TITUS
Hartmann, Iwein
Part No. 13
Previous part

Verse group: (13) 
Verse: 1201    ir sult vor schaden sicher sîn:
Verse: 1202    her Îwein, nemet diz vingerlîn.

Verse: 1203    ez ist umben stein alsô gewant:
Verse: 1204    swer in hât in blôzer hant,

Verse: 1205    den mac niemen, al die vrist
Verse: 1206    unz er in blôzer hant ist,

Verse: 1207    gesehen noch gevinden.
Verse: 1208    sam daz holz under der rinden,

Verse: 1209    alsam sît ir verborgen:
Verse: 1210    irn durfet niht mê sorgen.'

Verse: 1211    Alsus gap sîz im hin.
Verse: 1212    nû stuont ein bette dâ bî in:

Verse: 1213    daz was berihtet alsô wol
Verse: 1214    als ein bette beste sol,

Verse: 1215    daz nie künec bezzer gewan:
Verse: 1216    dâ hiez sî in sitzen an.

Verse: 1217    und dô er was gesezzen,
Verse: 1218    sî sprach 'welt ir iht ezzen?'

Verse: 1219    er sprach 'gerne, der mirz gît.'
Verse: 1220    Sî gienc und was in kurzer zît

Verse: 1221    her wider komen unde truoc
Verse: 1222    guoter gâchspîse gnuoc:

Verse: 1223    des saget er ir gnâde und danc.
Verse: 1224    dô er gâz und getranc,

Verse: 1225    dô huopz gesinde grôzen schal
Verse: 1226    ze bêden porten über al,

Verse: 1227    als sîz im niht wolden vertragen
Verse: 1228    der in den herren hete erslagen.

Verse: 1229    Sî sprach 'her Îwein, hœret ir?
Verse: 1230    sî suochent iuch, nû volget mir,

Verse: 1231    und enkumt niht ab dem bette.
Verse: 1232    iu stât diz dinc ze wette

Verse: 1233    niuwan umbe daz leben.
Verse: 1234    den stein den ich iu hân gegeben,

Verse: 1235    den besliezet in iuwer hant.
Verse: 1236    des sî mîn sêle iuwer pfant

Verse: 1237    daz iu niht leides geschiht,
Verse: 1238    wande iuch vürnamens nieman siht.

Verse: 1239    nu wâ mite möht iu wesen baz,
Verse: 1240    dan dazs iu alle sint gehaz,

Verse: 1241    und ir sî seht bî iu stân
Verse: 1242    unde drônde umbe iuch gân,

Verse: 1243    und sî doch sô erblindent
Verse: 1244    daz sî iuwer niene vindent,

Verse: 1245    und sît doch rehte under in.
Verse: 1246    Ouch tragent sî in vür iuch hin,

Verse: 1247    sîne liebe gesellen,
Verse: 1248    als sî in begraben wellen,

Verse: 1249    mînen herren, ûf der bâre.
Verse: 1250    so beginnent sî iuch zewâre

Verse: 1251    in manegen ende suochen:
Verse: 1252    desn durfet ab ir niht ruochen.

Verse: 1253    tuont alsus und sît genesen:
Verse: 1254    ichn tar niht langer bî iu wesen.

Verse: 1255    und vunden sî mich hinne,
Verse: 1256    daz kæme uns zungewinne.'

Verse: 1257    Sus hete sî urloup genomen.
Verse: 1258    die liute die dâ wâren komen

Verse: 1259    zuo dem vordern bürgetor,
Verse: 1260    die vunden dâ vor

Verse: 1261    daz ros halbez abe geslagen.
Verse: 1262    wer moht in daz dô widersagen?

Verse: 1263    wan sî wolten daz gewis hân,
Verse: 1264    und wurde diu porte ûf getân,

Verse: 1265    daz sî in dar inne vunden.
Verse: 1266    in vil kurzen stunden

Verse: 1267    brâchens beide porte dan,
Verse: 1268    und envunden doch dâ nieman

Verse: 1269    wanz halbe ors innerhalp der tür
Verse: 1270    von mitteme satele hin vür.

Verse: 1271    dô begunden sî von zorne toben
Verse: 1272    und got noch den tiuvel loben.

Verse: 1273    sî sprâchen 'warst der man komen,
Verse: 1274    ode wer hât uns benomen

Verse: 1275    diu ougen und die sinne?
Verse: 1276    er ist benamen hinne:

Verse: 1277    wir sîn mit gesehenden ougen blint.
Verse: 1278    ez sehent wol alle die hinne sint:

Verse: 1279    ezn wær dan cleine als ein mûs,
Verse: 1280    unz daz beslozzen wær diz hûs,

Verse: 1281    sone möht niht lebendes drûz komen:
Verse: 1282    wie ist uns dirre man benomen?

Verse: 1283    swie lange er sich doch vriste
Verse: 1284    mit sînem zouberliste,

Verse: 1285    wir vinden in noch hiute.
Verse: 1286    suochent, guote liute,

Verse: 1287    in winkeln und under benken.
Verse: 1288    erne mac des niht entwenken

Verse: 1289    erne müeze her vür.'
Verse: 1290    sî verstuonden im die tür.

Verse: 1291    Ein dinc was ungewärlich:
Verse: 1292    sî giengen slahende umbe sich

Verse: 1293    mit swerten sam die blinden.
Verse: 1294    solden sî in iemer vinden,

Verse: 1295    daz heten sî ouch dô getân.
Verse: 1296    daz bette enwart des niht erlân

Verse: 1297    sîne ersuochtenz under im gar.
Verse: 1298    bî sîner genist nim ich war,

Verse: 1299    unz der man niht veige enist,
Verse: 1300    sô nert in vil cleiner list,

Next part


This text is part of the TITUS edition of Hartmann, Iwein.

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.