TITUS
Hartmann, Iwein
Part No. 14
Previous part

Verse group: (14) 
Verse: 1301    Dô er in disen sorgen saz,
Verse: 1302    nû widervuor im allez daz

Verse: 1303    daz im sîn vriunt diu guote maget
Verse: 1304    vordes hete gesaget.

Verse: 1305    er sach zuo im gebâret tragen
Verse: 1306    den wirt den er dâ hete erslagen,

Verse: 1307    und nâch der bâre gienc ein wîp,
Verse: 1308    daz er nie wîbes lîp

Verse: 1309    alsô schœnen gesach.
Verse: 1310    von jâmer sî vürder brach

Verse: 1311    ir hâr und diu cleider.
Verse: 1312    ezn dorfte nie wîbe leider

Verse: 1313    ze dirre werlte geschehen:
Verse: 1314    wand sî muose tôten sehen

Verse: 1315    einen den liebesten man
Verse: 1316    den wîp ze liebe ie gewan.

Verse: 1317    ezn möhte nimmer dehein wîp
Verse: 1318    gelegen an ir selber lîp

Verse: 1319    von clage selhe swære,
Verse: 1320    der niht ernest wære.

Verse: 1321    ez erzeicten ir gebærde
Verse: 1322    ir herzen beswærde

Verse: 1323    an dem lîbe und an der stimme.
Verse: 1324    von ir jâmers grimme

Verse: 1325    sô viel sî dicke in unmaht:
Verse: 1326    der liehte tac wart ir ein naht.

Verse: 1327    sô sî wider ûf gesach
Verse: 1328    und weder gehôrte noch ensprach,

Verse: 1329    sone sparten ir die hende
Verse: 1330    daz hâr noch daz gebende.

Verse: 1331    swâ ir der lîp blôzer schein,
Verse: 1332    da ersach sî der her Îwein:

Verse: 1333    dâ was ir hâr und ir lîch
Verse: 1334    sô gar dem wunsche gelîch

Verse: 1335    daz im ir minne
Verse: 1336    verkêrten die sinne,

Verse: 1337    daz er sîn selbes gar vergaz
Verse: 1338    und daz vil kûme versaz

Verse: 1339    sô sî sich roufte unde sluoc.
Verse: 1340    vil ungerne er ir daz vertruoc:

Verse: 1341    sô wolder dar gâhen
Verse: 1342    und ir die hende vâhen,

Verse: 1343    daz sî sich niht enslüege mê.
Verse: 1344    im tete der kumber alsô we

Verse: 1345    an dem schœnen wîbe
Verse: 1346    daz erz an sînem lîbe

Verse: 1347    gerner hæte vertragen.
Verse: 1348    sîn heil begunder gote clagen,

Verse: 1349    daz ir ie dehein ungemach
Verse: 1350    von sînen schulden geschach.

Verse: 1351    so nâhen gienc im ir nôt,
Verse: 1352    in dûhte des daz sîn tôt

Verse: 1353    unclägelîcher wære
Verse: 1354    dan ob sî ein vinger swære.

Verse: 1355    Nû ist uns ein dinc geseit
Verse: 1356    vil dicke vür die wârheit,

Verse: 1357    swer den andern habe erslagen,
Verse: 1358    und wurder vür in getragen,

Verse: 1359    swie langer dâ vor wære wunt,
Verse: 1360    er begunde bluoten anderstunt.

Verse: 1361    nû seht, alsô begunden
Verse: 1362    im bluoten sîne wunden,

Verse: 1363    dô man in in daz palas truoc:
Verse: 1364    wan er was bî im der in sluoc.

Verse: 1365    dô daz diu vrouwe rehte ersach,
Verse: 1366    sî ruofte sêre unde sprach

Verse: 1367    'er ist zewâre hinne
Verse: 1368    und hât uns der sinne

Verse: 1369    mit zouber âne getân.'
Verse: 1370    die ê daz suochen heten lân,

Verse: 1371    die begunden suochen anderstunt.
Verse: 1372    daz bette wart vil dicke wunt,

Verse: 1373    und durch den kulter, der dâ lac,
Verse: 1374    gie manec stich unde slac:

Verse: 1375    ouch muoser dicke wenken.
Verse: 1376    in winkeln und under benken

Verse: 1377    suochten sin mitten swerten,
Verse: 1378    wand sî sîns tôdes gerten

Verse: 1379    alsam der wolf der schâfe tuot.
Verse: 1380    von zorne tobet in der muot.

Verse: 1381    Ze gote huop diu vrouwe ir zorn.
Verse: 1382    sî sprach 'herre, ich hân verlorn

Verse: 1383    vil wunderlîchen mînen man:
Verse: 1384    dâ bistû eine schuldec an.

Verse: 1385    dû hetest an in geleit
Verse: 1386    die kraft und die manheit

Verse: 1387    daz im von gehiuren dingen
Verse: 1388    nie mohte misselingen.

Verse: 1389    ez ist niuwan alsô komen:
Verse: 1390    der im den lîp hât genomen,

Verse: 1391    daz ist ein unsihtic geist
Verse: 1392    got herre, wie wol dû weist,

Verse: 1393    swer ez anders wære
Verse: 1394    niuwan ein zouberære,

Verse: 1395    des heter sich vil wol erwert.
Verse: 1396    im was eht dirre tôt beschert.

Verse: 1397    diz hœret er und ist uns bî.
Verse: 1398    nû kieset hie wie küener sî:

Verse: 1399    sît er mînen herren hât erslagen,
Verse: 1400    wie mac er dar an verzagen

Next part


This text is part of the TITUS edition of Hartmann, Iwein.

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.