TITUS
Alexanderroman (Wernigeroder Handschrift)
Part No. 122
Previous part

Chapter: 285  
Alexanders Ermordung


Verse: 5997    Ayn fürst waz in Macedo,
Verse: 5998    Antipater hiez er do.

Verse: 5999    Der trüg Allexandro häzz,
Verse: 6000    Ich waiz nit war umb ez waz.

Verse: 6001    Er het lang her gedaht
Verse: 6002    Wie Allexander gebraht

Verse: 6003    Von im von dem leben würd.
Verse: 6004    Ez waz im ain swerew pürd,

Verse: 6005    Ob er zu Kriechen köm,
Verse: 6006    Vil leiht er im daz leben nem.

Verse: 6007    Dar umb gieng er zu hant
Verse: 6008    Da er ain arczat vand,

Verse: 6009    Und pat den daz er im ain trank
Verse: 6010    Macht von dem nymmant lank

Verse: 6011    Moht daz leben hann.
Verse: 6012    Daz ward zu hant getan.

Verse: 6013    Er nam in ainer gehaim
Verse: 6014    Cassandrum mit im haim,

Verse: 6015    Der sein sün do waz.
Verse: 6016    Er sprach zu im: 'ich sag dir daz:

Verse: 6017    Ist daz Allexander
Verse: 6018    Kompt in dicz land her,

Verse: 6019    Er tut uns verderben,
Verse: 6020    An land und leut enterben.

Verse: 6021    Nü ist peßer vil daz der
Verse: 6022    Yn die grüb vall die er

Verse: 6023    Uns allen gemachet hat.
Verse: 6024    Dar umb so volg meinem rat,

Verse: 6025    Für dicz trank in Babilon,
Verse: 6026    Bring ez meinem prüder Joban,'

Verse: 6027    Der Allexanders schenk waz
Verse: 6028    Und trüg im haz umb daz

Verse: 6029    Er in aines mals slüg
Verse: 6030    Umb süst, daz er im nit vertrüg.

Verse: 6031    Er tet als in der vater hiez.
Verse: 6032    Von dannen schied der fyezz

Verse: 6033    Und kom da hin gen Babilon.
Verse: 6034    Do het der edel künig frön

Verse: 6035    Gepoten und haißen rüffen
Verse: 6036    In allem land und güffen

Verse: 6037    Allen fürsten und herren,
Verse: 6038    Ritter, knehten, wer mëren

Verse: 6039    Wolt dem künig sein lob,
Verse: 6040    Daz er köm öne töb

Verse: 6041    Auf ainen tag gen Babilon.
Verse: 6042    Daz geschach da vil schön.

Verse: 6043    Der künig der saz auf seinen trön:
Verse: 6044    Von stain und gold ain edel krön

Verse: 6045    Saczt er auf das haubt sein.
Verse: 6046    Er sprach: 'man sol die künigein

Verse: 6047    Auch komen haißen her,
Verse: 6048    Daz ist mein müt und mein ger.

Verse: 6049    Als er gebot, daz geschach.
Verse: 6050    Rosane die künigin man sach

Verse: 6051    Mit vil fürsten und herren
Verse: 6052    Zu dem künig këren,

Verse: 6053    Auf yrem haubt ain kron vein
Verse: 6054    Von smaragd und rübein,

Verse: 6055    Dar under sie waz clüg,
Verse: 6056    Künigleich gewant sie an trüg,

Verse: 6057    Dor auß schain ir värbe röt
Verse: 6058    Als ain rös ünd fiöl tüt.

Verse: 6059    Ir schon waz uber all möß,
Verse: 6060    Do von ich hie abe löz

Verse: 6061    Ze sagen, wan ez wer ze vil,
Verse: 6062    Wolt ich ir schon auf ain zil

Verse: 6063    Mit worten gar dürch gründen.
Verse: 6064    Der künig hiez sie ze stünden

Verse: 6065    Siczen zu der wirtschaft nider.
Verse: 6066    Fürsten, herren, die auch sieder

Verse: 6067    Dürch den künig warn dar
Verse: 6068    Komen, die saßend gar.

Verse: 6069    Da waz frëud ain uber last,
Verse: 6070    Nymwant da nichcz gebrast.

Verse: 6071    Der künig waz auch mit in frö.
Verse: 6072    Da geriet dem pöswiht do,

Verse: 6073    Jobas, der dez künigs schenk
Verse: 6074    Waz, daz er dor noch sein denk

Verse: 6075    Wannt als ain poser man
Verse: 6076    Wie er ez solt heben an

Verse: 6077    Daz er dem künig meht geben
Verse: 6078    Ain trank da mit er daz leben

Verse: 6079    Enden müst gar snelliclich.
Verse: 6080    Ze trincken pat er sicherlich:

Verse: 6081    Daz ward pald da getan.
Verse: 6082    Jobas sach man her gan

Verse: 6083    Mit ainem köpf guldein,
Verse: 6084    Dar ynn er guten wein

Verse: 6085    Trüg, und het under dem nagel sein
Verse: 6086    Verpörgen gar die venein:

Verse: 6087    Die mischet er ze hant
Verse: 6088    Und pot dem herren mit der hant

Verse: 6089    Ze trincken, als Judas tet
Verse: 6090    Da er Cristüm veriet.

