TITUS
Alexanderroman (Wernigeroder Handschrift)
Part No. 49
Previous part

Chapter: 78  
Überquerung des Eufrates


Verse: 1851    Der manlich Allexander
Verse: 1852    Tet die wider kër:

Verse: 1853    Er begund gaüchen
Verse: 1854    Zu Dario nachen.

Verse: 1855    Also zoch der Macedos
Verse: 1856    An daz waßer Eufrates:

Verse: 1857    Da slüg er auf die gezelt sein.
Verse: 1858    Da flügent die panyer vein,

Verse: 1859    Daz ez weit erhall.
Verse: 1860    Daz waß er nit small

Verse: 1861    Waz, wann ez waz weit,
Verse: 1862    So daz mann zu kainer zeit

Verse: 1863    Dor uber möcht, man het dann
Verse: 1864    Schieff oder prücken.

Verse: 1865    Allexander der reych
Verse: 1866    Hiez besenden snellicleich

Verse: 1867    Maister uber allew land,
Verse: 1868    Die zu solhem werk gewönt

Verse: 1869    Wernd: die komen dar
Verse: 1870    Und beraiten snellicleich gar

Verse: 1871    Vest und auch wöl,
Verse: 1872    Als man pilleich söl,

Verse: 1873    Die pruk, und scheff vil
Verse: 1874    Ward berait in kürczem zil.

Verse: 1875    Da ez allez waz berait,
Verse: 1876    Dez frewet sich der held gemait.

Verse: 1877    Dez morgens vil frü
Verse: 1878    Hiez er daz volk zü

Verse: 1879    Zychen und uber farn.
Verse: 1880    Da wolt sich nymmant sparn.

Verse: 1881    Der fürst hie dyshalb belaib
Verse: 1882    Pizz er sie alle traib

Verse: 1883    Hin uber den flüt.
Verse: 1884    Dez frewet sich der güt

Verse: 1885    Daz daz volk alles sampt
Verse: 1886    Köm hin uber an den sant.

Verse: 1887    Der künig ze stund hiezz
Verse: 1888    Daz mann die prük stiezz

Verse: 1889    In daz waßer ze tal,
Verse: 1890    Und die scheff alle ze mal

Verse: 1891    Sencken an den grünt.
Verse: 1892    Da sprachen an der stund

Verse: 1893    Die fursten zu im:
Verse: 1894    'Her, du vernym.

Verse: 1895    Ez dunkt uns all nit güt
Verse: 1896    Daz du also in den flüt

Verse: 1897    Stößest scheff und prük.
Verse: 1898    Und wer daz wir ze rük

Verse: 1899    Von nöt müsten eyllen,
Verse: 1900    So müst wir verquilen

Verse: 1901    Vor den veinden ze töd.'
Verse: 1902    Er sprach: 'wir sullend kain nöt

Verse: 1903    Haben auf flücht:
Verse: 1904    Ez sol aller unser güht

Verse: 1905    Sein auf für sich gachen
Verse: 1906    Und den veinden nachen.

Verse: 1907    Wend ir all manlich
Verse: 1908    Sein, so gedenkt für sich,

Verse: 1909    Und kainer nit zu rück.
Verse: 1910    Dar umb hann ich die prük

Verse: 1911    Haißen versencken,
Verse: 1912    Und sullen anders gedencken

Verse: 1913    Nit dann erlich sterben
Verse: 1914    Und ritterlich verderben,

Verse: 1915    Oder daz die Persyan
Verse: 1916    Uns all werden undertann:

Verse: 1917    Dann so müg wir mit gemach
Verse: 1918    Haim zu dem obedach

Verse: 1919    Ziehen frölich.'
Verse: 1920    Also sprach der tügentlich.




Next part


This text is part of the TITUS edition of Alexanderroman (Wernigeroder Handschrift).

Copyright TITUS Project, Frankfurt a/M, 9.2.2010. No parts of this document may be republished in any form without prior permission by the copyright holder.