TITUS
Heinrich von Meissen, Frauenlob
Part No. 12
Previous part

Text: 11 
XI. Neuer Ton


Strophe: 1_[a] 
Verse: 1    Ich   wil des sinnes lie florieren
Verse: 2    mit roselechten worten, schon probieren
Verse: 3    mit redeblumen sunder frist.
Verse: 4    hilf, violvar volzieren
Verse: 5    ein lob, daz hat sich also wit gebreitet,

Verse: 6    So hoch mit sinnen do genümen!
Verse: 7    er tar sich eren richer werke rumen:
Verse: 8    er darf durchgrunthaftiger list,
Verse: 9    swer ez so spehe sol blumen,
Verse: 10    wan ez in biunde ist gar schon geleitet.

Verse: 11    Min   triuwer mut in triuwen ganz,
Verse: 12    sin   rede ist als ein blünder kranz:
Verse: 13    sin lob belibet sicher glanz,
Verse: 14    sin menlich tugent sunder schranz
Verse: 15    in küniglicher eren spranz,
Verse: 16    in Tenemarken ^ie ich bin^
Verse: 17    priser des küniges. al min kunst, volsprich!


Strophe: 2_[b] 
Verse: 1    <Er>...
Verse: 2    <...>

Verse: 3    Ein lustlich herze mit vollen sinnen,
Verse: 4    durchspehet mit der wunne uze und innen,
Verse: 5    ein stolzer lip gar wunnesam
Verse: 6    zu dienst der zarten minne,
Verse: 7    der kan sin ritterlicher mut sich neigen.

Verse: 8    Nein,   als ein rubin, luter, clar
Verse: 9    schein   wunniglichen, liechtgefar
Verse: 10    sin lob bi künigen, fürsten zwar
Verse: 11    ho swebet als ein adelar:
Verse: 12    wan frouwen zart gar offenbar
Verse: 13    wisliche gert der fürste rein.
Verse: 14    sin reine art & [ ] <ist>, der ich do & beger.

Strophe: 3_[A] 
Verse: 1    Ein   wol bescheiden mut besinnet,
Verse: 2    daz die bescheidenheit scham, zucht beginnet.
Verse: 3    ein wiser sin bescheiden ist,
Verse: 4    bescheidenheit die minnet
Verse: 5    den vürgedanc so gut, er selber bringet

Verse: 6    Die sicherheit an liebe, an leiden:
Verse: 7    die sicherheit verwegenen mut kan cleiden.
Verse: 8    & ^sich, swaz^ ein mut in kürze frist &,
Verse: 9    daz ist wol halb gescheiden:
Verse: 10    ez gibt sich hin und her, man hat gedinget.

Verse: 11    Dich   also gar verwegenen man
Verse: 12    ich   nicht bescheiden nennen kan.
Verse: 13    verwegener mut sol hie bestan,
Verse: 14    der eren werc in nicht verlan,
Verse: 15    und wil er ^wegen sich^ hin dan,
Verse: 16    der eren werc mit tugent, sprich,
Verse: 17    du wiser, der den edelen frut erschein:

Strophe: 4_[B] 
Verse: 1    Nu,   dar, verwegener mut, mutwille!
Verse: 2    mutwille quam ie heim und sweig des stille.
Verse: 3    din heim, daz ist bescheidenheit
Verse: 4    so clar als ein berille.
Verse: 5    nimst du ir rat, der tut dich wol mutwillen.

Verse: 6    Wilt aber nu mutwillen eine,
Verse: 7    so wizze, daz din mutwille ist unreine.
Verse: 8    mutwille lat dich an unterscheit,
Verse: 9    [ ] daz dir & nicht heil erscheine. &
Verse: 10    dir wirt vil selden, macht du mutwillen stillen.

Verse: 11    Wil   din mutwille herlich sin,
Verse: 12    hil   dich und twing in wider in,
Verse: 13    wis nicht sin, [ ] <la> in wesen din.
Verse: 14    uz dir bescheidenheit tu schin,
Verse: 15    im rat der wisen meister vin,
Verse: 16    & so wirt der mutwille als in spil
Verse: 17    durchliutert, daz <er> gewinnet lut &, sich zu!

