TITUS
Ulrich von Eschenbach, Alexander
Part No. 44
Previous part

Chapter: 47  
Darius bereitet sein Heer vor


Verse: 5791       Dô Darîus vernam dise wort,
Verse: 5792    die er doch ungerne hôrt,

Verse: 5793    zacheit er von im warf,
Verse: 5794    der man in strîte niht bedarf.

Verse: 5795    vil fürsten wâren im nû komen,
Verse: 5796    die sîn gebot heten vernomen,

Verse: 5797    der ietslîcher im helfe bôt
Verse: 5798    und bî gestên bî sîner nôt.

Verse: 5799    er hete liute alsô vil,
Verse: 5800    der zal ich iu verswîgen wil,

Verse: 5801    wann ich ir ahte niht enweiʒ.
Verse: 5802    Darîus hieʒ machen einen kreiʒ,

Verse: 5803    als der rîche Xerses tet,
Verse: 5804    wann der dâ vor hervart het.

Verse: 5805    dô man gevarn het den graben,
Verse: 5806    daʒ volc muost sich dar in haben,

Verse: 5807    ietslîcher mit einem phîle,
Verse: 5808    dar ûʒ sich kunden an der wîle.

Verse: 5809    alsô er der werden zal bevant,
Verse: 5810    die im ze dienste wârn benant.

Verse: 5811    ir kunden alsô werte
Verse: 5812    unz daʒ die sunne gerte

Verse: 5813    daʒ sie ze gemache wolde gân.
Verse: 5814    er tet als der wîse man,

Verse: 5815    der sîne schefel überal
Verse: 5816    ûʒ und în trîbet mit der zal,

Verse: 5817    die er niht gerne verliuset
Verse: 5818    und ungerne schaden kiuset:

Verse: 5819    ob ir ein bœser hirte phliget,
Verse: 5820    an dem gnuoc schaden liget;

Verse: 5821    bî dem der wolf sie bücket
Verse: 5822    und in sîn heimelich zücket




Next part


This text is part of the TITUS edition of Ulrich von Eschenbach, Alexander.

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.