TITUS
Heinrich von Meissen, Frauenlob
Part No. 8
Previous part

Text: 7 
VII. Grüner Ton


Strophe: 1_[a] 
Verse: 1    Got, sit din ewic immer
Verse: 2    in spiegels spriezen hat geperlt
Verse: 3    menschlicher formen zunder,
Verse: 4    e daz geviert in habe die Werlt,
Verse: 5    do schein liecht durch din sigenunft
Verse: 6    mit voller macht uz ganzer süzicheit

Verse: 7    Der megedliche zimmer.
Verse: 8    in zuckersüzen smackes bradem
Verse: 9    mit geisticheit gewidemet,
Verse: 10    durchtrechtic wart der gotlich gadem
Verse: 11    driglestic vunkenricher kunft.
Verse: 12    entzündet wart ir brust, die got besneit.

Verse: 13    Sin veterlich gehilwe
Verse: 14    mit süzicheit die brucht betwanc
Verse: 15    an der naturen gilwe.
Verse: 16    er grub sin oblatisen:
Verse: 17    sich selben lam, des vane ist rot;
Verse: 18    sus wart ein brustlich osterbrot.
Verse: 19    mit inricheit   hilf, meit,   daz brot uns spisen.

Strophe: 2_[b] 
Verse: 1    Der heilige gotes tempel,
Verse: 2    da in sin geist gewidemet was,
Verse: 3    der was alsus gezieret:
Verse: 4    da hete die ware minne ein blas
Verse: 5    entzündet, daz gab solchen schin,
Verse: 6    die sunne klar muz dabi dinster wesen.

Verse: 7    Da mitten stunt ein stempel
Verse: 8    an einem sarke schone erhaben, -
Verse: 9    der sarc was rot ein marmel,
Verse: 10    der stempel guldin, wol gegraben, -
Verse: 11    vor mitten uf des sarkes schrin
Verse: 12    ein corporal, als ich ez han gelesen,

Verse: 13    Gefüget in dri valden.
Verse: 14    da inne lac daz lebende brot,
Verse: 15    manna ganz, ungespalden.
Verse: 16    waz in dem stempel stunde?
Verse: 17    ein tau mit lammes blute rot,
Verse: 18    dem holze gelich, daran den tot
Verse: 19    gotes sun erwarb.   er starb   vri aller sünde.

Strophe: 3_[c] 
Verse: 1    Wer kante gotes krefte,
Verse: 2    do er was in des vater geist?
Verse: 3    niur ewicheit aleine
Verse: 4    kante in und siner kraft volleist.
Verse: 5    al da kein mensche vürbaz mac,
Verse: 6    wer kan, wer tar, wer sol? wiste man ez wol,

Verse: 7    Wa wont natur in hefte,
Verse: 8    sit sie aller dinge walten hat!
Verse: 9    mit gote, durch got, in gote
Verse: 10    sie tirmet, swaz er tirmen lat,
Verse: 11    uz sime bote quam sie nie tac.
Verse: 12    sie was niur ein, des muste sie liden dol.

Verse: 13    Wan got sie bestunt selbvierde,
Verse: 14    er ein und ouch sin ewicheit
Verse: 15    und sin majestas, wirde.
Verse: 16    dar zu so half die reine,
Verse: 17    Maria, vleisches bleiche vri:
Verse: 18    sie spielt uz ein personen dri.
Verse: 19    vier möchten me dan nature alterseine.

Strophe: 4_[a] 
Verse: 1    Got - vater, sun mit geiste -
Verse: 2    lob, erenpris! gebenedit
Verse: 3    bistu. genade ich such
Verse: 4    der la mich, herre, sin gezwit
Verse: 5    von diner gotelichen art
Verse: 6    [ ] durch den gedanc, der din geschefte zilt.

Verse: 7    Sus trite ich an daz meiste:
Verse: 8    von eime, uz eim der dritte entsproz
Verse: 9    und was nicht deste junger.
Verse: 10    ein wesen durch die drien vloz,
Verse: 11    ein ewicheit was unde wart,
Verse: 12    dri forme in einer substantie gotheit hilt.

Verse: 13    Diz wunder daz hat krefte:
Verse: 14    got vur zur helle, der lib was tot
Verse: 15    und lac in grabes hefte,
Verse: 16    und wurden doch nie gescheiden.
Verse: 17    gevlochten uz, gestricket in,
Verse: 18    ane ende und ane beginnes schin:
Verse: 19    sus güte ich tjost gein juden und gein heiden.

Strophe: *5_[b] 
Verse: 1    Wer saget mir daz geferte,
Verse: 2    wie <got> nature naturlich ding?
Verse: 3    die liebe mit dem lüste,
Verse: 4    die zwei sint aller dinge urspring,
Verse: 5    & die zwei <die> dienen & naturen hie
Verse: 6    an dem, daz gat, & kriucht, swimmet oder fliugt &.

Verse: 7    Nature ist also herte,
Verse: 8    daz got mit ir sin wesen treit:
Verse: 9    swaz himele tougen sliezen,
Verse: 10    daz allez nature an ir sneit.
Verse: 11    der helle ^tougen nature^ ie
Verse: 12    in solcher & <wis ouch> nach ir willen biugt &.

Verse: 13    Nature ist als ein frouwe,
Verse: 14    und swaz ie wart und immer ist
Verse: 15    und swaz zukunft beschouwe,
Verse: 16    des waldet sie gemeine.
Verse: 17    swaz unden ist und ouch darobe
Verse: 18    und mitten durch naturen cloben,
Verse: 19    sie trübet nicht, niur menschen lust unreine.

Strophe: 6_[c] 
Verse: 1    Einz brachte ein [ ] zwei durch eine
Verse: 2    und mit der drie dri in ein
Verse: 3    und einez um die alle:
Verse: 4    alda so lit ja unde nein.
Verse: 5    daz was <ouch> aller wunder ursprinc.
Verse: 6    der sechter eine wart alda zerzart.