Verse: 6091    Der schalk hub sich von dann.
Verse: 6092    Der künig trawren began,

Verse: 6093    Wann er an im wol enpfand
Verse: 6094    Daz sein natür verwand

Verse: 6095    Waz, und sprach also:
Verse: 6096    'Ich kan nymmer werden frö:

Verse: 6097    Mir hat gift erstochen
Verse: 6098    Daz hercz. waz hat gerochen

Verse: 6099    Diser poser man?
Verse: 6100    Zwar ez hat getan

Verse: 6101    Antipater mein knëht.
Verse: 6102    Ez ist sicherlichen reht

Verse: 6103    Daz man lang gesprochen hat:
Verse: 6104    Wer sich selber ze vast lat

Verse: 6105    An seinen kneht und sein man,
Verse: 6106    Dem mag wol miße gan

Verse: 6107    An leib und an güt.
Verse: 6108    Sie habent alle nit rehten müt,

Verse: 6109    Daz anch wol erschain
Verse: 6110    An Dario dem künig rain,

Verse: 6111    Der von den seinen erslagen
Verse: 6112    Ward. ich müß clägen

Verse: 6113    Daz ich also sterben
Verse: 6114    Müß und auch verderben.'

Verse: 6115    Von dem tysch er gieng:
Verse: 6116    Under die arme in enpfing

Verse: 6117    Die fürsten und die herren.
Verse: 6118    Yr lait daz müst sich merren

Verse: 6119    Umb Allexander den künig reich.
Verse: 6120    Sie trugent in clegleich

Verse: 6121    Mit jamer an sein pet.
Verse: 6122    Ir freud ward da wëtt,

Verse: 6123    Wann er begund swachen.
Verse: 6124    Daz sach man an den sachen:

Verse: 6125    Sein leib ward grün als ain gräzz,
Verse: 6126    Daz im ain zaichen waz

Verse: 6127    Dez todez und der kranckheit.
Verse: 6128    Der künig sprach auz großem laid:

Verse: 6129    'Hayß mir ain veder bringen!
Verse: 6130    Ich hon noch gedingen,

Verse: 6131    Möht ich vinden ainen fünd
Verse: 6132    Daz die gifft auz meinem münd

Verse: 6133    Möht komen, daz wer mir güt.
Verse: 6134    Köm von mir der unflot,

Verse: 6135    So möht ich genesen wol.'
Verse: 6136    Ainer sprach: 'daz sol

Verse: 6137    Sein.' Cassander er hiez.
Verse: 6138    In die gifft er do stiez

Verse: 6139    Die veder und pot im sie dar.
Verse: 6140    O we, wie torst er ye so gar

Verse: 6141    Getün ain mort so grözz !
Verse: 6142    Da er in die keln schözz

Verse: 6143    Die veder, da mit ward er
Verse: 6144    Vergiftet dannoch mer

Verse: 6145    Dan er vor da waz.
Verse: 6146    Die künigin köm hörnd daz,

Verse: 6147    Sie wainet und clagt ser.
Verse: 6148    Da sprach Allexander:

Verse: 6149    'Mit tut so we die gifft
Verse: 6150    Daz ich mag haben kain gestifft.

Verse: 6151    Ez wer peßer vil daz ich
Verse: 6152    In dem wazzer ertrancket mich,

Verse: 6153    E ich so lang den smerczen
Verse: 6154    Lied an meinem herczen.'

Verse: 6155    'Nain,' sprach daz selig weib,
Verse: 6156    'Er die fruht die mein leib

Verse: 6157    Tret, und tu nit also !
Verse: 6158    Wie moht ich ymmer werden frö,

Verse: 6159    Daz ich dich also verlür!
Verse: 6160    Dar umb solhen sin verkür !

Verse: 6161    Dünkt dich, her, daz dein leben
Verse: 6162    Müß so kürczlich end geben,

Verse: 6163    Bedenk wie du laßest mich.
Verse: 6164    Her, dez pit ich ymmer dich.'

Verse: 6165    Allexander der weygant
Verse: 6166    Hiezz daz man dar besant

Verse: 6167    Die fürsten all geleich,
Verse: 6168    Die warn in dem reych,

Verse: 6169    Und ainen schreyber,
Verse: 6170    Symo so hiez er.

