TITUS
Ulrich von Eschenbach, Alexander
Part No. 43
Previous part

Chapter: 44a  
Mennôn berichtet Darius


Verse: 5755       Der keiser sprach 'maht du mir jehen,
Verse: 5756    hâst du sîne craft gesehen

Verse: 5757    und sînes heres genomen war?'
Verse: 5758    'daʒ verswîge ich iu gar'

Verse: 5759    sprach der fürste Mennôn.
Verse: 5760    'in der ouwe bî Grânicôn

Verse: 5761    ich mit mînen liuten lac.
Verse: 5762    aleine ich rîtens mich bewac,

Verse: 5763    mit mir ein kint, daʒ fuort mîn sper
Verse: 5764    ich sach gegen mir leisieren her

Verse: 5765    einen helt dem wunsche gelîche.
Verse: 5766    sîn harnasch daʒ was rîche.

Verse: 5767    sînes gevertes mich bevilde.
Verse: 5768    ein schœneʒ frowenbilde

Verse: 5769    in der hant er fuorte.
Verse: 5770    vaste er ûf mich ruorte.

Verse: 5771    er fuorte ein swære lanze.
Verse: 5772    unser beider tjoste schanze

Verse: 5773    der unverzagte widerlegte,
Verse: 5774    mit tjost gewalt er mich bewegte,

Verse: 5775    daʒ ich sitzens verzêch,
Verse: 5776    bluomen ze bette er mir verlêch.

Verse: 5777    dar ûfe er mich ligen lieʒ.
Verse: 5778    mêr smâheit er mir gehieʒ.

Verse: 5779    der helt alsô von mir reit,
Verse: 5780    daʒ mich sîn rede gar vermeit.

Verse: 5781    ichn weiʒ wer er ist oder war er kam,
Verse: 5782    des hant mir prîs aldâ benam.

Verse: 5783    er gebârte die gelîche,
Verse: 5784    als ob im tegelîche

Verse: 5785    drîzecstunt geschæhe die êre.
Verse: 5786    waʒ sol ich iu sagen mêre?

Verse: 5787    hât Alexander solicher ritter vil,
Verse: 5788    er mac wol uoben strîtes spil.

Verse: 5789    dar umbe ich wil doch niht verzagen,
Verse: 5790    ich mac dô prîs noch wol bejagen.'




Next part


This text is part of the TITUS edition of Ulrich von Eschenbach, Alexander.

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.