Verse: 7    Got brachte uns minne reine;
Verse: 8    nature, wisheit sint durch den,
Verse: 9    den nicht kunde ummevahen [ ]:
Verse: 10    die drie in einem got wir spen.
Verse: 11    ^nein unde ja, die [ ] ummevienc
Verse: 12    Maria klar:^   valsch war   geloube wart.

Verse: 13    Nature wart zerbrochen,
Verse: 14    do geist in geistes geschikeit
Verse: 15    zoch an sich menschen knochen
Verse: 16    in einer meide libe.
Verse: 17    daz was wol aller wunder hort
Verse: 18    - got viel, got bleib -: got, mensche, wort.
Verse: 19    got, wunderer, gib uns zu himel bliben.

Strophe: *7_[d] 
Verse: 1    Naturen kraft erschinet
Verse: 2    wol an dem vogel vellica:
Verse: 3    kein ser ^noch keine swere^,
Verse: 4    kein pin noch kein leit komet da,
Verse: 5    also daz er icht lide not,
Verse: 6    wan er die krone ob allen fogeln treit.

Verse: 7    Der tot in nicht enpinet,
Verse: 8    als uns die schrift saget offenbar.
Verse: 9    sin lip vor tode ist fremde,
Verse: 10    sin vedern werden blutigvar.
Verse: 11    also [ ] die gotheit nie wart tot,
Verse: 12    die menscheit starb an Crist, durch uns er leit.

Verse: 13    Sit gotheit menscheit furte,
Verse: 14    die menscheit starb, so daz der tot
Verse: 15    die gotheit nie berurte.
Verse: 16    daz was ein michel wunder,
Verse: 17    daz vater, sun, geist was ein stric,
Verse: 18    und [ ] nicht wan einer leit jamers pic.
Verse: 19    die tougen entsloz die valscheit nie dar under.

Strophe: 8 
Verse: 1    Driu ding in ein sich sliezen:
Verse: 2    daz ein ist tot, das ander leben,
Verse: 3    daz dritte enzwischen in beiden.
Verse: 4    man sicht ir nicht & in craft da sweben &,
Verse: 5    man höret ir mit alle nicht,
Verse: 6    nieman sie grifet, sie sliezen alle ding.

Verse: 7    Die zit, die kan zerfliezen:
Verse: 8    nieman sie sicht noch höret nicht,
Verse: 9    nieman kan sie begrifen,
Verse: 10    und hat an allen dingen pflicht.
Verse: 11    in driu so teilet sich ir schicht:
Verse: 12    daz ein ist tot, daz heizet ʽhingeling',

Verse: 13    Daz ander, lebens früte,
Verse: 14    so heizet ʽnu'. daz dritte teil
Verse: 15    <ist> leben vor todes mute,
Verse: 16    wan daz ist nach sim beizen.
Verse: 17    ʽda hin' und ʽnach' besliuzet ʽnu':
Verse: 18    ʽhin' loufet vor und ʽnach' darzu.
Verse: 19    got gebe, daz wir & zieren nach sinem heizen.

Strophe: 9 
Verse: 1    Sache einen knoten stricte
Verse: 2    mit underscheidener dinge kraft,
Verse: 3    dar uf sneit sie vünf ecke
Verse: 4    mit ir vil bernder meisterschaft,
Verse: 5    unde in den knoten sneit sie dri.
Verse: 6    der knote was gelich aller creatiur.

Verse: 7    Uz vier elementen ricte
Verse: 8    got menschlich forme, als ich daz las.
Verse: 9    vünf ecke sint vünf sinne,
Verse: 10    der ecke gabe ie elich was.
Verse: 11    dri ecke sint der sele bi,
Verse: 12    snel und gelenke, behende, die sint tiur.

Verse: 13    Diz gelichet sich allen dingen.
Verse: 14    da kere sin selbes sinne zu,
Verse: 15    swer wil den borten dringen.
Verse: 16    der ist gelich den tieren:
Verse: 17    er grunet, vulet sam ir ein.
Verse: 18    wirf wesen gein holz, gein steine [ ] bein,
Verse: 19    gein grase har, gein geiste geist [ ] parriere!

Strophe: 10 
Verse: 1    Ein wesen in lufte schiffet,
Verse: 2    dri wirte im locken nacht <und tac>.
Verse: 3    der eine wirt hat gallen,
Verse: 4    der ander einen vedersac,
Verse: 5    der dritte süzer spise vil
Verse: 6    und gut gemach, er ist ein richer wirt.

Verse: 7    Daz wesen dich, mensche, triffet,
Verse: 8    und & der des wesens hat gewalt
Verse: 9    so jener mit der gallen &,
Verse: 10    des triegen ist so manigfalt,
Verse: 11    & ein trit ich für mich kiesen wil &.
Verse: 12    so nenne ich in: den valant. heil verbirt,

Verse: 13    Der mit dem sac uns winket.
Verse: 14    so vederlestig wirt der lip
Verse: 15    und in die erde sinket.
Verse: 16    der dritte wirt so wise,
Verse: 17    der kan wol riche spise geben,
Verse: 18    Crist - vater, sun, dem geiste neben -
Verse: 19    hilf uns zu dir, sterke uns mit diner spise.

Strophe: 11_[a] 
Verse: 1    Ein vaz daz lie sich dringen
Verse: 2    von adamant, gezirket so:
Verse: 3    hol, sinewel als ein apfel
Verse: 4    und mitten geliche erhaben ho.
Verse: 5    des vazzes kraft ^an einer stat
Verse: 6    nicht swacher was^ wan an dem andern zil.

Verse: 7    Mit listen lie sich bringen
Verse: 8    ein isen mitten in daz vaz.
Verse: 9    ein ebenkreftic rucken,
Verse: 10    daz ieslich want dem isen maz,
Verse: 11    daz gab dem isen solchen rat,
Verse: 12    daz ez weder hin noch her mac [ ] noch enwil.

