TITUS
Hartmann, Iwein
Part No. 16
Previous part

Verse group: (16) 
Verse: 1501    mit wîslîcher getât:
Verse: 1502    swes sin aber sô stat

Verse: 1503    daz er an allen dingen
Verse: 1504    wil volbringen

Verse: 1505    mit den werken sînen muot,
Verse: 1506    daz enist niht halbez guot.

Verse: 1507    gedenket ir deheiner tumpheit,
Verse: 1508    der muot sî gar hin geleit:

Verse: 1509    hât ab ir deheinen wîsen muot,
Verse: 1510    den volvüeret, daz ist guot.

Verse: 1511    herre,ich muoz iuch eine lân
Verse: 1512    und vil drâte wider gan

Verse: 1513    hin zuo dem gesinde.
Verse: 1514    ich vürhte, man bevinde

Verse: 1515    daz ich zuo iu gegangen bin.
Verse: 1516    vermissent sl mîn under in,

Verse: 1517    sô verdenkent sî mich sâ.'
Verse: 1518    hin gie sî und liez in dâ.

Verse: 1519    Swie im sîne sinne
Verse: 1520    von der kraft der minne

Verse: 1521    vil sêre wæren überladen,
Verse: 1522    doch gedâht er an einen schaden,

Verse: 1523    daz er niht überwunde
Verse: 1524    den spot den er vunde,

Verse: 1525    sô er sînen gelingen
Verse: 1526    mit deheinen schînlichen dingen

Verse: 1527    ze hove erziugen möhte,
Verse: 1528    waz im danne töhte

Verse: 1529    älliu sîn arbeit.
Verse: 1530    er vorhte eine schalkheit:

Verse: 1531    er weste wol daz Keiî
Verse: 1532    in niemer gelieze vrî

Verse: 1533    vor spotte und vor leide.
Verse: 1534    dise sorgen beide

Verse: 1535    die tâten im gelîche we.
Verse: 1536    vil schiere wart des einen mê:

Verse: 1537    vrou Minne nam die obern hant,
Verse: 1538    daz sî in vienc unde bant.

Verse: 1539    sî bestuont in mit überkraft
Verse: 1540    und twanc in des ir meisterschaft

Verse: 1541    daz er herzeminne
Verse: 1542    truoc sîner vîendinne,

Verse: 1543    diu im ze tôde was gehaz.
Verse: 1544    Ouch wart diu vrouwe an im baz

Verse: 1545    gerochen danne ir wære kunt:
Verse: 1546    wan er was tœtlichen wunt.

Verse: 1547    die wunden sluoc der Minnen hant.
Verse: 1548    ez ist der wunden alsô gewant,

Verse: 1549    sî wellent daz sî langer swer
Verse: 1550    dan diu von swerte ode von sper:

Verse: 1551    wan swer von wâfen wirt wunt,
Verse: 1552    der wirt schiere gesunt,

Verse: 1553    ist er sînem arzte bî:
Verse: 1554    und wellnt daz disiu wunde sî

Verse: 1555    bî ir arzte der tôt
Verse: 1556    unde ein wahsendiu nôt.

Verse: 1557    Ê hâte sich diu Minne
Verse: 1558    nâch swachem gewinne

Verse: 1559    geteilet an manege arme stat,
Verse: 1560    dar ir nieman enbat:

Verse: 1561    von danne nam sî sich nû gar
Verse: 1562    unde kêrte sich dar

Verse: 1563    mit aller ir kraft,
Verse: 1564    ze diu daz ir meisterschaft

Verse: 1565    dâ deste merre wære.
Verse: 1566    ein dinc ist clagebære:

Verse: 1567    sît Minne kraft hât sô vil
Verse: 1568    daz sî gewaltet swem sî wil

Verse: 1569    und alle künege die nû sint
Verse: 1570    noch lîhter twinget danne ein kint,

Verse: 1571    sô ist sî einer swachen art,
Verse: 1572    daz sî ie sô diemüete wart

Verse: 1573    daz sî iht bœses ruochet
Verse: 1574    und so swache stat suochet,

Verse: 1575    diu ir von rehte wære
Verse: 1576    smæhe unde unmære.

Verse: 1577    sî ist mit ir süeze
Verse: 1578    vil dicke under vüeze

Verse: 1579    der Schanden gevallen,
Verse: 1580    als der zuo der gallen

Verse: 1581    sîn süezez honec giuzet
Verse: 1582    und der balsem vliuzet

Verse: 1583    in die aschen von des mannes hant:
Verse: 1584    wan daz wurde allez baz bewant.

Verse: 1585    doch enhât sî hie niht missetân:
Verse: 1586    wir suln sî genesen lân.

Verse: 1587    sî erwelte hie nû einen wirt
Verse: 1588    deiswâr von dem sî niemer wirt

Verse: 1589    geswachet noch gunêret.
Verse: 1590    sî ist rehte zuo gekêret:

Verse: 1591    sî belîbet hie mit êren:
Verse: 1592    sus solde sî zuo kêren.

Verse: 1593    Dô man den wirt begruop, dô schiet
Verse: 1594    sich diu riuwige diet.

Verse: 1595    leien unde pfaffen
Verse: 1596    die vuoren ir dinc schaffen:

Verse: 1597    diu vrouwe beleip mit ungehabe
Verse: 1598    alters eine bî dem grabe.

Verse: 1599    dô sî her Îwein eine ersach
Verse: 1600    unde ir meinlich ungemach,

Next part


This text is part of the TITUS edition of Hartmann, Iwein.

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.