TITUS
Hartmann, Iwein
Part No. 19
Previous part

Verse group: (19) 
Verse: 1801    und muget ouch ze vil clagen.
Verse: 1802    uns ist ein vrumer herre erslagen:

Verse: 1803    nû mac iuch got wol stiuren
Verse: 1804    mit einem alsô tiuren.'

Verse: 1805    'meinstuz sô?' 'vrouwe, jâ.'
Verse: 1806    'wâ wære der?' 'etewâ'

Verse: 1807    'dû tobest, ode ez ist dîn spot.
Verse: 1808    und kêrte unser herre got

Verse: 1809    allen sînen vlîz dar an,
Verse: 1810    ern gemachte niemer tiurern man.

Verse: 1811    dâ von sol sich mîn senediu nôt,
Verse: 1812    ob got wil, unz an mînen tôt

Verse: 1813    nimer volenden:
Verse: 1814    den tôt sol mir got senden,

Verse: 1815    daz ich nâch mînem herren var.
Verse: 1816    dû verliusest mich gar,

Verse: 1817    ob dû iemer man gelobest
Verse: 1818    neben im: wan dû tobest.'

Verse: 1819    Dô sprach aber diu maget
Verse: 1820    'iu sî doch ein dinc gesaget,

Verse: 1821    daz man iedoch bedenken sol,
Verse: 1822    ir vervâhetz übel ode wol.

Verse: 1823    ezn ist iu niender sô gewant,
Verse: 1824    irn wellet iuwern brunnen und daz lant

Verse: 1825    und iuwer êre verliesen,
Verse: 1826    sô müezet ir etewen kiesen

Verse: 1827    der iun vriste unde bewar.
Verse: 1828    manec vrum rîter kumt noch dar

Verse: 1829    der iuch des brunnen behert,
Verse: 1830    enist dâ nieman der in wert.

Verse: 1831    und ein dinc ist iu unkunt:
Verse: 1832    ez wart ein bote an dirre stunt

Verse: 1833    mînem herren gesant:
Verse: 1834    dô er in dô tôten vant

Verse: 1835    und iuch in selher swære,
Verse: 1836    dô versweic er iuch daz mære

Verse: 1837    und bat aber michz iu sagen
Verse: 1838    daz nâch disen zwelf tagen

Verse: 1839    unde in kurzerme zil
Verse: 1840    der künec Artûs wil

Verse: 1841    zuo dem brunnen mit her.
Verse: 1842    enist dan nieman der in wer,

Verse: 1843    so ist iuwer êre verlorn.
Verse: 1844    habt ab ir ze wer erkorn

Verse: 1845    von iuwerm gesinde deheinen man,
Verse: 1846    dâ sît ir gar betrogen an.

Verse: 1847    und wære ir aller vrümekheit
Verse: 1848    an ir einen geleit,

Verse: 1849    dazn wær noch niht ein vrum man.
Verse: 1850    swelher sich daz nimet an

Verse: 1851    daz er der beste sî von in,
Verse: 1852    dern getar niemer da hin

Verse: 1853    dem brunnen komen ze wer.
Verse: 1854    sô bringet der künec Artûs ein her,

Verse: 1855    die sint zen besten erkorn
Verse: 1856    die ie wurden geborn.

Verse: 1857    vrouwe, durch daz sît gemant,
Verse: 1858    welt ir den brunnen und daz lant

Verse: 1859    niht verliesen âne strît,
Verse: 1860    sô warnet iuch der wer enzît,

Verse: 1861    und lât iuwern swæren muot.
Verse: 1862    ichn râtez iu niuwan durch guot.

Verse: 1863    Swie sî ir die wârheit
Verse: 1864    ze rehte hete underseit

Verse: 1865    und sî sich des wol verstuont,
Verse: 1866    doch tete sî sam diu wîp tuont:

Verse: 1867    sî widerredent durch ir muot
Verse: 1868    daz sî doch ofte dunket guot.

Verse: 1869    daz sî sô dicke brechent
Verse: 1870    diu dinc diu sî versprechent,

Verse: 1871    dâ schiltet sî vil maneger mite:
Verse: 1872    sô dunketz mich ein guot site.

Verse: 1873    er missetuot, der daz seit,
Verse: 1874    ez mache ir unstætekheit:

Verse: 1875    ich weiz baz wâ vonz geschiht
Verse: 1876    daz man sî alsô dicke siht

Verse: 1877    in wankelm gemüete:
Verse: 1878    ez kumt von ir güote.

Verse: 1879    man mac sus übel gemüete
Verse: 1880    wol bekêren ze güete

Verse: 1881    unde niht von guote
Verse: 1882    bringen ze übelem muote.

Verse: 1883    diu wandelunge diu ist guot:
Verse: 1884    ir deheiniu ouch anders niht entuot.

Verse: 1885    swer in danne unstæte giht,
Verse: 1886    des volgære enbin ich niht:

Verse: 1887    ich wil in niuwan guotes jehen.
Verse: 1888    allez guot müez in geschohen.

Verse: 1889    Diu vrouwe jæmerlîchen sprach
Verse: 1890    'nû clag ich gote mîn ungemach,

Verse: 1891    daz ich nû niht ersterben mac.
Verse: 1892    daz ich iemer deheinen tac

Verse: 1893    nâch mînem herren leben sol,
Verse: 1894    dâ mite enist mir doch niht wol.

Verse: 1895    und möht ich umben tôt mîn leben
Verse: 1896    âne houbetsünde gegeben,

Verse: 1897    des wurd ich schiere gewert,
Verse: 1898    od ichn vunde mezzer noch swert.

Verse: 1899    Ob ich des niht gerâten kan
Verse: 1900    ichn müeze mit einem andern man

Next part


This text is part of the TITUS edition of Hartmann, Iwein.

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.