Strophe: 5 
Verse: 1    Sage   an, gelücke, [ ] waz sol werden
Verse: 2    von dir? du bist <vil> seltsan mit geberden,
Verse: 3    mit tat und mit bescheidenheit,
Verse: 4    des muz zergan uf erden
Verse: 5    din wesen, <ez> ist zu laz bi fürsten, herren.

Verse: 6    Wol hin, ir edelen hantfesten,
Verse: 7    welt ir iuch niuwen als des manen glesten?
Verse: 8    <man> muz iu sin alzit bereit.
Verse: 9    wil man die warheit mesten,
Verse: 10    als uns wil liegen sich mit kundem werren?

Verse: 11    Vil   edeler, nu besinne daz:
Verse: 12    zil   aller selden warheit maz,
Verse: 13    die nim und wis des nicht zu laz,
Verse: 14    oder <du> verdienest gotes haz.
Verse: 15    für ware wort so zimt nicht baz,
Verse: 16    sit got sich warhaft nennen wil:
Verse: 17    daz nieman ware wort im haz zertrage!

Strophe: 6 
Verse: 1    Wer   <nu> dem adel sin art zertrennet?
Verse: 2    der ungekorne bist du, fürste, genennet.
Verse: 3    fürste ist von adel, nicht von kür,
Verse: 4    ir wisen, daz erkennet.
Verse: 5    swie krum ein stab, ein bart und griser stimme,

Verse: 6    Man sol sie doch nicht fürsten heizen.
Verse: 7    nach ir geburt <ie> uf den adel erbeizen -
Verse: 8    ez si ein keiser, <ein> künig - da für
Verse: 9    ein babes; la mich daz meizen:
Verse: 10    für war sie sint noch fürsten me mit grimme.

Verse: 11    Swie   ^sie sin^ zu dem amte erkorn,
Verse: 12    [ ] <nie>   wurden sie darzu geborn,
Verse: 13    swie ho die fürsten sin beschorn,
Verse: 14    swie sere die werlt in habe gesworn,
Verse: 15    - ir herren, daz si ane zorn:
Verse: 16    sie sint nicht bürtig fürsten hie.
Verse: 17    dem adel <die> kür machet zart ir ger.

Strophe: 7 
Verse: 1    Ich   wil dem adel macht bewisen:
Verse: 2    daz ein ist an geburt, die sol man prisen;
Verse: 3    daz ander adel von der kür,
Verse: 4    gewalt muz adel spisen;
Verse: 5    die dritten wirde er fecht mit altem schatze.

Verse: 6    Merke ieslich adel gar besunder,
Verse: 7    ist tugent [ ] irn nicht obe unde under,
Verse: 8    ez ist verhönet, als ich spür,
Verse: 9    erloschen als ein zunder,
Verse: 10    daz in ein wazzer vellet. uz dem satze

Verse: 11    Kein   adel sine tugent gebar,
Verse: 12    schein   liecht so vinsterlich gevar.
Verse: 13    mich müt, swa ich sich grawez har,
Verse: 14    daz ane tugent verzert <sich> gar.
Verse: 15    zucht ist ein malerinne clar,
Verse: 16    ir ritterschaft schöne unde rein
Verse: 17    gepinselt und gemalt. nie slacht den strich.

Strophe: 8 
Verse: 1    Ich   lobe die stetikeit nach rechte,
Verse: 2    mit aller tugent so ist sie die slechte.
Verse: 3    williger mut und stetikeit
Verse: 4    nimt und gibet sich zu knechte.
Verse: 5    dem gibe ich unterscheit, daz sol man merken:

Verse: 6    An guten dingen habe er stete,
Verse: 7    an bösen dingen neme er ander rete.
Verse: 8    ich prisete ez nicht mit unterscheit,
Verse: 9    ob mich ein frouwe bete:
Verse: 10    sich sol der mut ie mit der tugent sterken.

