TITUS
Hartmann, Iwein
Part No. 7
Previous part

Verse group: (7) 
Verse: 601    der rede eine wârheit
Verse: 602    als er mir hete geseit,

Verse: 603    und vant dâ grôz êre.
Verse: 604    man gehœret nimer mêre,

Verse: 605    diu werlt stê kurz ode lanc,
Verse: 606    so wunneclîchen vogelsanc

Verse: 607    als ich ze der lindell vemam,
Verse: 608    dô ich derzuo geriten kam.

Verse: 609    der ie gewesen wære
Verse: 610    ein tôtriuwesære,

Verse: 611    des herze wære dâ gevreut.
Verse: 612    sî was mit vogelen bestreut

Verse: 613    daz ich der este schîn verlôs
Verse: 614    und ouch des loubes lützel kôs.

Verse: 615    dern wâren niender zwêne gelîch:
Verse: 616    ir sanc was sô mislîch,

Verse: 617    hôch unde nidere.
Verse: 618    die stimme gap in widere

Verse: 619    mit gelîchem galme der walt.
Verse: 620    wie dâ sanc sange galt!

Verse: 621    den brumlen ich dar under sach,
Verse: 622    und swes der waltmall mir verjach.

Verse: 623    ein smâreides was der stein:
Verse: 624    uz iegelîchem orte schein

Verse: 625    eln alsô gelpfer rubin,
Verse: 626    der morgensterne möhte sîn

Verse: 627    niht schœner, swenner ûf gât
Verse: 628    und in des luftes trüebe lât.

Verse: 629    Dô ich daz becke hangen vant,
Verse: 630    dô gedâht ich des zehant,

Verse: 631    sît ich nâch âventiure reit,
Verse: 632    ez wære ein unmanheit

Verse: 633    obe ich dô daz verbære
Verse: 634    ichn versuochte waz daz wære;

Verse: 635    und riet mir mîn unwîser muot,
Verse: 636    der mir vil dicke schaden tuot,

Verse: 637    daz ich gôz ûf den stein.
Verse: 638    dô erlasch diu sunne diu ê schein,

Verse: 639    und zergienc der vogelsanc,
Verse: 640    als ez ein swærez weter twanc.

Verse: 641    diu wolken begunden
Verse: 642    in den selben stunden

Verse: 643    von vier enden ûf gân:
Verse: 644    der liehte tac wart getân

Verse: 645    daz ich die linden kûme gesach.
Verse: 646    grôz ungnâde dâ geschach.

Verse: 647    vil schiere dô gesach ich
Verse: 648    in allen enden umbe mich

Verse: 649    wol tûsent tûsent blickc:
Verse: 650    dar nâch sluoc alsô dicke

Verse: 651    ein alsô kreftiger donerslac
Verse: 652    daz ich ûf der erde gelac.

Verse: 653    sich huop ein hagel unde ein regen,
Verse: 654    wan daz mich der gotes segen

Verse: 655    vriste von des weters nôt,
Verse: 656    ich wære der wile dicke tôt:

Verse: 657    daz weter wart als ungemach
Verse: 658    daz ez den walt nider brach.

Verse: 659    was iender boum dâ sô grôz
Verse: 660    daz er bestuont, der wart blôz

Verse: 661    und loubes alsô lære
Verse: 662    als er verbrennet wære.

Verse: 663    swaz lebete in dem walde,
Verse: 664    ez entrunne danne balde,

Verse: 665    daz was dâ zehant tôt.
Verse: 666    ich hete von des weters nôt

Verse: 667    mich des lîbes begeben
Verse: 668    und enahte niht ûf mîn leben,

Verse: 669    und wære ouch sunder zwîvel tôt:
Verse: 670    wan daz der hagel und diu not

Verse: 671    in kurzer wîle gelac,
Verse: 672    und begunde lichten der tac.

Verse: 673    Dô diu vreise zergienc
Verse: 674    und ez ze wetere gevienc,

Verse: 675    wær ich gewesen vür wâr
Verse: 676    bî dem brunnen zehen jâr,

Verse: 677    ichn begüzze in niemer mê:
Verse: 678    wan ich hetez baz gelzen ê.

Verse: 679    die vogele kâmen widere:
Verse: 680    ez wart von ir gevidere

Verse: 681    diu linde anderstunt bedaht:
Verse: 682    sî huoben aber ir süezen braht

Verse: 683    und sungen verre baz dan ê.
Verse: 684    mirn wart dâ vor nie sô wê,

Verse: 685    desn wær nû allez vergezzen.
Verse: 686    alsus het ich besezzen

Verse: 687    daz ander paradîse.
Verse: 688    die selben vreude ich prîse

Verse: 689    vur alle die ich ie gesach.
Verse: 690    jâ wând ich vreude ân ungemach

Verse: 691    unangestlîchen iemer hân:
Verse: 692    seht, dô trouc mich mîn wân.

Verse: 693    Mir nâhte laster unde leit.
Verse: 694    nû seht wâ dort her reit

Verse: 695    ein rîter: des geverte
Verse: 696    was grimme und alsô herte

Verse: 697    daz ich des wânde ez wære ein her.
Verse: 698    iedoch bereite ich mich ze wer.

Verse: 699    sîn ors was starc, er selbe grôz;
Verse: 700    des ich vil lützel genôz.

Next part


This text is part of the TITUS edition of Hartmann, Iwein.

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.