TITUS
Alexanderroman (Wernigeroder Handschrift)
Part No. 94
Previous part

Chapter: 220a  
Schnee im Gebirge


Verse: 4050    Er hiez sich aber an die vart

Verse: 4051    Berayten und zoch dann
Verse: 4052    Zwainczig meil, uncz er köm

Verse: 4053    In ain tal daz nit gar weit
Verse: 4054    Waz. on der selben zeit

Verse: 4055    Hiez Allexander ze hant
Verse: 4056    Daz man die fewͤr enbrant.

Verse: 4057    Ze stund begünd vallen
Verse: 4058    In dem gepirg allen

Verse: 4059    Ain ungehewrer großer snee,
Verse: 4060    Der vich und leuten tet we.

Verse: 4061    Dar nach köm ain warmer lüft,
Verse: 4062    Der den sne und den tüft

Verse: 4063    Mit regen machet fliezzen,
Verse: 4064    Daz auz den pergen gießen

Verse: 4065    Begunden waßer all ze mäl.
Verse: 4066    Der regen snaid reht als ain sträl

Verse: 4067    Und tet leuten und fich
Verse: 4068    Ungemaches vil. ich sprich

Verse: 4069    Daz sie in den sorgen
Verse: 4070    Warnd drey morgen

Verse: 4071    Und drey naht dar zü,
Verse: 4072    Daz sie nÿ gewünen rü,

Verse: 4073    So daz fünf hundert ritter
Verse: 4074    Verdurbent von der pitter

Verse: 4075    Nöt und dem waßer.
Verse: 4076    Allexander nit da lazzer

Verse: 4077    Hiez den göttern bringen
Verse: 4078    Opffer und in singen

Verse: 4079    Lob und piten sie
Verse: 4080    Daz sie im hulffen hie.

Verse: 4081    Daz geschach do ze stünd.



Next part


This text is part of the TITUS edition of Alexanderroman (Wernigeroder Handschrift).

Copyright TITUS Project, Frankfurt a/M, 9.2.2010. No parts of this document may be republished in any form without prior permission by the copyright holder.