TITUS
Heinrich von Meissen, Frauenlob
Part No. 11
Previous part

Text: 10 
X. Vergessener Ton


Strophe: 1_[A] 
Verse: 1    Der ersten sache zukunft, die si gegrüzet,
Verse: 2    die alle ding durchbittert und durchsüzet,
Verse: 3    swaz e, swaz nu, swaz noch geschicht,
Verse: 4    durchgruntlichen besachet!

Verse: 5    Er was gar unbegriflich allen sinnen
Verse: 6    und <doch> begriflich von der heilerinne.
Verse: 7    von einem worte daz geschach:
Verse: 8    ave daz wunder machet.

Verse: 9    Wol uns der zukunft Jesu Crist!
Verse: 10    die erste ursache er doch ist
Verse: 11    gar aller creatiuren,
Verse: 12    er wart gewirket in vier elementen craft.
Verse: 13    der al ir art in gab mit siner meisterschaft,
Verse: 14    got mensche wart, nature brach.
Verse: 15    wer möchte in des gestiuren?

Strophe: 2_[B] 
Verse: 1    Nature möchte wol zürnen solcher geschichte,
Verse: 2    got teilte ir ordenunge [ ] fluzzes slichte.
Verse: 3    ein teil ir e zerstöret wart,
Verse: 4    ir <altez recht> zerbrochen.

Verse: 5    Der alle ordenunge hat gesetzet,
Verse: 6    [ ] der kunde sie wol zerstören ungeletzet.
Verse: 7    sin wille was ir doch nie [ ] wider:
Verse: 8    der apfel wart gerochen.

Verse: 9    Naturen lust gab apfels bruch,
Verse: 10    nature brach naturen spruch.
Verse: 11    sol ich nature melden?
Verse: 12    [ ] nature ^der naturen selbe stal^ ir fluz.
Verse: 13    wie [ ], wa und wenne tete ez der naturen guz?
Verse: 14    got mensche wart, got quam hernider:
Verse: 15    natur des muste engelten.

Strophe: 3_[C] 
Verse: 1    Sache und nature lazen wir den künsten
Verse: 2    und sprechen lob der maget mit vernünsten:
Verse: 3    der zarte gotes adelsarc,
Verse: 4    die meit wart muter Cristes.

Verse: 5    In ir schoz bant sie <zwar> die himel alle,
Verse: 6    siben planeten dienten ir mit schalle,
Verse: 7    er barg sich schone unter ir brust,
Verse: 8    daz & was des alten listes.

Verse: 9    Er nam sin wesen schone an sich,
Verse: 10    kein sin möchte werden, als ich sprich.
Verse: 11    got vater sun mit geiste,
Verse: 12    ir ieglichez [ ] was, da sie gebar [ ] den [ ] waren got
Verse: 13    und waren menschen - sprechet lob, <pris> Sabaoth,
Verse: 14    der cleine besniten wart alsust
Verse: 15    und ist doch ie der meiste &.

Strophe: 4 
Verse: 1    Geslozzen sint die wort [ ] ʽknecht' unde ʽherre',
Verse: 2    ʽsin' unde ʽselde' recht als ein gesperre.
Verse: 3    ʽkint' ane ʽvater' mag nicht sin,
Verse: 4    vernemt die zwei besunder:

Verse: 5    Selde ane sin ist nicht, swer ebene merket,
Verse: 6    sin ane selde niender wesen sterket.
Verse: 7    sin und vernunst ist niur ein ding,
Verse: 8    [ ] daz machet die selde munder.

Verse: 9    Sin und vernunst ist selikeit.
Verse: 10    swem wol geschicht, daz selde treit
Verse: 11    gein gote und gein den liuten;
Verse: 12    swem wol geschicht, daz hat sin und vernunst getan.
Verse: 13    got selber nennet sich vernunst an allen wan:
Verse: 14    er ist ouch guter dinge urspring,
Verse: 15    [ ] den <dort> die engel triuten.

Strophe: 5_[A] 
Verse: 1    Ein gut beginne, daz git ein richez hoffen:
Verse: 2    ez hat der ersten freuden schaft getroffen.
Verse: 3    ein gut beginne hat ie daz lob,
Verse: 4    daz man im lieplich lachet.

Verse: 5    Ein gut beginne schon uf sin mittel strichet,
Verse: 6    und ob daz mittel im der güte entwichet,
Verse: 7    so hat man doch den lust erlabet.
Verse: 8    unstete wandel machet.

Verse: 9    Were aber dan daz mittel gut,
Verse: 10    sie heten deste bezzern mut
Verse: 11    und grozer hoffenunge.
Verse: 12    ein gut beginne, ein richez mittel machet daz,
Verse: 13    daz man erbeitet ie des endes deste baz.
Verse: 14    ob ez da hin in freuden snabet,
Verse: 15    ist ez in heil entsprungen.

Strophe: 6_[B] 
Verse: 1    Daz ende saget volkomenheit der dinge:
Verse: 2    [ ] wie hoch, wie tief, wie swere und wie geringe,
Verse: 3    wie wit, wie breit, - ein winkelmaz
Verse: 4    ist ende an allen sachen.

Verse: 5    Daz anbeginne treit wol spehe sinne,
Verse: 6    uz swelcher hande sicherheit [ ] <ez> rinne.
Verse: 7    daz ende volkomen, daz ist gut,
Verse: 8    die wisen daz bewachen.