Verse: 11    Swer   stete an bösen dingen ist,
Verse: 12    er   minnet unstete zu aller frist.
Verse: 13    frou Ere hat nicht argen list,
Verse: 14    in aller tugent ir genist
Verse: 15    an allem dem, daz gat uz Crist.
Verse: 16    ein ieslich ding in steter ger
Verse: 17    begert, swaz sin geburt im sneit erlich.

Strophe: 9 
Verse: 1    Ein   grozen wandel wil ich wizzen.
Verse: 2    swenn der sich steter tugent hat geflizzen
Verse: 3    [ ] <nu> vellet uz der stetikeit
Verse: 4    in laster gar zerrizzen,
Verse: 5    dem swin ein ebenspil er tut mit willen.

Verse: 6    Die kürn <ein> hol wol mit unflate
Verse: 7    für blünde grüne hübeschlich mit hübeschem rate.
Verse: 8    hin, arger mut; hin, swachez cleit,
Verse: 9    du list in schanden quate;
Verse: 10    sich muz din nennen bi den edelen stillen,

Verse: 11    Vin   als ein golt so ist ir nam.
Verse: 12    din   werc, din wort, man, ist dir gram;
Verse: 13    du würde in steter tugent zam,
Verse: 14    nu bist du in den schanden lam.
Verse: 15    sich, wilder valant, sich din scham:
Verse: 16    din arger mut lat als daz swin,
Verse: 17    vernüllet al din nennen vil unrein.

Strophe: 10 
Verse: 1    Ein   tumme diet han ich besunnen,
Verse: 2    der wenen hat so hohen pris gewunnen,
Verse: 3    daz nu die scham und reine zucht
Verse: 4    in sint so gar entrunnen,
Verse: 5    daz ich ir geberde nicht <me> kan erkennen.

Verse: 6    Swaz ander liute tugent zeigen,
Verse: 7    die kunnen sie mit spehem hönen veigen,
Verse: 8    und ir verschamte ungenucht
Verse: 9    sol sich so ho ersteigen,
Verse: 10    [ ] daz [ ] nieman tar ir sprache <liegen> nennen.

Verse: 11    In   wane ein künig, nach dünke ein man,
Verse: 12    sin,   <daz> bescheide mir, sage an!
Verse: 13    ʽswenn hat gekret der abenthan,
Verse: 14    & <der> marner daz krut wol triuten & kan.
Verse: 15    derselben tat ouch me zerran.'
Verse: 16    wol hin, gar offenbar ich bin,
Verse: 17    & der sweren wil, den tugent nie nicht & erschein.

Strophe: 11 
Verse: 1    Ir   edelen, sit warhafter worte,
Verse: 2    und minnet triuwe in herzen, durch die pforte
Verse: 3    so mag got in die sele komen.
Verse: 4    lat iuch an keinem orte
Verse: 5    meinlichen vinden, <sin> craft muz daz besuchen.

Verse: 6    Ir sult nicht die gelübede verbieten,
Verse: 7    daz ir nu secht, daz ir iuchs müget genieten
Verse: 8    mit ganzer macht, han ich vernomen, -
Verse: 9    als ie die wisen rieten,
Verse: 10    lat iuch nicht ungewissen mut beruchen.

Verse: 11    Schicht   reiner werke, swa die si
Verse: 12    pflicht,   der unzüchte weset fri
Verse: 13    und eret frouwen ouch dabi.
Verse: 14    kunst ist der zucht ein blündez zwi,
Verse: 15    si git iu guldin lob für bli,
Verse: 16    daz dise lere an iu <ir> icht
Verse: 17    in triuwen haltet, ritterschaft, von mir.

Strophe: 12 
Verse: 1    We,   daz <die> edelen nicht gedenken,
Verse: 2    wie ir geberde ir adel müge krenken:
Verse: 3    lüge unde trüge und falscher mut,
Verse: 4    die dri niur unart schenken.
Verse: 5    ein ieslich adel sicht man <an> edelen dingen.