Verse: 13    Daz vaz daz ist geliche
Verse: 14    dem firmament mit ebener kraft,
Verse: 15    daz isen dem ertriche,
Verse: 16    daz ist mitten dar in besundert.
Verse: 17    wie mochtez fester sin behaft?
Verse: 18    ez siget aller dinge kraft
Verse: 19    uf mittelmaz. lobet in, der ez da wundert.

Strophe: *12_[b] 
Verse: 1    Die werlt in fünf <sich> teilet:
Verse: 2    in der vier elementen wesen
Verse: 3    und daz & <bi> vier elementen &
Verse: 4    ouch <menschen> sele kan genesen;
Verse: 5    in fünf geteilet ist ir craft,
Verse: 6    & sin, [ ] <mut>, vernunst, beheltnis, wille erkant &.

Verse: 7    So sie mit tugent heilet,
Verse: 8    entsliuzet, waz sie vor begreif,
Verse: 9    waz sprichest du & zu deme &
Verse: 10    von der materjen ummesweif ?
Verse: 11    & sin unterscheit ist sigehaft &
Verse: 12    ieslich ursprinc sin elementen vant.

Verse: 13    Davon ez also heizet
Verse: 14    & ein lang materjen uf den grunt
Verse: 15    und uf ein ding erbeizet,
Verse: 16    und von im wesen zucket
Verse: 17    ein lang materjen alters vol
Verse: 18    ein elemente heizet wol,
Verse: 19    ez komt wider, swaz nature uz im rücket &.

Strophe: *13_[c] 
Verse: 1    Luft, wazzer, fiur und erde,
Verse: 2    vier elementen <man> nennen sol.
Verse: 3    ir art ist unterscheiden,
Verse: 4    doch komen sie zusamen wol.
Verse: 5    der luft ^warm unde fiuchte^ si,
Verse: 6    daz wazzer kalt und fiuchte, ich han gelesen.

Verse: 7    Warm, trucken & also werden:
Verse: 8    so ist daz fiur. so gicht man: craft &.
Verse: 9    kalt, trucken blibet der erden.
Verse: 10    & und wa sich & solche meisterschaft
Verse: 11    den elementen wone bi,
Verse: 12    luft unde wag, der sloz muz fiuchte wesen;

Verse: 13    Erde unde wazzer küle,
Verse: 14    luft, fiure wirme besliezen kan;
Verse: 15    ^also der trucken^ vüle
Verse: 16    erde unde fiur besliuzet.
Verse: 17    der luft und ouch der erden kür
Verse: 18    & und <ouch> der craft muz komen für,
Verse: 19    ir sloz naturen craft gar schon begiuzet &.

Strophe: 14 
Verse: 1    Der eren wurzel, maze, -
Verse: 2    ho ritterschaft, vil werder kranz,
Verse: 3    dich kan nicht baz gesprenzen,
Verse: 4    niur menlich herze in tugenden ganz.
Verse: 5    spar nicht die weide vor der brust,
Verse: 6    ein vremder stal uf not si dir ein bli!

Verse: 7    Uf turnei, krieclich saze,
Verse: 8    da la die milte volgen mite!
Verse: 9    hilf vrevels kraft erklingen
Verse: 10    mit schilten nach buhurtes site.
Verse: 11    sus reizestu menlich gelust.
Verse: 12    wis gernder diet in triuwen holt da bi.

Verse: 13    La dich die minne leiten!
Verse: 14    wirt dir die meizoginne ganz,
Verse: 15    sie machet dich bereiten
Verse: 16    uf hübischeit und zu prise.
Verse: 17    ere alle vrouwen, werde jugent,
Verse: 18    die swachen durch der biderben tugent.
Verse: 19    tustu des nicht, so vluche ich diner wise.

Strophe: 15 
Verse: 1    Ich saz uf einer grüne
Verse: 2    und dachte maniger hande dinc,
Verse: 3    wie ich die werlt behielde
Verse: 4    und ouch gein gote nicht würde linc.
Verse: 5    do kunde ich nie erdenken daz,
Verse: 6    daz mir icht töchte zu solcher hande ger.

Verse: 7    Ich wart blöde unde küne
Verse: 8    von gedanken, der ich vil verschriet,
Verse: 9    und nach der werlde tücke
Verse: 10    min kintheit mir die witze riet,
Verse: 11    daz nieman in der eren saz
Verse: 12    komt ane schaz. des wart min leben swer.

Verse: 13    Ich strafte vrouwen Eren
Verse: 14    und sprach: ʽir sit ein swache meit,
Verse: 15    lat ir iuch schaz verkeren.'
Verse: 16    sie sufte und sprach: ʽdu tummer,
Verse: 17    schaz hat mich leider überwegen,
Verse: 18    man mac min wol mit schatze phlegen,
Verse: 19    [ ] schaz ane tugent ist gein mir ein kummer'.

Strophe: 16 
Verse: 1    Vrou Ere quam gegangen
Verse: 2    zu einem gutes richen man.
Verse: 3    er vragte, wer sie were.
Verse: 4    ʽich binz, vrou Ere,' sprach sie san,
Verse: 5    ʽund wolde gerne bi dir sin.'
Verse: 6    ʽdes bin ich vro,' sus sprach des schatzes zogel.

Verse: 7    Ein schrin, der was mit spangen
Verse: 8    beslagen, da in er sie besloz.
Verse: 9    dem Gelücke er gab den slüzzel
Verse: 10    und sprach: ʽsich hin, phlic dins genoz.'
Verse: 11    Gelücke quam eins zu dem schrin
Verse: 12    und sloz in uf, do was ez ein gouchesvogel.

Verse: 13    Do clagete Gelücke sere
Verse: 14    und sprach: ʽer ist ein tummer gouch,
Verse: 15    swer mir bevilht sin ere:
Verse: 16    er solte ir selber walden.
Verse: 17    wan were ich stete, son hiez ich nicht
Verse: 18    Gelücke. von unsteter phlicht
Verse: 19    heize ich also, die wort sint nicht gespalden.'