Verse: 9    Swie gut daz anbeginne si,
Verse: 10    swie rich daz mittel ouch dabi,
Verse: 11    so saget ouch daz ende
Verse: 12    die ganzen vollekomenheit an aller schicht.
Verse: 13    swer siner tat ein gutez ende schicket nicht,
Verse: 14    des tat wirt nimmer wol behut,
Verse: 15    ein urkünde ich iu sende.

Strophe: 7 
Verse: 1    Künde ich den tag mit secken ingefüren,
Verse: 2    vienge ich den wint in stricken und in snüren,
Verse: 3    und schepfete ich wazzer mit eim sibe
Verse: 4    als vil, unz mich benüget,

Verse: 5    Sete ich daz korn in dorn und uf die steine,
Verse: 6    möcht sichz gefügen, min sniden daz würde cleine.
Verse: 7    swer snöden herren dienen muz,
Verse: 8    des heil sich & überbüget.

Verse: 9    Vil minner nutzes im geschicht
Verse: 10    dan einem, der vil feiles sicht
Verse: 11    und hat sin nicht zu gelten:
Verse: 12    er nimt sin ougenweide mit [ ] gesichte da.
Verse: 13    in snöder herren dienste, da wirt man lichte gra.
Verse: 14    [ ] wirt aber iemanne sorgen buz
Verse: 15    da von [ ], daz höret man selten.

Strophe: 8_[A] 
Verse: 1    Ich bin ein gast und habe den wirt in hute.
Verse: 2    swenn er sich stellet in williglichem mute,
Verse: 3    teilt er mir lieplich, swaz er hat,
Verse: 4    ich danke ims, swar ich kere.

Verse: 5    Solte ich sin kost mit freisen in mich niezen,
Verse: 6    swie gut sie were, doch müste mich ir verdriezen:
Verse: 7    bi richer tracht ein fuler dunst,
Verse: 8    daz heize ich rich husere.

Verse: 9    Ein lieplich wirt hat gutete vil,
Verse: 10    daz weiz ich, swer sin ruchen wil.
Verse: 11    sin rilichez angesichte,
Verse: 12    sin kost, sin tranc, daz kan mir nimmer wol bekomen,
Verse: 13    der ich von ungemutem wirte han genomen.
Verse: 14    ei, lieber, gib mir vor vernunst,
Verse: 15    daz ich min herze ufrichte.

Strophe: 9_[B] 
Verse: 1    Vier unterscheid sol man bi wirten merken:
Verse: 2    der eine, der kan sich mit geberden sterken,
Verse: 3    so [ ] <wirt er> gesehen tugentlich
Verse: 4    und & [ ] <karget> doch mit der & spise.

Verse: 5    Der <gibet> gute kost und [ ] rich gerete
Verse: 6    und ist doch mit geberden nicht so stete,
Verse: 7    daz ez den liuten wol bekome:
Verse: 8    daz ist ein sunder wise.

Verse: 9    Der dritte ist weder diz noch daz,
Verse: 10    <er> [ ] <wirt> gesehen [ ] geberden laz.
Verse: 11    Daz ist des wirtes ere:
Verse: 12    er gibet sin kost, sin tranc mit gutem willen dar,
Verse: 13    danc habe sin lip. swelch wirt, der sich also bewar,
Verse: 14    ich wil, daz im zu himel [ ] <vrome>
Verse: 15    sin wirtschaft immer mere.

Strophe: 10_[a] 
Verse: 1    Ir herren, ich han triuwe an iu enpfunden.
Verse: 2    in guter meine ^ich warne^ iuch alle stunde,
Verse: 3    wan ich han iuwer gut genomen
Verse: 4    durch got und ouch durch ere.

Verse: 5    Ich rate iu, daz ir iuch vor schanden tuchet
Verse: 6    und ouch vor laster, daz vil schaden bruchet,
Verse: 7    und minnet zucht und reine scham,
Verse: 8    daz ist der wisen lere.

Verse: 9    Die werlt ist sam ein gougelspil,
Verse: 10    und hastu hie der freuden vil
Verse: 11    - ich warne iuch herren alle -
Verse: 12    [ ] <dir> blibet alles hordes nicht me dan der nam.
Verse: 13    sich, nach dem tode so hilfet dich do nicht din scham,
Verse: 14    so wirt man dinem nennen gram:
Verse: 15    der tod ist todes galle.

Strophe: 11_[b] 
Verse: 1    Man gicht, ich si ein teil zu scharfer worte
Verse: 2    in dem gesange. [ ] <ja> ich, an allen orten
Verse: 3    ich sol gein losen smehe sagen:
Verse: 4    swenn ich<s> an mir enpfinde,

Verse: 5    In dem gesange ich offenlichen strafe
Verse: 6    mit ummerede, mit worten, sunder wafen.
Verse: 7    den fromen danke ich reiner tat
Verse: 8    mit süzen sprüchen linde.

Verse: 9    Swa man dem bösen hillet mite,
Verse: 10    des ergert sich sin tat, sin site
Verse: 11    und wenden deste krenker.
Verse: 12    man sol dem fromen milten danken siner tugent,
Verse: 13    in lustet deste baz zu tun nach siner mugent.
Verse: 14    ie me der böse schanden hat,
Verse: 15    die schande nach tode wirt swenker.



Next part


This text is part of the TITUS edition of Heinrich von Meissen, Frauenlob.

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.