TITUS
Hartmann, Iwein
Part No. 25
Previous part

Verse group: (25) 
Verse: 2401    wan dûhtez sî alle missetan,
Verse: 2402    sî wold in doch genomen han.

Verse: 2403    Dô der truhsæze getete
Verse: 2404    sîner vrouwen rede nâch ir bete,

Verse: 2405    und dô sî ouch hôrten sagen,
Verse: 2406    ez kæme in vierzehen tagen

Verse: 2407    der künec Artûs dar mit her:
Verse: 2408    vund er den brunnen âne wer,

Verse: 2409    sô wærer benamen verlorn:
Verse: 2410    wan er hete der vart gesworn;

Verse: 2411    und als in rehte wart geseit
Verse: 2412    des rîters geburt und vrümekheit

Verse: 2413    ze der schœne die sî sâhen,
Verse: 2414    von rehte sî des jâhen,

Verse: 2415    ez wære vrume und êre.
Verse: 2416    waz sol der rede mêre?

Verse: 2417    wan ez was michel vuoge.
Verse: 2418    dâ wâren pfaffen genuoge:

Verse: 2419    die tâten in die ê zehant.
Verse: 2420    sî gâben im vrouwen unde lant.

Verse: 2421    Vrou Laudîne hiez sîn wîp.
Verse: 2422    sî kund im leben unde lîp

Verse: 2423    wol gelieben mit ir tugent.
Verse: 2424    dâ was geburt unde jugent,

Verse: 2425    schœne unde rîcheit.
Verse: 2426    an swen got hât geleit

Verse: 2427    triuwe und andern guoten sin,
Verse: 2428    volle tugent, als an in,

Verse: 2429    und den eins guoten wibes wert,
Verse: 2430    diu niuwan sînes willen gcrt,

Verse: 2431    suln diu mit liebe lange leben,
Verse: 2432    den hât er vreuden vil gegeben.

Verse: 2433    daz was allez wænlich dâ.
Verse: 2434    hie huop sich diu brûtlouft sâ.

Verse: 2435    des tôten ist vergezzen:
Verse: 2436    der lebende hât besezzen

Verse: 2437    beidiu sîn êre und sîn lant.
Verse: 2438    daz was vil wol zuo im bewant.

Verse: 2439    ezn wart vordes noch sît
Verse: 2440    volleclîcher hôchzît

Verse: 2441    in dem lande nie mêre.
Verse: 2442    dâ was wünne und êre,

Verse: 2443    vreude und michel rîterschaft
Verse: 2444    und alles des diu überkraft

Verse: 2445    des man zem lîbe gerte.
Verse: 2446    ir rîterschaft diu werte

Verse: 2447    unz daz in daz lant vuor
Verse: 2448    der künec Artûs, alser swuor,

Verse: 2449    zuo dem brunnen mit her.
Verse: 2450    dô bedorfter guoter wer:

Verse: 2451    im entoht ze herren niht ein zage.
Verse: 2452    ezn kam dar nie in einem tage

Verse: 2453    sô manec guot rîter alsô dô.
Verse: 2454    nû was der herre Keiî vrô

Verse: 2455    daz er ze spottenne vant.
Verse: 2456    er sprach 'her Kâlogrenant,

Verse: 2457    wa ist iuwer neve her Îwein?
Verse: 2458    ez schînet noch als ez dô schein

Verse: 2459    und ich wænez immer schîne:
Verse: 2460    sîn rede was nâch wîne,

Verse: 2461    dô er iuch hie mit worten rach.
Verse: 2462    ouwî wie er sluoc und stach!

Verse: 2463    wær im ein trinken noch getragen,
Verse: 2464    er hete zwelf risen erslagen.

Verse: 2465    sîner manheit der ist vil.
Verse: 2466    deiswâr ober iuch rechen wil,

Verse: 2467    so sûmet er sich.
Verse: 2468    der iuch dâ richet, daz bin ich.

Verse: 2469    ich muoz eht aber die nôt bestân,
Verse: 2470    als ich vil dicke hân getân

Verse: 2471    dâ ich vür mînen vriunt stuont.
Verse: 2472    ichn weiz war umbe sî ez tuont,

Verse: 2473    od waz sî an in selben rechent,
Verse: 2474    die alsô vil gesprechent

Verse: 2475    von ir selber getât,
Verse: 2476    sô ins nieman gestât.

Verse: 2477    ez ist ze vehtenne guot
Verse: 2478    dâ niemen den widerslac tuot.

Verse: 2479    nû ist er uns entwichen,
Verse: 2480    im selben lasterlichen.

Verse: 2481    er vorhte, wærer her komen,
Verse: 2482    wander sichz het an genomen,

Verse: 2483    er müese die nôt vor bestân.
Verse: 2484    ich hetes in doch vil wol erlân.

Verse: 2485    Ez swachet manec bœse man
Verse: 2486    den biderben swâ er iemer kan:

Verse: 2487    ern begât deheine vrümekheit,
Verse: 2488    und ist im gar ein herzeleit

Verse: 2489    swem dehein êre geschiht.
Verse: 2490    nû seht, des entuon ich niht,

Verse: 2491    wan ich einem iegelîchen man
Verse: 2492    sîner eren wol gan:

Verse: 2493    ich prîs in swâ er rehte tuot
Verse: 2494    und verswîge sîn laster: daz ist guot.

Verse: 2495    ez ist reht daz mir gelinge:
Verse: 2496    wan ezn sprichet vonme dinge

Verse: 2497    nieman minre danne ich.
Verse: 2498    iedoch sô vürdert er sich,

Verse: 2499    swâ sich der bœse selbe lobet;
Verse: 2500    wand niemen vür in gerne tobet,

Next part


This text is part of the TITUS edition of Hartmann, Iwein.

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.