Strophe: 17_[a] 
Verse: 1    Ein art die prüve ich tiure
Verse: 2    nach sinnes richer witze spehen,
Verse: 3    die normelosen vremdet.
Verse: 4    von man zu man doch höre ich jehen,
Verse: 5    zu heimeliche wirt vriundes vriunt,
Verse: 6    gemeiner schade tut allerminnest we.

Verse: 7    Kristallin is zu viure
Verse: 8    kan krispen wol der sunnen wevel.
Verse: 9    versichert phil treit salben
Verse: 10    der sere, der vorcht und bringet frevel.
Verse: 11    ein leit von leide wirt entzunt,
Verse: 12    hantgrift der schiuwet niuwer wunden ve.

Verse: 13    Verbiderbet knecht sich hönet,
Verse: 14    verrittert man sich dörpert. an
Verse: 15    swem sich die sünde krönet,
Verse: 16    so vulet geistlich wirde.
Verse: 17    verkindet kint, verschiuwet phert,
Verse: 18    die zwei sint krankes prises wert.
Verse: 19    ein zitlich zit sich tempert mit gezierde.

Strophe: 18_[b] 
Verse: 1    Geweizet und gedinkelt
Verse: 2    dünkt ieslich brust ir sinnes want:
Verse: 3    der toren golt mac immer
Verse: 4    der wisen kupfer sin genant.
Verse: 5    sünde ane schame ist langez leit.
Verse: 6    list list bedarf, ob sie sol sin betrogen.

Verse: 7    Ez ist nicht wol verwinkelt,
Verse: 8    swaz in den sne beschorren wirt;
Verse: 9    die melde ez mac begrifen,
Verse: 10    swenn sich der sne zu wazzer schirt.
Verse: 11    ein tac daz jar vil dicke erschreit.
Verse: 12    swa schöne gelac, dar was die ger gebogen.

Verse: 13    Meilmut komt von begirden.
Verse: 14    swer leit durch liebe dulden tar,
Verse: 15    wie mac dem liebe entwerden?
Verse: 16    swelch hunt die lemmer vliuwet,
Verse: 17    von im der eber nicht wirt bestrouft,
Verse: 18    wolveile hat wirde vil verkouft.
Verse: 19    die zucht ist blint, die sich ir selben riuwet.

Strophe: 19_[c] 
Verse: 1    Wie, waz man strafen möchte,
Verse: 2    wa mite uz rechter sache schrin,
Verse: 3    wil daz ein strafer merken,
Verse: 4    der wechsel vromt im lere, lob fin.
Verse: 5    uz zorne ein strafe net hazzes kleit.
Verse: 6    spot phiet dich an, ob hönisch ist din tant.

Verse: 7    Dem guten herzen töchte
Verse: 8    durch zucht ein wort me dan ein slac.
Verse: 9    & ez mac vil lichte des windes,
Verse: 10    der vedern wet, ouch nahet im smac &.
Verse: 11    nach dünke ein guft ie gunst versneit.
Verse: 12    lob wart ie vul, da manz daheime vant.

Verse: 13    Zu gach wil afterriuwe;
Verse: 14    vervriundet vint wirt selten gut,
Verse: 15    wan an im ist kein triuwe.
Verse: 16    hochvart uz armer gülte,
Verse: 17    uf wise tat tum ammetman,
Verse: 18    vil rede muz dicke lüge uz lan:
Verse: 19    swa man die spürt, durch recht man sie wol schülte.

Strophe: 20 
Verse: 1    Mich fragte ein wiser leie,
Verse: 2    welch ding uf lebendiger trucht
Verse: 3    daz allerbeste gefalle.
Verse: 4    do jach ich wider: ʽ<an> frouwen zucht
Verse: 5    und an den mannen triuwe ganz,
Verse: 6    swer maze kan an allen dingen geben'.

Verse: 7    ʽDer keinez ich verschreie',
Verse: 8    sprach er, 'doch hastu einer tugent
Verse: 9    vergezzen: in dem herzen
Verse: 10    billich er trage die sinen jugent,
Verse: 11    wil ez sin nennen haben glanz
Verse: 12    <...>

Verse: 13    <...>
Verse: 14    <...> hie gein der werlte mugent,
Verse: 15    swie tum ich si, der rede mich nicht befilte.

Strophe: 21 
Verse: 1    Ich hete in einem swerte
Verse: 2    von aventiure einen geist,
Verse: 3    daz er mir solte kunden,
Verse: 4    waz fürsten, herren allermeist
Verse: 5    möchte an ir höchsten eren schaden.
Verse: 6    der geist was clug, er sprach: ʽich wil dirz sagen.'

Verse: 7    Sin gunst mich es gewerte:
Verse: 8    ʽden fürsten und den herren tut
Verse: 9    den schaden und die schande
Verse: 10    ein zegelich unmilter mut.
Verse: 11    swelch <herre> mit dem ist überladen,
Verse: 12    den müzen wir durch recht gein helle tragen.

Verse: 13    Ouch muz ich schenden sere
Verse: 14    ein falschen ungetriuwen rat,
Verse: 15    wan der git in die lere,
Verse: 16    daz sie den mut gewinnen.
Verse: 17    ein fürste ist als ein ander man,
Verse: 18    wan daz im got gewaldes gan.
Verse: 19    er ist enwicht, ob sie nicht ere minnen.'

Strophe: 22_[a] 
Verse: 1    In driu geteilet waren
Verse: 2    von erst die liute, als ich las:
Verse: 3    buman, ritter und pfaffen.
Verse: 4    ieslich [ ] nach siner maze <was>
Verse: 5    gelich an adel und an art
Verse: 6    dem andern ie. <war> stet der pfaffen sin?

Verse: 7    Sie leren wol gebaren,
Verse: 8    kunst, wisheit, aller tugent craft,
Verse: 9    fride, scham und darzu forchte
Verse: 10    die ritterlichen ritterschaft.
Verse: 11    der buman hat sich des bewart,
Verse: 12    daz er den zwein nar schüfe mit gewinn.

