ritten. Vnd da der streytt vermischett wardt vnd die hawffen gross gedreng
Line: 1823     hetten, da raytt der perss, der in kchriechisch gewandt gecklaydet was, albeg
Line: 1824     nach Alexandro, vnd da er sach, daz im Alexander den rugcken kerett hett vnd
Line: 1825     mitt ainem perßen gar mändleichen straytt, da raytt der vorgenantt vercklaydet
Line: 1826     perss hinden auf Alexandrum vnd schlueg auf in mitt groͮzzenn schlegen so
Line: 1827     grym vnd vast, daz er in wundett durch seinen helm. Daz ersachen behenndt
Line: 1828     die getrewen kchriechen, diee vielen an in mitt kchrefften vnd viengen den
Line: 1829     selben verkertten man vnd fuertten in fuer den kunig Alexander. Da sprach
Line: 1830     Alexander zu im: 'O du vngetrewer kchriech, wa hast du dein trew gethan?
Line: 1831     Wie schad ist, daz du so ellenndthaffte hanndt vnd so ain vngetrew hercz hast.
Line: 1832     Warumb wolltest du mich totten? Nun hab ich doch nyee anders, dann aller
Line: 1833     kchryechen ere vnd wyerde gesuechtt'. Der perss von barbarya lanndt sprach:
Line: 1834     'Du soltt wißenn, daz ich kayn kchriech pin, in pin ain perss aus barbaria vnd
Line: 1835     ich hab versprochen, ich well dein hawbtt pringen dem kunig Dario, wann er
Line: 1836     hatt mier darumb zu der ee gelobtt sein tochtter vnd viel kunigkleicher lanndt.
Line: 1837     Seydt nun daz gefaltt hatt, so thue mier, wie du wiltt, wann ich hab mein trew
Line: 1838     noch manhaitt nichtt czerprochenn. Wann gelaub, daz ich gancz getrawen hett,
Line: 1839     ich woltt dein hawbtt prachtt haben; so siech ich, daz du mer syges vnd
Line: 1840     geluckes dann ich hab hast'.




Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.