Verse: 6    Sin wort, sin werc sin warhaft, stete.
Verse: 7    an allez gunterfeit so habe er rete,
Verse: 8    mag er nicht selber. ob erz tut,
Verse: 9    & so vare der edelen tete,
Verse: 10    und tut er daz &, so mag im wol gelingen.

Verse: 11    Der   edelen art ist edele tat,
Verse: 12    wer   wil von unart edelen rat?
Verse: 13    von fulem holze ein glimmen gat,
Verse: 14    swenn ez die vinsterheit bestat,
Verse: 15    daz glimmen ez <an> im selben hat.
Verse: 16    sust wizzet, daz unedeler ger
Verse: 17    im rat & ir selber nimmer pflicht & tut me.

Strophe: 13 
Verse: 1    Scham   ist ein tugent vor der schichte,
Verse: 2    vil anvechtunge liden muz ir pflichte.
Verse: 3    die scham ist nicht nach der genucht:
Verse: 4    als ich iuch wol berichte,
Verse: 5    sie heizet leit, ein spor der rechten riuwe.

Verse: 6    Man sol sich schamen, e man miste
Verse: 7    mit swacher tat der eren hoch geniste.
Verse: 8    die scham gebirt die reinen zucht:
Verse: 9    sie edeln und gevristen,
Verse: 10    für war sie sint ein spiegel clar der triuwe,

Verse: 11    Die   uz froun Eren komt so frut.
Verse: 12    sie   fliuzet als des lebens flut,
Verse: 13    ir triuwe vor wandel ist behut,
Verse: 14    in eren als ein jungfrouwe tut.
Verse: 15    der eren werc, die sint so gut:
Verse: 16    daz ist die triuwe, [ ] die sich nie
Verse: 17    verrücket, da der Eren kür wol zam.

Strophe: 14_[A] 
Verse: 1    Ich   gibe den edelen rat vil guten,
Verse: 2    daz sie mit williglichen sinnen biuten
Verse: 3    ob ritterschaft und minnen spil,
Verse: 4    so daz die wolgemuten
Verse: 5    wip freischen reine tat <in> ir handelunge.

Verse: 6    Sie mügen selten höne sich mazen,
Verse: 7    so sie uz rechtem grunt in herzen grazen.
Verse: 8    der valscheit <der> ist also vil,
Verse: 9    die nie uf eren strazen
Verse: 10    & hie quam, [ ] <daz> & hat gezalt der wisen zunge.

Verse: 11    Die   minne und ritterschaft davorn
Verse: 12    ie   han gelobt und ouch gesworn,
Verse: 13    sie sullen herte sin als ein horn,
Verse: 14    daz <sie> nicht enmüe der schanden dorn.
Verse: 15    frou Ere hat sie uz erkorn,
Verse: 16    des sult ir edelen minnen sie.
Verse: 17    vor schanden so wert Eren wat werlich.

Strophe: 15_[B] 
Verse: 1    Swen   Ere cleiden wil, für wete
Verse: 2    dem git sie ellenthaften mut, mit stete
Verse: 3    zu minnen alle gute ding
Verse: 4    für valsch und arge tete.
Verse: 5    secht, lustig spil er hat alhie uf erden.

Verse: 6    Sin menlich zucht, sin menlich ellen,
Verse: 7    sin ritterlichez leben kan im zellen
Verse: 8    pris unde lob [ ] <und> wolgelinc.
Verse: 9    ouch kunnen sie bestellen,
Verse: 10    daz er gar williglichen muz verherden.

Verse: 11    Swar   Eren straze leitet in,
Verse: 12    dar   keret williglichen hin
Verse: 13    [ ] <sin> lib und mut und herzen sin.
Verse: 14    vil wol ich des berichtet bin,
Verse: 15    wie gut, wie zart si der gewin:
Verse: 16    die Ere ist rich und schanden bar,
Verse: 17    iu mag hie lobes also vil geschen.



Next part


This text is part of the TITUS edition of Heinrich von Meissen, Frauenlob.

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.