Verse: 13    Nu pfaffe, werder pfaffe,
Verse: 14    laz ander orden under wegen.
Verse: 15    du stolzer ritter, schaffe,
Verse: 16    daz ritterschaft dir lache,
Verse: 17    nicht nim an dich ein ander leben.
Verse: 18    du buman solt <nicht> hoher streben,
Verse: 19    daz lere ich dich, durch fremdes prises sache.

Strophe: 23_[b] 
Verse: 1    Der pfaffe kan sin nennen
Verse: 2    nicht baz getiuren, wan der nam
Verse: 3    für alle wirde der pfaffen
Verse: 4    wol uz der edeln pfafheit quam.
Verse: 5    sprich: babes, bischof, [ ] kardinal,
Verse: 6    ist alles nicht, pfaffe ist daz höchste wort.

Verse: 7    Er mag sin wirde entrennen:
Verse: 8    swenn er den hochgeherten namen,
Verse: 9    sin rechtez leben, mit fuge
Verse: 10    nicht ebene treit, er muz sich schamen.
Verse: 11    waz mag der unreinen pfaffen schal,
Verse: 12    waz valsch und übel trüge [ ] <gein> triuwen [ ] hort?

Verse: 13    Die zwelif gotes knechte
Verse: 14    den cristentum erstriten han
Verse: 15    und gaben, daz zu rechte
Verse: 16    die pfafheit sülle halten
Verse: 17    den besten und den höchsten teil.
Verse: 18    pfaffe immer müze haben heil
Verse: 19    hie unde dort: din wirde ist ungespalten.

Strophe: 24 
Verse: 1    Vil maniger also sprichet:
Verse: 2    ʽwaz irret mich der valschen nit?'
Verse: 3    der kan nicht baz gedenken,
Verse: 4    waz bosheit an den valschen lit
Verse: 5    an rede, an afterworte craft,
Verse: 6    die manigem tun vil dicke grozen schaden.

Verse: 7    Der valsche sich nicht richet,
Verse: 8    swa craft gein creften ist gewegen.
Verse: 9    niur swaz er valscher tücke
Verse: 10    und valscher rede mag gepflegen,
Verse: 11    die machet er so sigehaft,
Verse: 12    daz manig lant der clage si überladen.

Verse: 13    Ein valscher mit dir lachet, -
Verse: 14    swenn er sich baz vermag wan du,
Verse: 15    mit willen er dich swachet.
Verse: 16    ouch höret man bi stunden
Verse: 17    den valschen me dan einen man,
Verse: 18    der wol mit triuwen werben kan.
Verse: 19    so hat der wolf den lewen überwunden.

Strophe: 25 
Verse: 1    Dri dienste muz ich bieten.
Verse: 2    durch menschlich ere ist einer zwar,
Verse: 3    darnach durch geistes selde.
Verse: 4    die zwene biute ich mit willen dar,
Verse: 5    der dritte <ist> durch Untriuwen hac,
Verse: 6    die twinget & in in tiefer sünden bant:

Verse: 7    ʽIch muz mich wandels nieten,
Verse: 8    für golt gibe ich im gunterfeit,
Verse: 9    in honig biute ich gallen
Verse: 10    und ist mir unvernünstlich leit.
Verse: 11    ich stürme bloz und tun doch slag,
Verse: 12    ich male im wiz, da durch e swerze drant.'

Verse: 13    Daz clage ich got zu mazen,
Verse: 14    daz ich durch der Untriuwen flut
Verse: 15    muz gen uf kummerstrazen.
Verse: 16    durch wandelmeiles tücke
Verse: 17    laze ich ir nicht, sie smeichet <mir>
Verse: 18    mit [ ] slangen art in aftergir.
Verse: 19    mit miner list ir list ich gar bezücke.

Strophe: 26 
Verse: 1    Unheimlich gerne ich were
Verse: 2    dem valsch. hat aber der gewalt,
Verse: 3    so muz ich mich im lieben,
Verse: 4    swie gar sin mut ist ungestalt.
Verse: 5    daz lieben nicht von herzen gat.
Verse: 6    merke ieder man, [ ] <ob> war si die geschicht.

Verse: 7    Valsch bi gewalt ist swere.
Verse: 8    wer tar in strafen? nieman zwar,
Verse: 9    ouch wil ich daz bewisen,
Verse: 10    ein ding ist offenlichen war:
Verse: 11    swelch herze ein untriuwe in sich lat,
Verse: 12    die wile ez lebet, so komt sie von im nicht.

Verse: 13    Davon rate ich iu fürsten,
Verse: 14    an swem ir die untriuwe erfart,
Verse: 15    nach triuwe lat iuch dürsten,
Verse: 16    und wizzet daz: untriuwe
Verse: 17    die ist recht als ein böser made,
Verse: 18    der in ein obez komt ungeladen.
Verse: 19    er tut dem obez groz schaden <an> siner niuwe.

Strophe: 27 
Verse: 1    Man saget von Parzifale,
Verse: 2    von Titurel und Gachmurete,
Verse: 3    von Ector und Achille,
Verse: 4    von Gawein, der daz beste ie tete,
Verse: 5    von Walwan und <von> Lanzelot,
Verse: 6    <von> Iweins krieg und von Wilhalmes tat.

Verse: 7    Die worchten heldes male,
Verse: 8    daz schuf der fürsten milte hant,
Verse: 9    ir tugent und ir güte.
Verse: 10    ir steter mut was wol erkant,
Verse: 11    daz er ^gein tusent wer erbot
Verse: 12    mit^ mannes mut nach siner sinne rat.

Verse: 13    Wie ho ir mut do swebete!
Verse: 14    [ ] ^were Artus noch^ in solcher tugent,
Verse: 15    als ^do er^ milte lebete
Verse: 16    mit siner tafelrunde,
Verse: 17    man vünde noch wol Parzifal
Verse: 18    und alle herren von dem gral,
Verse: 19    swen nach in durste und in der eren gunde.

