TITUS
Ulrich von Eschenbach, Alexander
Part No. 46
Previous part

Chapter: 67a  
Alexander erobert Sardîn


Verse: 5879       gegen Sardîn Alexander fuor.
Verse: 5880    Gwalthers getihte mir sô swuor,

Verse: 5881    die stat wunnenclîchen lac,
Verse: 5882    gegen der er dâ strîtes phlac.

Verse: 5883    zwischen den meren beiden
Verse: 5884    waʒ Sardîn veste bescheiden:

Verse: 5885    von einem mer in daʒ ander vlôʒ
Verse: 5886    ein waʒʒer, des ouch die stat genôʒ:

Verse: 5887    gnuoc liuten ist eʒ dort bekant,
Verse: 5888    Sangâr ist eʒ noch genant.

Verse: 5889    die stat phlac rîches hordes,
Verse: 5890    die alten nanten sie Kordes.

Verse: 5891    bî Elles ponticam dem mer
Verse: 5892    lac Alexander mit her.

Verse: 5893    Sardîn gewan er mit gewalt.
Verse: 5894    grôʒ mort dar inne wart gestalt.

Verse: 5895    dô ergienc doch strîtes vil,
Verse: 5896    des ich durch kurz niht sagen wil.

Verse: 5897    ein schœneʒ hûs vant er aldâ,
Verse: 5898    daʒ der rîche künc Mîdâ

Verse: 5899    hete gebiuwen sîme got,
Verse: 5900    dar inne er im êre bôt.

Verse: 5901    daʒ hûs was von rîcher kost.
Verse: 5902    Mîdâ fröiden was erlôst,

Verse: 5903    dar umb in sîner tage bevilt:
Verse: 5904    im wâren esels ôren gezilt.




Next part


This text is part of the TITUS edition of Ulrich von Eschenbach, Alexander.

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.