TITUS
Ulrich von Eschenbach, Alexander
Part No. 47
Previous part

Chapter: 67  
Der gordische Knoten


Verse: 5905       Alexander kam gegangen
Verse: 5906    in den tempel. dâ vant er hangen

Verse: 5907    ein knoten an einem ricke
Verse: 5908    von seltsænem stricke,

Verse: 5909    als des ein wîssage hete erdâht,
Verse: 5910    der in mit kunst dar hete brâht.

Verse: 5911    den knoten er dicke besach,
Verse: 5912    dâ bî ein schrift im verjach,

Verse: 5913    wes hant den knoten lôste,
Verse: 5914    daʒ der wurde der hôste

Verse: 5915    und vogt aller lande.
Verse: 5916    nû traht er manger hande

Verse: 5917    waʒ im dâ zuo tohte
Verse: 5918    daʒ er den knoten lœsen mohte.

Verse: 5919    der stric im wol behagte.
Verse: 5920    sînen fürsten er sagte,

Verse: 5921    er sprach 'râtent mir dar zuo
Verse: 5922    wie ich den stric ûf getuo.'

Verse: 5923    den er dicke umbe kêrte,
Verse: 5924    sorge sich an im mêrte.

Verse: 5925    aber sprach Alexander
Verse: 5926    'ist niht eineʒ als daʒ ander,

Verse: 5927    wirt er von mînem swerte entrant,
Verse: 5928    als ob ich in lôste mit der hant?'

Verse: 5929    dâ mit daʒ swert er ructe,
Verse: 5930    mit vollem slage dructe

Verse: 5931    er den knoten, daʒ er zerfuor,
Verse: 5932    dâ bleip niht hangen wan die snuor.

Verse: 5933    die sîne wurden gemeine vrô,
Verse: 5934    dô der edele Macedô

Verse: 5935    den stric sô menlich lôste,
Verse: 5936    daʒ brâht sie ze guotem trôste.

Verse: 5937    an daʒ gelücke er sich verlieʒ
Verse: 5938    daʒ im mit sælde hilfe stieʒ.

Verse: 5939    der wîssage hete des verjehen niht
Verse: 5940    daʒ man mit sô getâner geschiht

Verse: 5941    den knoten solde enpinden,
Verse: 5942    mit der lant solt man in ûf winden;

Verse: 5943    wann daʒ dem hêrren was sælde bî,
Verse: 5944    ich wær niht zwîvels umb in vrî

Verse: 5945    und wolde sorge umb in niht sparn,
Verse: 5946    er het niht reht aldâ gevarn.

Verse: 5947    waʒ liute bî lîbe dô was bliben,
Verse: 5948    sîn gewalt und vorhte die dar zuo triben,

Verse: 5949    daʒ sie im lobten sîn bereit.
Verse: 5950    bî Jovî wart gesworn der eit.

Verse: 5951    im bôt sich zinshaft daʒ lant,
Verse: 5952    daʒ des jungen fürsten hant

Verse: 5953    von den lanthêrren enphienc.



Next part


This text is part of the TITUS edition of Ulrich von Eschenbach, Alexander.

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.