Strophe: 28 
Verse: 1    Die künige und die fürsten,
Verse: 2    <die> machen manheit gar verzagen
Verse: 3    an rittern und an knechten,
Verse: 4    - nu merket, waz ich iu kan sagen, -
Verse: 5    so sie den richen nu erheben,
Verse: 6    [ ] <swie> duz sin mut nie menlich lust gewan,

Verse: 7    Und leiden groze türste,
Verse: 8    verderben mangen mannes mut,
Verse: 9    daz er sich selwet, grimmet
Verse: 10    von nötikeit: da mut, wa gut?
Verse: 11    & ez git den fliehen uf der eben &
Verse: 12    hase unde luchs, ir lugen stet hindan.

Verse: 13    ʽIr sult die zagel smiegen,
Verse: 14    man darf nicht iuwer stritgewer,
Verse: 15    wir wellen nimmer kriegen.
Verse: 16    wol her, ir mittelere,
Verse: 17    ir strafet uns weder hie noch da.'
Verse: 18    ʽja her, ja herre, ^ich sach, ja^:
Verse: 19    die zit ist hie, ez werden ander mere.'

Strophe: 29 
Verse: 1    Secht, wie ez tunkel blawet!
Verse: 2    der werlte liecht ist worden blint,
Verse: 3    daz e mit glaste luchte,
Verse: 4    als vor <noch> lebten der eren kint.
Verse: 5    die forchten sich vor missetat,
Verse: 6    ir mut der stund uf hochgezierten pris.

Verse: 7    Woltat der jungen grawet,
Verse: 8    swa sicherheit sich hat ergeben
Verse: 9    der ungeherten schande,
Verse: 10    die müzen gar in [ ] sünden leben.
Verse: 11    swer tugent in dem herzen hat,
Verse: 12    des gicht min munt, er ist an sinnen wis.

Verse: 13    Hie vor swer tugent gerte,
Verse: 14    & dem hulfen tusent <od> me an tugent,
Verse: 15    und sie sit prises werte
Verse: 16    der fürsten gunst; [ ] <die> milte
Verse: 17    volfarn enmochte nicht. sich, jugent:
Verse: 18    nu eren tusent <kume> ein tugent,
Verse: 19    des muz erligen zucht, <ere> an dinem schilte &.

Strophe: 30 
Verse: 1    Daz leben ist uf der neige,
Verse: 2    die werlt ist uf den herbest komen.
Verse: 3    die glanzen blumen bleichen,
Verse: 4    ir schöne, ir smac ist in benomen,
Verse: 5    der boume loub daz riset nider,
Verse: 6    die winde [ ] wen, <sie> varen mit gewalt.

Verse: 7    Die sunne ist uf der seige.
Verse: 8    ʽwol an, die sniter müzen abe.'
Verse: 9    ʽwaz lones welt ir in reichen?'
Verse: 10    ʽdarnach der man verdienet habe.
Verse: 11    swaz von mir quam, <daz> nim ich wider.
Verse: 12    sin lon, sin recht, sin art ist wolgestalt:

Verse: 13    Sin lib, sin gut mir blibet.
Verse: 14    mit we man zu mir wirt geborn,
Verse: 15    mit we man von mir tribet.
Verse: 16    doch muz ich mich erbarmen.
Verse: 17    <...>

Strophe: 31 
Verse: 1    Die richen edelen solten
Verse: 2    tun nach ir art, daz zeme in wol:
Verse: 3    tugent ringer <ist> zu merken
Verse: 4    wan untugent, <als> ich sprechen sol.
Verse: 5    sagt man inz unter ougen nicht,
Verse: 6    so komt doch wit der herren missetat.

Verse: 7    Hie vor die edeln wolten,
Verse: 8    daz zucht, triuwe und bescheidenheit
Verse: 9    des hofes pfleger weren.
Verse: 10    nu sint sie niendert so bereit,
Verse: 11    so torlich ist <al> ir geschicht.
Verse: 12    ouwe, <her> Hof, wie lesterlich [ ] <ir> stat

Verse: 13    Al hie zu disen ziten
Verse: 14    und loset durch die hele schon:
Verse: 15    die künen herren striten
Verse: 16    und jagen also vaste,
Verse: 17    daz ir den herren mite jecht,
Verse: 18    swenn ir unfuge von in secht.
Verse: 19    her Hof, lat ab, e daz ich naher taste.

Strophe: *32 
Verse: 1    Tum unde böse erkennet
Verse: 2    mit unterscheit einander nicht.
Verse: 3    ein tummer kan nicht wizzen,
Verse: 4    waz im beheit oder <leide> geschicht.
Verse: 5    und swenn im ist die zit zu lanc,
Verse: 6    <er sachet> ein bruch ane sinen willen.

Verse: 7    Des valschen wise entrennet
Verse: 8    den tugenden <gar> unwitziglich,
Verse: 9    unere er sich flizet,
Verse: 10    damit er wert in schanden sich.
Verse: 11    wol hin, du fuler helle stanc,
Verse: 12    du nezzelfluch! des wirt din laster grellen.

Verse: 13    Ob [ ] <eins> ein junger tummet,
Verse: 14    er komt mit wiser lere wider,
Verse: 15    daz al sin arc erstummet.
Verse: 16    die bosheit ist so heftig,
Verse: 17    swa sie sich zwirent hin geleit,
Verse: 18    kein junger man sie dannen jeit.
Verse: 19    ein edele frucht, wis ie da wider kreftig.

Strophe: *33 
Verse: 1    Den edelen süzen jungen
Verse: 2    driu ding man stete solte sagen,
Verse: 3    einz, daz sie williglichen
Verse: 4    der wisen hort <solten> bi in tragen:
Verse: 5    ez fromt in an den witzen vil,
Verse: 6    der wisen rede ist niur von wiser tat.

