TITUS
Ulrich von Eschenbach, Alexander
Part No. 42
Previous part

Chapter: 44  
Zweikampf am Grânicus


Verse: 5615       under des dô daʒ geschach,
Verse: 5616    Mennôn man ûf der verte sach.

Verse: 5617    der Darîân wolde wiʒʒen
Verse: 5618    welich ritterschaft sich vliʒʒen

Verse: 5619    die mit den Kriechen wâren komen.
Verse: 5620    ich hân die rede alsô vernomen

Verse: 5621    daʒ der werde Permêniô,
Verse: 5622    des gemüete stunt gegen strîte hô,

Verse: 5623    an den selben zîten
Verse: 5624    durch âventiure wolde rîten

Verse: 5625    und durch strît, den er suochte;
Verse: 5626    ob ieman des geruochte

Verse: 5627    und ob ieman wær in tjoste ger,
Verse: 5628    er wolde sîn des veste wer.

Verse: 5629       Er was vil rehte ûf der vart,
Verse: 5630    die ouch gegen im niht het gespart

Verse: 5631    der unverzagte Mennôn.
Verse: 5632    bî dem waʒʒer Grânicôn

Verse: 5633    was der fürste erbeiʒet.
Verse: 5634    der dô Permêniô heiʒet

Verse: 5635    der sach dis banier hôh sweben,
Verse: 5636    dar inne des keisers zeichen sweben:

Verse: 5637    einen goltvarwen trachen
Verse: 5638    von rîcher koste sachen,

Verse: 5639    vor dem gesmogen lac ein ar.
Verse: 5640    Permêniô nam des eben war

Verse: 5641    daʒ eʒ der vînde zeichen was.
Verse: 5642    sîn ors stunt vor im ûf dem gras,

Verse: 5643    dem er selbe gurte baʒ.
Verse: 5644    dar ûf der unverzagte saʒ.

Verse: 5645    sîn volc hieʒ er dâ biten.
Verse: 5646    aleine wolt er rîten

Verse: 5647    ervarn die mære,
Verse: 5648    wer der hêrre wære.

Verse: 5649    sîn herze was in strîtes ger.
Verse: 5650    in sîner hant fuort er ein sper

Verse: 5651    starc, dem was der schaft ein rôr,
Verse: 5652    vor dem îsen swebt enbor

Verse: 5653    in grüener varwe ein cleiner van,
Verse: 5654    dâ sach man entworfen an

Verse: 5655    ein cleineʒ wîbes bilde;
Verse: 5656    man kôs dar an sîn milde,

Verse: 5657    der er durch wîp wolde phlegen
Verse: 5658    durch die sich missetât bewegen.

Verse: 5659    den trachen er vast an kapfte.
Verse: 5660    mit siten er gegen dem stapfte.

Verse: 5661    nû sach er gegen im komen her
Verse: 5662    der was ouch in der selben ger,

Verse: 5663    daʒ er prîs wolt bejagen.
Verse: 5664    er reit niht glîch eime zagen,

Verse: 5665    er erhuop sich manheit unde craft.
Verse: 5666    im fuort bî einen swæren schaft

Verse: 5667    ein cleiner knappe niht ze grôz:
Verse: 5668    gestalter scherphe die lanze gnôz.

Verse: 5669    dem kinde der hêrre vor reit.
Verse: 5670    als mir die âventiure seit,

Verse: 5671    sîn wâpenroc, sîn covertiur
Verse: 5672    von golde gleste als ein fiur.

Verse: 5673    sîn ahsel ein tiur borte bevienc,
Verse: 5674    dar an ein niuwer schilt hienc;

Verse: 5675    in lâzûr ein guldîn ar
Verse: 5676    was ûf den schilt entworfen dar.

Verse: 5677    ûf ein buckel was geslagen
Verse: 5678    von rîcher kost, ich hôrte sagen

Verse: 5679    wie die von gesteine erlûhte,
Verse: 5680    daʒ Permêniôn des dûhte

Verse: 5681    wie sie vor rœte brunne
Verse: 5682    und erschine ein ander sunne.

Verse: 5683    alsô het ir mit rîcher kost
Verse: 5684    erdâht die in von zagheit lôst,

Verse: 5685    sîn wîp, ein herzoginne,
Verse: 5686    die im bôt süeʒe minne.