Verse: 6171    Er sprach: 'O lieben freünd mein,
Verse: 6172    Als ir mit mir oft in pein

Verse: 6173    Und nöten sind gewesen,
Verse: 6174    Ich het euch auß erlesen

Verse: 6175    Von allen die ich ye gesach.
Verse: 6176    Yr habend mit mir laid und gemach

Verse: 6177    Oft und dik erlieden vil:
Verse: 6178    Dez mag ich nü an disem zil

Verse: 6179    Euch laider nit gedancken.
Verse: 6180    Doch wil ich on wancken

Verse: 6181    Euch enpfelchen leut und land
Verse: 6182    Nach dem als ez mein hand

Verse: 6183    Hat erfohten herticlich.
Verse: 6184    Da mit wil beschaiden ich

Verse: 6185    Euch dez pesten so ich kan.
Verse: 6186    Schreiber, nü heb an

Verse: 6187    Und schreyb zu dem ersten vil gewiß,
Verse: 6188    Mein maister Aristotilis,

Verse: 6189    Daz er den schacz den ich
Verse: 6190    Ym enpfalch, so trewlich

Verse: 6191    Tayl in Egipten land
Verse: 6192    Den priestern die da hand

Verse: 6193    In dem tempeln daz ampt
Verse: 6194    Daz sie dient alle sampt

Verse: 6195    Got, daz sie auch denckent mein
Verse: 6196    So ich hie nit sul sein.

Verse: 6197    Dar zu enpfilch ich trewlich
Verse: 6198    Euch fursten allen gleich,

Verse: 6199    Wann Rösane die künigein
Verse: 6200    Gepern werd ain kindlein,

Verse: 6201    Ist daz ez sey ain knab,
Verse: 6202    So land von im nit ab,

Verse: 6203    Helft im daz er besicz
Verse: 6204    Sein erb, piz daz er wicz

Verse: 6205    Von im selber müg gehaben:
Verse: 6206    Und lat euch den knaben

Verse: 6207    Enpfolhen sein, als ich
Verse: 6208    Euch dez getraw sicherlich.

Verse: 6209    Wirt ez aber ain magt,
Verse: 6210    Ich pit daz ir bejagt

Verse: 6211    Daz sie zu Kriechen künigein
Verse: 6212    Werd: daz ist der wil mein.

Verse: 6213    Ich sag euch, merckent daz,
Verse: 6214    Der edel Ysyas

Verse: 6215    Sol sie zu weib nemmen
Verse: 6216    So die zeit geczemme.'

Verse: 6217    Er schüf mer alsüs:
Verse: 6218    'Ez sol Pertholomeus

Verse: 6219    Zu Egypten tragen krön:
Verse: 6220    Daz hat er verdinet schon

Verse: 6221    Mit seiner ritterlichen hant.
Verse: 6222    Dar zu India daz lant

Verse: 6223    Sol im diennen gewalticlich.
Verse: 6224    Auch ist mein wil und zil ich

Verse: 6225    Daz Cleophas hab Persya
Verse: 6226    Daz land, wann er iesa

Verse: 6227    Daz wol verdinet hat
Verse: 6228    Mit seiner ritterlichen tat.'

Verse: 6229    Also tailt er die land
Verse: 6230    Zwelf fürsten mit seiner hant,

Verse: 6231    Die im alczeit warn bey
Verse: 6232    In stwͤrm, in streit: wa daz sey,

Verse: 6233    Sie heten in nÿ gelann:
Verse: 6234    Dez müsten sie von im han

Verse: 6235    ----------------------
Verse: 6236    Waz sol mer sprechen ich?

Verse: 6237    Die kraft wolt im engann:
Verse: 6238    Er sprach: 'ich müß euch lann:

Verse: 6239    Der tod wil schaiden mich
Verse: 6240    Von euch. ach, wem laz ich

Verse: 6241    Rösane mein liebes weib?
Verse: 6242    Ich wil bedencken deinen leib

Verse: 6243    Mit ainem getrewen man,
Verse: 6244    Der ist gehaißen Perdican.'

Verse: 6245    Er hiez in pald komen dar
Verse: 6246    Und sprach zu im: 'du nym war,

Verse: 6247    Ich wil dir geben Rosanne, --
Verse: 6248    Ich kan dir nit geben më, --

Verse: 6249    Dar zu daz künigreich Macedon,
Verse: 6250    Bayde mit zepter und mit krön

Verse: 6251    Solt du ez hon von mir.' --
Verse: 6252    'Her mein, dez dank ich dir.

Verse: 6253    Ich halt sicher land und weib
Verse: 6254    Lieb als mein selbes leib.'




Next part


This text is part of the TITUS edition of Alexanderroman (Wernigeroder Handschrift).

Copyright TITUS Project, Frankfurt a/M, 9.2.2010. No parts of this document may be republished in any form without prior permission by the copyright holder.