Verse: 7    Ouch spriche ich unbetwungen,
Verse: 8    sie solten gutes siten pflegen.
Verse: 9    der in daz stete sagete,
Verse: 10    sie liezen bosheit unter wegen.
Verse: 11    ez ist ein stat uf alle zil,
Verse: 12    swa kinder sint an wisem, guten rat.

Verse: 13    Daz dritte wil ich iu rügen,
Verse: 14    daz solte in die & gemeinschaft
Verse: 15    bi tun an ungefüge &.
Verse: 16    ein spruch was bi den alten:
Verse: 17    geselleschaft, die bosheit kan,
Verse: 18    von der wirt houbetsiech ein man:
Verse: 19    nim, edele vrucht, zu dir, die eren walten.

Strophe: *34 
Verse: 1    <Nu> schamt iuch, minnerorden,
Verse: 2    iur fuz der hat den hindergang,
Verse: 3    iur orden hinken alle,
Verse: 4    ir tretet in simonien schranc,
Verse: 5    ir wirket fremde gotes recht,
Verse: 6    ir leret gut und minnet valsche tat.

Verse: 7    Ir sit verkoufer worden
Verse: 8    der kristenheit, ouwe der not!
Verse: 9    den wolf nemt ir zu gesellen,
Verse: 10    ob er daz schaf iu bringe tot.
Verse: 11    ir ^slichtet ruch und ruhet slecht^,
Verse: 12    haz unde nit, der treit nu geistlich wat.

Verse: 13    Iur bruderschaft sich hönet:
Verse: 14    gelichsenheit, die got verbot,
Verse: 15    die ist mit iu gekrönet,
Verse: 16    die treit nu geistlich wete
Verse: 17    und wülfet uz des herzen dunst.
Verse: 18    lerte iuch Franciscus solche kunst,
Verse: 19    so pflag sant Augustin ouch solcher rete.

Strophe: 35_[A] 
Verse: 1    Wa lust, wa wunne spehe,
Verse: 2    wa liep und aller freuden hort?
Verse: 3    wa vindet man daz fiure,
Verse: 4    da sich entzünden muz daz wort,
Verse: 5    daz zweier herze, zweier mut
Verse: 6    treit in ein wesen von fremdem anbegin?

Verse: 7    Den wechsel ich versehe.
Verse: 8    wa gruntfest aller selikeit,
Verse: 9    wa muter aller eren,
Verse: 10    wa swester der bescheidenheit,
Verse: 11    der maze ein bruder wol behut,
Verse: 12    ein vater wise an volbedachtem sin?

Verse: 13    Wa ritterlichez ellen?
Verse: 14    wa nimt die manheit al ir tugent,
Verse: 15    daz sie sich muz gesellen
Verse: 16    der hochgeherten milde?
Verse: 17    wa scham, wa zucht, wa tugende craft?
Verse: 18    wip, din vil süze meisterschaft
Verse: 19    daz allez kan, des si gelobt din bilde.

Strophe: 36_[B] 
Verse: 1    Wie tötet man die sorgen?
Verse: 2    wie wirt verwunnen allez leit?
Verse: 3    wie wirt gekrenket swere?
Verse: 4    wie senftet man groz arebeit?
Verse: 5    wie leschet man des zornes glut?
Verse: 6    wie wirt verkart, daz triuwe muz jamer clagen?

Verse: 7    Wie tröstet trost [ ] verborgen?
Verse: 8    wie wirt verjaget haz unde nit?
Verse: 9    wie salbet man den smerzen?
Verse: 10    der senfte bernde herzen git,
Verse: 11    nach liebe senden heilen tut,
Verse: 12    swer flehet mich, dem <wil> ich ez allez sagen:

Verse: 13    Secht, als die sunne erliuchtet
Verse: 14    die luft und alle vinsterheit,
Verse: 15    baz dürren mut erfiuchtet
Verse: 16    ein reinez angesichte,
Verse: 17    daz touwet, regent süzen lust
Verse: 18    in mannes herze, in mannes brust:
Verse: 19    ja, wibes nam, der wunsch ist dir gerichte.

Strophe: 37_[C] 
Verse: 1    Wadurch ist, werlt, din wunne?
Verse: 2    wadurch ist menschlich freude gar?
Verse: 3    wadurch ist seiten süze?
Verse: 4    wadurch ist schellen übervar,
Verse: 5    tambur, zitol und orgel clanc?
Verse: 6    wadurch die luft in ror gedrücket wirt?

Verse: 7    Wadurch ist pfaffen künne?
Verse: 8    wadurch ist menlich ritterschaft
Verse: 9    mit turnei und mit stechen?
Verse: 10    wadurch ist pris und meisterschaft?
Verse: 11    wadurch ist pfifen und gesanc?
Verse: 12    wadurch ist zucht in tugenden schon geziert?

Verse: 13    Wadurch sint prises döne?
Verse: 14    wadurch ist minniglicher gruz?
Verse: 15    wadurch ist friuntschaft, schöne,
Verse: 16    wadurch die jugent gezieret?
Verse: 17    wadurch daz adel liebe ist vol?
Verse: 18    wip, reine frucht, daz weist du wol:
Verse: 19    durch dinen lip ist alle güte gefieret.

Strophe: 38_[A] 
Verse: 1    Den jungen ich entstricke,
Verse: 2    wie sie der minnen boten heln.
Verse: 3    & und ouch & durch tougen liebe
Verse: 4    dri lose blicke solt du steln.
Verse: 5    zwar mit dem ersten solt du spehen,
Verse: 6    ob an dir si, daz ir icht missehage,

Verse: 7    Und mit dem andern blicke
Verse: 8    warte, ob kein merker bi dir si,
Verse: 9    der diner blicke vare.
Verse: 10    so wis des dritten blickes fri.
Verse: 11    ist aber, daz er si geschehen,
Verse: 12    zuhant den blick uf ander fürbaz jage.