Verse: 5687    ich muoʒ mêr sîner schônheit jehen.
Verse: 5688    ûf sîme helme sach man brehen

Verse: 5689    von gesteine rîch zimirde.
Verse: 5690    in heten in hôher wirde

Verse: 5691    in mangen landen süeʒe wîp,
Verse: 5692    die alsô zierten sînen lîp.

Verse: 5693    der cleinôt er dâ fuorte,
Verse: 5694    des herze nie beruorte

Verse: 5695    zageheit noch schanden crac
Verse: 5696    an im vil hôhes prîses lac.

Verse: 5697    von dem werden gâhen
Verse: 5698    wârn sie einander nâhen.

Verse: 5699    dô wart verbunden alzehant.
Verse: 5700    Mennôn sîn sper nam in die hant.

Verse: 5701    den orsen sie gehancten,
Verse: 5702    gelîch sie beide sancten,

Verse: 5703    die ors mit hurte wurden getriben.
Verse: 5704    ob ir sper ganz beliben?

Verse: 5705    nein, Mennôns wart zerbrochen.
Verse: 5706    mit dem ganzen er wart gestochen,

Verse: 5707    daʒ er vallens muoste phlegen.
Verse: 5708    sust kund in ûf den anger legen

Verse: 5709    Permêniô und ûf daʒ gras,
Verse: 5710    daʒ mit bluomen gemischet was.

Verse: 5711    ir beider tjost alsô geschach,
Verse: 5712    daʒ ir dehein nie wort gesprach.

Verse: 5713       Dem dâ sitzens was verzigen,
Verse: 5714    den lieʒ Permêniô alsô ligen,

Verse: 5715    daʒ er ninder gegen im sach,
Verse: 5716    wie im doch prîs an im geschach.

Verse: 5717    alsô reit der werde man
Verse: 5718    wider gegen den sînen dan.

Verse: 5719    dô Mennôn kam ze sinnen,
Verse: 5720    er sprach 'ist er von hinnen,

Verse: 5721    des hant hie prîs hât erholt?
Verse: 5722    unsanfte daʒ mîn herze dolt

Verse: 5723    daʒ mir verborgen ist sîn nam.
Verse: 5724    ich verclagte schaden unde scham,

Verse: 5725    die von dem helde mir ist geschehen,
Verse: 5726    het er mir sînes namen verjehen.

Verse: 5727    wie was im von mir sô gâch?
Verse: 5728    ôwê, daʒ er niht wider mich sprach.

Verse: 5729    ich wæne eʒ im versmâhte,
Verse: 5730    daʒ er von mir gâhte.

Verse: 5731    ich hân des unverdroʒʒen
Verse: 5732    tugende wol genoʒʒen,

Verse: 5733    dô er prîs an mir bezalt.
Verse: 5734    nû het er über mich gewalt,

Verse: 5735    er moht mich scheiden von dem leben,
Verse: 5736    sîn triwe mich tôdes hât begeben.'

Verse: 5737    daʒ kint sprach 'ir mugt eʒ loben,
Verse: 5738    ob ir niht kunt an sinnen toben,

Verse: 5739    daʒ er sô hinnen kêrte
Verse: 5740    und iuch niht sterben lêrte.'

Verse: 5741    sîn ors er bî dem kinde sach,
Verse: 5742    dar ûf er sitzens im verjach.

Verse: 5743    er kêrte gegen den sînen,
Verse: 5744    dâ er den trachen sach erschînen.

Verse: 5745    ob im unprîs was geschehen,
Verse: 5746    im heten doch prîses vil verjehen

Verse: 5747    die er von kraft gewalde
Verse: 5748    vor an tjoste valde.

Verse: 5749    er was dar umbe niht verzagt.
Verse: 5750    die âventiure mêr mir sagt.

Verse: 5751    bî Grânicôn rûmt er den plân,
Verse: 5752    er huop sich gegen dem keiser dan:

Verse: 5753    dem brâht er die mære
Verse: 5754    wie im gelungen wære.




Next part


This text is part of the TITUS edition of Ulrich von Eschenbach, Alexander.

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.