Verse: 13    Erferest du nach bazze,
Verse: 14    daz sie erfuren dinen strich,
Verse: 15    kom nimmer uf daz lazze.
Verse: 16    bistu der merker ane,
Verse: 17    so blicke loser blicke dri
Verse: 18    und wis nicht tougenworte fri:
Verse: 19    so gilt sie dir den blic uf liebem plane.

Strophe: 39_[B] 
Verse: 1    & Dun wellest & warten blicke:
Verse: 2    ob dir ein widerblicken wirt,
Verse: 3    so nig <ir> tougenliche
Verse: 4    und warte, ob sie & der icht entbirt &.
Verse: 5    so gilt ir lobelichen daz.
Verse: 6    wol, immer wol, und wirt sin also vil.

Verse: 7    Swa lieb gein lieb sich stricke,
Verse: 8    da hat der minnen zunder e
Verse: 9    den funken an dem steine
Verse: 10    enpfangen liechte sunder we.
Verse: 11    & und er hat gein der minnen haz,
Verse: 12    swa lieb bi lust sich überzeigen wil.

Verse: 13    Da blicke tragen die herzen,
Verse: 14    zuhant ein fiure ist bereit
Verse: 15    den herzen sunder smerzen.
Verse: 16    sie teilen allen sinnen
Verse: 17    der minnen zuckersüzen lust
Verse: 18    & den ougen gar durch herzen & brust;
Verse: 19    der minnen craft muz sich also beginnen.

Strophe: 40_[C] 
Verse: 1    Nu wachet, senden herzen,
Verse: 2    also gelich ist iuwer art,
Verse: 3    noch heizer dan ein fiure.
Verse: 4    ja, hiure [ ] bin ich bi der vart,
Verse: 5    eia, vil liebe minne, alsa,
Verse: 6    daz ich hinfür der minnen fiur verwar.

Verse: 7    Mit kummertragenden smerzen
Verse: 8    sie werden beidenthalben blint
Verse: 9    mit tat und <mit> geberde.
Verse: 10    & und swa die zwei gelieben sint,
Verse: 11    fliuch, Scham, ich darf din anders. swa
Verse: 12    lieb leschet lust, ez brinnet allez gar,

Verse: 13    Swa aber lust <ist> gemischet,
Verse: 14    so weiz ich, daz des fiures craft
Verse: 15    ouch nimmer gar erlischet.
Verse: 16    sin zeigen ist geringer,
Verse: 17    davon sie wiser sint dan e.
Verse: 18    ist ob ir art geliche ste,
Verse: 19    herze, ougen sin daz zeichen mit dem vinger.

Strophe: 41  G(?)
Verse: 1    La loufen daz gestirne,
Verse: 2    so wil ich vliegen lan den wint.
Verse: 3    wiltu den dunre binden,
Verse: 4    so bin ich, der den bliczen bint.
Verse: 5    kanstu die regens tropfen zeln,
Verse: 6    so zel ich dir loub, gras und allen griez.

Verse: 7    Nu wirt versuchet daz hirne,
Verse: 8    und waz vünf sinne krefte han,
Verse: 9    und waz zwei herze wisheit
Verse: 10    begrifen mügen mit sinnes klan.
Verse: 11    hie wirt geteilet, ir sult weln,
Verse: 12    ob iu sin bach si lieber dan min vliez,

Verse: 13    Sit von dem edelen brunnen
Verse: 14    Pegases komt ir beider vluz.
Verse: 15    die kunst wol merken kunnen,
Verse: 16    die merken dise kose,
Verse: 17    wa dise wage zwen nemen ir duz
Verse: 18    und wie sich teile ir duzzes schuz
Verse: 19    in maniges or.   kein tor   entbint die glose.

Strophe: 42  G(?)
Verse: 1    Wa bistu gewest zu schule,
Verse: 2    daz du so hohe bist gelart?
Verse: 3    man sprichet dich also kindes,
Verse: 4    daz in der niuwe si din bart.
Verse: 5    drizehen jar der hastu noch nicht.
Verse: 6    nu la dich got vierzehen mit eren leben.

Verse: 7    Du macht uf meisters stule
Verse: 8    gesitzen wol, des höre ich jehen,
Verse: 9    unt daz von dinen jaren
Verse: 10    nie din geliche würde gesehen.
Verse: 11    wol dir der seldehaften schicht,
Verse: 12    daz nu din pris so ho beginnet sweben.

Verse: 13    Man gicht, in diutischem riche
Verse: 14    si niender phaffe din genoz
Verse: 15    noch singer din geliche.
Verse: 16    und macht du daz bewisen,
Verse: 17    daz dir da her von himele vloz
Verse: 18    unde in din herze sich besloz
Verse: 19    die wisheit gar,   vür war,   daz muz man prisen.

Strophe: *43 
Verse: 1    Ich han din keine kunde,
Verse: 2    ich hete gerne kunde din.
Verse: 3    unkunde ist unminne,
Verse: 4    daz wirt noch alle tage schin.
Verse: 5    ich wolte din gerne kunde han:
Verse: 6    waz ob ez uns vil lichte beiden vromt?

Verse: 7    Komt uns vrome ane sünde,
Verse: 8    so ist der vrome vromelich.
Verse: 9    wie ob min rat mit dime
Verse: 10    <mac> schaffen, daz wir vreudenrich
Verse: 11    werden und daz wir sorge lan?
Verse: 12    die sorge nicht gerne ane schaden komt.

Verse: 13    Min kunft si dir gekündet,
Verse: 14    ich wil dich kurzelichen sehen.
Verse: 15    wirde ich zu dir gevriundet
Verse: 16    und du zu mir mit triuwen,
Verse: 17    so soltu daz an mir wol spehen
Verse: 18    unde ich an dir. ez mac geschehen,
Verse: 19    daz uns die geschicht   sol nicht   der kunde riuwen.



Next part


This text is part of the TITUS edition of Heinrich von Meissen, Frauenlob.

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.